[ عـردج وشـآهينـاز ] & [ انـآ والخنبقــة المملــوح ] فــي رحلــة مصــر .!

[مفحطة بناقة]

" مفحطـــــــــــــــــــــــــــــــــــة "
^^^
خرج هذا الصوت من خلف تلك النافذه المتربعه على ذلك الجدار الكستنائي
الذي يحمل تلك الشطوب المتهالكه لدرجة انه لو عطس انهد البيت
تأتي مفحطة بكل فهاوه مدربيتن تلك الدميجه اللي ماتفرق بينها وبين مقفى غوريلا منطولتن بحديقت الملز << من اولها بدينا سماجه يالبقرة :SnipeR (2):
تململت من فراشي طفشانتن وحايمتن كبدي من عيشتي استغفر الله

يعني هالحين حتى بالحلم مااتهنى ؟!
حلم والله العظيم حلم يعني مامن واقع ..
حتى بأحلامي ابليس مشاركني .. اعنبوا فكّ عني شوي خلني اتهنى مالت عليك
البنات يشوفون بأحلامهم فستان ابيض وواحد يقطر حلى وانا ما اشوف إلا امي
تكفين يايمه احبك بس لاتصيرين كثيرة عاد .! http://www.m-aldoog.com/vb/images/icons/icon9.gif

اجبتها قائلتن : هااااااه يمة وش تبغين .؟!
امي: سنه يالعنز اصوت لك وينك فيه كل هالوقت .؟
انا: بغرفتي اخلصي علينا وش تبين
امي: باللهي لا اسطرني بكف احسن لالا افلقيني ببلكه << ابو النعومة :D
نعنبو حيك نكد عليك حنا ، 24 تبن لازقتن بذا الغرفه لاشغل ولا مشغله ولاحتى رجلن يضفك المهم الغدا جاهز تبغينه ولا روحي اشربي بحر

ذهبت وانا اشقل خطواتي متمتمه
الله لايجزى العدو خير ..
الحين العجز ذولي رفيقات الطفولة والصبا وسن الشيخوخة لامي يتبطّحون عندنا كل ضحوية ولا وحدة تبرعت وقالت بخطب ولدي لذا المزيونة !

[ في زاوية اخرى ]
مهند : .... << اكذب اكذب اسمه عردج :D : يووووووووه وش ذا كل يوم رز ودجاج كل يوم رز ودجاج ابثرتونا تراكم

" طراااااااااخ " << صورت الريموت معلم على جبهة عردج
ابوي: يا كلـــــــب يالبطران احمد ربك على النعمه ، غيرك عايشين على كسرة خبزه يقرضونه ويالله تموع مع السعابيل ، تجي تعاف هالخير .!

المهم اسمعو ياعيالي وانتي يا امهم يا هشاشة كبدي و شعرة قلبي وجمرة مصيري <<يسمع بالرومنصيه الوالد
لكم اسبوعين تلمون فيها عفشكم نبي نروح مصر نغير جو

ومن عقب هالكلمه ، اللي جاه شد عضلي بالجانب الايمن من الرقبه ، واللي اغمى عليه

لدرجة ان عردج وصل لأبعد درجات العقوق حينما دبج ابوي لين قال آمين وهو يقوله : شف حركات الاستهبال هذي تخليها عنك لا اتوطى بطنك يا الشايب
يعني على بالك بتقنعني اني بركب طياره قبل لا اموت .؟!

المهم اننا تجاوزنا الصدمه بأمان ومرت الاسبوعين وجاء وقت السفره ،
وليتكم تشوفون خششهم اللهم لك الحمد كل واحد فاقن كشرته تقول موزعين عليهم اراضي منح بالبساتين .!

يوم ركبوا وانا اللي اويدز بخشة عردج والقاها مليانتن غمص قلت وين يبو تسوي دعايه ليوهو انت .!
ومير اهاوشه : من بداية الرحلة وساخة .! رح غسل بسرعة

يوم جاء عردج وعيونه حمر من قوي الفرك << مهجدتهم


نزلنا من الكرسيدا الخضراء وتوجهنا الى المطار ..
والشيء اللي الين الحين ابي اعرفه ليش العالم تناظر حذيان عردج .؟!
يعني هل عشانه لابس شورت وهاي نك مثلن .؟!

عاد انا اشوفه قمة الأناقة بالنسبة لأبوي اللي لابس ثوب صوف رصاصي وشماغ احمر ومتلطم ..
يوم قالت له امي : وراك لابس كذا قال واحد من ربعي قايل لي ان مصر فيها ثلوج وبرد ،

لاواالبلا يوم جينا بننزل من السيارة قال اصبروا بنزل الكيس ..
قلت : وشو كيسه بس بعد ؟
قال: اللي فيه فروتي .!!
قلت : الله يخلف على اميمتك بس .. الجو زين موب لازم فروه ..
ويالله اقتنع << الظاهر يحسب القاهره فرع لموسكو
المهم ماودنا نضيق صدره ونخليه يغير قلنا اللي يريحه
دخلنا الطياره بحمد االله

اومير تجي المضيفة وتدلنا على كراسينا واثر كرسيي جنب واحد اطخم مملوح
<< طبعاً اهلي رايحين درجة اولى وسيفون علينا

ويجيكم البثر مسوي فيها محرم ويستفرد بهالمضيفه : ياسستر ياسستر انتي مافي مخ هنا مافي مخ << مع التأشير بيدينه الى رأسه من زود الحماس
هاذا سئودي مافي يجلس هرمه سوا سوا رجال

وانا اللي خامتن الكرسي والله ما اقوم وقسسسمن بالله ماتحرك
وين يبوو النظام نظام << اجل نظام يالمخفة

وهالغبي ملزم الا يغير مكاني ويقوم هالمملوح ويقعد مكانه ،
وتقطع عليهم هذي المصريه اللي عليها هذا الجسم ،وهي اللي تطق بالعلك وتسبل بعيونه

شاهيناز بكل دلع العالم: اكسكيوزمي


[ فآصل ونوآصل ] << لازم اقسم الموضوع لأن النص اللي ادخلته كبير جدن ( 24406 )
>> من زود الحماس خخ

[مفحطة بناقة]

[ عدنآآآآ ]

شاهيناز بكل دلع العالم: اكسكيوزمي

طبعا لاتسألوني عن حالة عردج بهالوقت لان نص فنيلته اصابتها الرطوبه من السعابيل هذا غير الاماكن المترطبه الاخرى :SnipeR (31):

عردج : يعني وشو زوزمي .؟!
انا : ليش .؟!
عردج : هالحرمة المزيونة قالتلي زوزمي ، والله شكلها مدحة بالمصري
انا : ضف وجهك ورانا طريق يا الخبل

مامدان التفت عليه الا هو ضاف خشته بقوه ورابطن لحزام ومظبط اموره

ويعتلي صوت البثر اللي من خلقت الدنيا وهم ماغيروه ويقول دعاء السفر << ميزة خطوطنا

بعدها عم الهدوء وطآآآل الصمت

قلت بفسي مايصير كذا اقعد ساكته ساعتين لازم تهرجين يا المفحطة

وانا اللي افكر وافكر وش اقول مير اسأله وانا احك جبهتي بكل فهاوه وبراءة ورقة ونعومة وعفاشة

انا : امممممم شسمه ذا لوسمحت هالحين تتوقع اننا وصلنا ولالا << لاوالله اللي جبتي العيد اجل ذا سؤال يالرخمه

الوسيم: hi what do ya want ?

وانا اللي تطقن الغلقه اخرته طلع موب من ربعنا ياولي وشلون باتفاهم معه

واقول له بصوت مرتفع : كل ت ب ن
ويرد علي : ما اشتهيتك يا المغثة
انا: ايا الكلب الاجرب اجل تعرف طلعت عربي والحركات ذي وشوله
الوسيم: اتميلح هههههههههااي

ويفتح الجريده ويقعد يقرا
مرت دقيقه دقيقتين خمسطعشر ، طفشت ياربي وش اقله ياربي وش اقول .؟!

وتولع فوق راسي لمبه صفرا زي اللي بافلام كرتون
قلت ورا ما امزح معه ولا اسوي به مقلب..

انا: احم .. لو سمحت
الوسيم وقد رفع نظاراته واشاح بالجريده : وش بغيتي .؟!
انا: امممممممم سحاب سروالك مفتوح << كتبته بخط صغير لان وقتها كنت موطيه صوتي
الوسيم: هاه .؟!

انا وبصوتن يسمعه اللي بالطياره الاخرى: اقووووووووول سحاااب سروالك مفتوووح << هالحين عالي

وهو اللي ينقلب وجهه ومصدق ويجي بيزين السحاب
مير اقول له بكل مصالة العالم :
هههههههههههههههههههههههه .. كركرككركركركركر هههههههههههاااي واحد صفر ، اضحكوا عليه اضحكوا عليه ههههههههههههههههههااي

" طراااااااااااااااااااااخ " << مادريت الا وقارورة المويه ماشيه 200 معلمة على جبهتي

ويكمل قراية الجريدة


المهم واسفهه وافز اذني عند عردج قلت خل نشوف وش هو مهبب
واثره يتميلح على مصريته طاقن هالنظرات الشمسيه حتى ماشال ولا اللزقه اللي عليها
وملزم انه يقنعها بأنه حافظ كل قصايد الفراعنه وهي اللي تريش له من جهه وهو اللي يهايط من جهه ثانيه
ويا إشطة ويا عسل ويا مُزة

عردج : اقولك انتي هيه ابقلك لغز .. وشو الشي اللي طعمه حلو وبوسطه مربا .؟!
شاهيناز : اممممممم كيكه .؟
عردج : لا شكرن توي متعشي هههههههههههههه كرككركركركركر هههههههه عليك واحد
شاهيناز : هههههههههههههااي إشطة ، هو انت اول مرة بتقي لأم الدونيا مصر .؟!

عردج : تبين اكذب عليك و اقلك ايه و ادخل النار لمجرد ارضاء شهواتك .؟!

شاهيناز : ايه الهبب ده مين اللي ارضاء شهواتك عيب يالا دي الناس بتحسبني [ طوووووووووط ] << تشفير

عردج : مشكلة الشعب السطحي لازم تجلس تشرح له كل كلمة ..
شاهيناز : ايه يعني شعب سطحي .؟!
عردج: شعب سطحي يعني ساكن في السطح يا الخبلة


وانا اللي اعدل جلستي واتحمد ربي ع العقل << عشتووووا يا العاقلة

مسكت معي اني استنزل على اغنيه الاماكن لمحمد عبده وهاتك ياردح << ابليس هجد وانا مازلت اتنكس

مير يستوقفني الاطخم بوضع يديه الناعمتين بكل حنيه على جبهتي الرقيقه
زعما منه انني اصابتني حمى..

واذا به يهمس بصوته الرقيق: are u ok .؟!

قلت وانا بكامل خقتي: اصير لك كيكه
الوسيم بضحكه تخقق الجن والانس: ــهههههههههههههههههههههــ <يمديكم ع الضحكه المرتبه

وبينما انا اسعبل بعمق في كيسة التطريش وانا في كامل اندماجي وفارشتن المجلات سماط :SnipeR (31): <<حالفة ان احلل كل شين بالطياره احلل فلوسنا تحليل مب صاحي

واذا بي احس بشيء يرعص على يدي اليسرى اذا بي اقول في نفسي
واذا بالشيء نفسه يصعد الى الاعلى ببطي ويصعد معه الالم حتى وصل الى رقبتي اليسرى << هو فيه رقبه يمنى يا التنكة .؟!

عفون اقصد بالجهه اليسرى انا هنا قلت بسسسسسسس عاد مصختها

[ ايضاً فاصل ]

[مفحطة بناقة]

[ عدنــآ ]

عفون اقصد بالجهه اليسرى انا هنا قلت بسسسسسسس عاد مصختها

مادريت الا رقى الى اعلى راسي ووصل المخ انهبلت سميت وقريت المعوذات قلت هذي اكيد عوارظ دوار البحر ..
وفي نفس الزاويه..
كانت الاجواء رومنسيه بهذا الضوء الخافت وتلك الموسيقى الكلاسيكية

التفت على اليسار اذا بي ارى الاطخم المملوح لازقن بخشتي
حسيت ان عقارب الساعة وقفت عن المشي وكل شي توقف
والشخص هذا هو الوحيد للي يتحرك ويتجه لي

اصبح قريب
قريب مني جدا

وقف دميجته بهدوء
ووقفت معاه اجمل ذكرياتي واحلامي وخطط مستقبلي
حسيت انه وقفت معاه الكرة الارضية عن الدوران

اصبح امامي مباشرة

وهو ساكت مانطق بكلمة وحدة

هنا ايقنت انه لم يعد يحتمل وانه سوف يقبلني طأطأت برأسي خجلاً
وانا اهمس: اريدها حلالاً يا ايها المملوح :SnipeR (87): <<والله من الهجفنة يا الوسخة

واذا بالرحم يشتد الماً في راسي ويشتد ويشتد و مان إن وضعت يدي على رأسي اذا بي اتحسس كتله كالحجر ولونها اسود ولها مثل الماصورة ،

.
.
.

ههاهاهاهاهااااااااا مسدس يا اغبياء


قلت والعبره تخنقني : شف يا ابن الحلال لاتغرك المظاهر انا صحيح اني مزيونة ومملوحه
بس لحمي مر صدقني مايصلح للأكل << متأثره بقراصنه الكاريبي الجزء الثاني

قال : اقول لايكثر ..

ويمعط شوشتي وهاتك ياتسحيب بين الاسياب << مستشفى موب طياره

والناس تصارخ وحالتهم حاله ..

هو بيروح للكابتن ومر على الدرجه الاولى ويلمح ابوي
ويقوم بكل شجاعه ونخوه متجها الى الوسيم الذي يحمل فلذه كبده اللي هي انا

جاء قاله الوسيم شف لاتقعد تهايط بنتك مافي امل تشوفها لاننا لو مسكنا الأرض باطلب منك فديه عشان تشوفها

انا: يبه انقذني ياحليب السعوديه
الوالد: بس..
انا: مااااتبسبسش يا بااااابااا

ابوي: هين هين يالكلب الوعد مقلط بيتنا انا اللي اعرف اربيك صح

هنا حس الخاطف بأنه اقترف ذنباً كبيراً
عندما اختارني كرهينه لكنه بلع العافيه وانطم بعدما كرش ابوي

وذهب متجها الى غرفه القياده ليهدد الكابتن ويأمره بأن يغيّر مسار الرحله الى عاصمه الضباب لندن
واقله لاتكفى يرحم امك خلها المكسيك عشاني ، لاتودينا للبرد ماجبت الا ثياب قطنية ،

قال : بالله ما اوديك بعد نمر على هوليوود تسيّرين على توم كروز ..
لا يكثر بس وانطمي طمة تطمك

قلت : ابشر طال عمرك سم بس شوف كأنك يعني ملزم انك تذهب الى المكسيك
ذكرنا نشوف روبي وفكتور وآليخاندرو مرة وحدة اذا سمحت

هو وصلت معه وقال : تستهبلين انتي ووجهك ويحط المسدس بخشمي

وانا اللي اتنرفز منه واقله : شوف ياولد الأجواد << طبعا بقلبي اقول يابن الكلب بس الذله بنت حلال
اذا بتذبحني خلاص ما يخالف بس اسمعني قبل ابيك تسلم لي على امي وتقلها
طقم الالماس حقك ترى موب الخدامه سونيكا هي اللي سارقته ..
لا تراه انا بادلته المصريه صديقتي بالقيم بوي حقها

وقل لابوي ترى ابو مسفر جارنا نصاب يسرق فلوسه ويروح يعرس بهن على مغربيه ، وانا ساكته بحكم ان ولدهم حمار
واتحراه يجي يدق الباب مير ماله حس

اما عردج ابيك تقوله ترى بلايزك اللي اختفوا اذا كنت تبغاهم
افتح الدرج الثاني حق البيز اللي بالمطبخ وتلقاهم
انا عطيتهم امي عشان تخيطهم بيز يومنك تعيي عليّ توديني للسوق

يوم خلصت هذرة واناظر والاقي الوسيم نايم من عقب خنبقتي وانا اللي استغل الفرصه واتذكر حركه تايسن ابو كلت احمر اللي بالـWF

واتشقلب واسحب المسدس بحركه خطافيه << مشوها عشاني

واصوب عليه وانا اضحك ضحكة الإنتصار : نييييييييهااااااااا
واقول بكل غباء : يا حسافة الجمال عليك يا ايها الوقح

الوسيم: بس ليييه وش ذنبي اذا كنت احبك .؟!

انا لا تسألوني عن حالتي هنا لاني خقيت خقه بنت كلب
والصراحه ضعفت امام هذه الكلمه واستفحل الأمر
حتى اني بغيت اعطيه المسدس وفوقه ورده حمرا ورساله
مرسوم عليه قلب حب ويقطع بينهم سهم ينقط دم << حالتها صعبة

لكن جمعت قواي العقلية وقلت يابنت الحلال الرجل يجي غيره عشر << ايه هين

واقله : اخرس ايها الجبان الحمار لن تكذب عليّ بهذه الكلمات ايها الذئب البشري ..

واذا بالباب ينفتح فجأه ليطيح الوسيم فيخر ساقطا مغشيا عليه..


[ فـــآصـــل ]

[مفحطة بناقة]

[ عدنــــآآآآآآآ ]


واذا بالباب ينفتح فجأه ليطيح الوسيم فيخر ساقطا مغشيا عليه..

انا: عردج .؟! وش جايبك هنا .؟!

عردج : اقول وين السواق بس قولوله يخفف السرعه لان شاهيناز تحس بغثيان وشكلها حامل << امدى يالحقير http://www.m-aldoog.com/vb/images/icons/icon10.gif
وبعدين كني شفت الطيارات اللي جايه تكبس شكله فيه نقطت تفتيش ..

هبطت الطائره على ارض المطار .. وجو الجهات المختصه لاستلام الوسيم وانا اناظره ويناظرني وهو مكلبش والدموع تغرغر في عيوننا لقصت حب لم تكتمل

المهم اني قلت يعوض الله خير وان شاء الله بنشوف رزقنا بذا السفره
ويوم حطينا رجلنا عن الطياره ونلقى مكتوب
[ مطار جيزان الاقليمي يرحب بكم مرحبا 1000،000 ]

حنا وجيهنا صارت كذا
سلامات يابو .؟! وش جيزانه ووش بطيخه .؟!
قال الكابتن : هذا اللي صار غيرنا مسار الرحله بحكم الظروف اللي صارت ..

قلت : ايـه .؟! لا صار حبيبك عسل لا تلسحه كله .!!! << لا اشوف احد جاي طاير يسألني وش دخل هالمثل افقع وجهه موضوعي وانا حره فيه

بلعنا العافيه مع تبن وفرشنا الزوليه بالخضار وفصفص وشاهي
وطق حنك ونحن نستمع في الرادو ربووع بلادي علينا بتنادي .





ما يستفاد من هالخنبقة اللي فوق /

- لا تقعدون جنب واحد مملوح بالطيارة
- مب شرط اذا قعدت جنب هذا الواحد المملوح انك تعرس عليه
- اذا جيت بتسافر خذ احتياطك يعني خذ كم طويل وقصير ومايمنع انك تاخذ مايو لأن ممكن مسار الرحله يتغير

[shmoo5y1 3zy]

ام البربر عليتس سحليه ام الخلاقين :SnipeR (3):

فيتس عرق مصري ولا هندي :SnipeR (43):

لي باتس

سنت بذا

[shmoo5y1 3zy]

عدنا :SnipeR (43):

وشذا انتي ملئفتها ولا زارفتها ولا ايه :confused:

اضحك الله كلوبشي فيتس

واللهي انتي اوب صاحيه موهبه واللهي موهبه مشاء الله

الا بسعلس وش غدى في شهيناز ؟؟

ام ذا الوسيم ما عندوش نظر عله الماحي

nO nEw موهبه واللهي موهبه :SnipeR (69):

سنت بذا

[خجل انثى]

هههههههههههههههههههههههههههاااااي
روووووعه القصه
وبسراحه أنا حبيت أخوك عردج>>:SnipeR (68):
أحسه فارس أحلامي هههههههههههه
وكثري من هالرويات ;)

ويسلمووووووووو

[ريآنة العود]

ههههههههههههههههههههههههههههآي

الله يقطع أبلييسك

مسوويه توم كرووز ..

احلآآآ شي اريدها حلالاً يا ايها المملوح ..

انقلعي بس :SnipeR (19):

قمة الصيآعه يآ بنت اللذين ..:SnipeR (30):

آآخ يآ بطني وربي فطست ضحك :SnipeR (99):

يسلموو مفمف


:SnipeR (21):

[ترانيم الغرام]

هههههههههههههههههههههههههههههههآآآآآي



ياهووه ياعردج:SnipeR (22): اثاريك موب سهل


رووووووووووووووووووووووووووووووووووووووعه



من جد انا خقييييت مع عردج :SnipeR (87)::SnipeR (87):


تسلمييييييييييييييييييين حبيبت قلبي مفحه

[بنت نجــد]

ياحضك ياحضك موو على كيفك أبي اجلس جنب المملوح ,,:SnipeR (40):

أما كل تبن ,, هاااذي خطييييره وناااسه ,,:SnipeR (81):


الذئب البشري ..

ههههههههههههههههههههههههههههههههههه ذكرتيني بالمدرسا ,, لما يجيبون أول لنا وحده تلقي محاضره ,, لاتزم تقول ( أحذروا من الذئاب البشريه ) << حشى

لا لا بس انا خقيت على المملوح ,, أحسه طوويل وسكسوكه ورزه حركات :SnipeR (38):


لا بس تصدقين انتي شويا عليك موهوبه ..

بلاهي كم أعطتتك أبلة التعبير في موضوع المذكرات اليوميه , أذا كنتوا اخذتووه .. :SnipeR (13):

[البرنس999]

وبعدين معس ياسحيلا ياأم الخلاقين :SnipeR (40):




كل شي يصير بيني وبينس على طول تكتبينه وتفضحينا


عاجبس كذا .. الحين المنتدى كله عرف اني اطخم ومملوح بسبتس

ذلحين وش الي بيفكني منهم

وبعدين ليش التسذب .. :SnipeR (40):


اصلا انتي الي خطفتيني مو انا الي خطفتس


وكل ماسألوس الركاب وش فيس على الرجال قلتي لهم جوزي وانا حره فيه :SnipeR (63):



يعني ماكفاس فضائح بالطائره جايه تفضحينا هنا :SnipeR (40):



دخل جو مع القصه لاتواخذونه نياااااااااااااااااااااااااهااااااااااااااااااااا

[مفحطة بناقة]

عدنا

وشذا انتي ملئفتها ولا زارفتها ولا ايه

اضحك الله كلوبشي فيتس

واللهي انتي اوب صاحيه موهبه واللهي موهبه مشاء الله

الا بسعلس وش غدى في شهيناز ؟؟

ام ذا الوسيم ما عندوش نظر عله الماحي

nO nEw موهبه واللهي موهبه :SnipeR (69):

سنت بذا

شاهيناز هالخنبقة تركها عردج ، ولقى غيرها " زوزو " في رحلة العودة http://www.m-aldoog.com/vb/images/icons/icon10.gif

الله يسلمك ، نورت واللهي نورت http://www.m-aldoog.com/vb/images/icons/icon10.gif

شكرررن :SnipeR (42):

[مفحطة بناقة]

هههههههههههههههههههههههههههاااااي
روووووعه القصه
وبسراحه أنا حبيت أخوك عردج>>:SnipeR (68):
أحسه فارس أحلامي هههههههههههه
وكثري من هالرويات

ويسلمووووووووو


عردج يوصلك سلامه ، انبسطي يا ست << لا يكثر http://www.m-aldoog.com/vb/images/icons/icon10.gif

ابشري ، نورتي فدييتك :SnipeR (69):

حياك http://www.m-aldoog.com/vb/images/icons/icon10.gif

[مفحطة بناقة]

ههههههههههههههههههههههههههههآي

الله يقطع أبلييسك

مسوويه توم كرووز ..

احلآآآ شي اريدها حلالاً يا ايها المملوح ..

انقلعي بس :SnipeR (19):

قمة الصيآعه يآ بنت اللذين ..

آآخ يآ بطني وربي فطست ضحك

يسلموو مفمف




لا مسوية براد بيت هههههههههههههههههههههههه << سخييييييفة :SnipeR (6):

دوم الضحك يا الخبلوووه ، نورتي :SnipeR (16):

شكرن ريري http://www.m-aldoog.com/vb/images/icons/icon10.gif

[مفحطة بناقة]

هههههههههههههههههههههههههههههههآآآآآي



ياهووه ياعردج:SnipeR (22): اثاريك موب سهل


رووووووووووووووووووووووووووووووووووووووعه



من جد انا خقييييت مع عردج


تسلمييييييييييييييييييين حبيبت قلبي مفحه

دووم هالضحكة http://www.m-aldoog.com/vb/images/icons/icon10.gif

نورتي فديتك :SnipeR (69):

شكرن ع المرور http://www.m-aldoog.com/vb/images/icons/icon10.gif

[مفحطة بناقة]

ياحضك ياحضك موو على كيفك أبي اجلس جنب المملوح ,,

أما كل تبن ,, هاااذي خطييييره وناااسه ,,




ههههههههههههههههههههههههههههههههههه ذكرتيني بالمدرسا ,, لما يجيبون أول لنا وحده تلقي محاضره ,, لاتزم تقول ( أحذروا من الذئاب البشريه ) << حشى

لا لا بس انا خقيت على المملوح ,, أحسه طوويل وسكسوكه ورزه حركات


لا بس تصدقين انتي شويا عليك موهوبه ..

بلاهي كم أعطتتك أبلة التعبير في موضوع المذكرات اليوميه , أذا كنتوا اخذتووه ..
معصي تجلسين جنبه معصي :SnipeR (19):
لي لوحدي انا وبص :SnipeR (44):<< هبلة والله http://www.m-aldoog.com/vb/images/icons/icon10.gif

والله هالدرس اخذناه بس للأسف محد فينا طبقه http://www.m-aldoog.com/vb/images/icons/icon10.gif

منورة واللهي =)

[مفحطة بناقة]

وبعدين معس ياسحيلا ياأم الخلاقين




كل شي يصير بيني وبينس على طول تكتبينه وتفضحينا


عاجبس كذا .. الحين المنتدى كله عرف اني اطخم ومملوح بسبتس

ذلحين وش الي بيفكني منهم

وبعدين ليش التسذب ..


اصلا انتي الي خطفتيني مو انا الي خطفتس


وكل ماسألوس الركاب وش فيس على الرجال قلتي لهم جوزي وانا حره فيه



يعني ماكفاس فضائح بالطائره جايه تفضحينا هنا



دخل جو مع القصه لاتواخذونه نياااااااااااااااااااااااااهااااااااااااااااااااا

ياااااااااااااحياااااااااتي .. يحزززززززززن :SnipeR (72):

حالته مررررة صعبة :(

مسطول ، شكرن على المرور من غير تعليق << تحطيم http://www.m-aldoog.com/vb/images/icons/icon10.gif

* ومضة / عجبتني كلمة " طائرة " كشششخة عليك الفصحى http://www.m-aldoog.com/vb/images/icons/icon10.gif

[w7dany]

يالله يافحححاااطه الله يرجك هههههههههههاااي...

قريت نص الموضوع ..باقي النص الثاني ..

لـــي عودهـ تعبت ...والله ماقدر ...

[مفحطة بناقة]

يالله يافحححاااطه الله يرجك هههههههههههاااي...

قريت نص الموضوع ..باقي النص الثاني ..

لـــي عودهـ تعبت ...والله ماقدر ...

هلع ومبرحبع :D

له له له له له ! وش دعوة تقرا الموضوع بالتقسيط انت ؟ :SnipeR (102):

بإنتظار عودتك يا بيه .. :SnipeR (16):

[So]

لحظه بس ستوب .. انا بسأل القصة هاذي قصتك


لاااازم لي بآأإك

انتظر ردك يادووبا

[مفحطة بناقة]

^^^

هلع ومبرحبع :D

فكرة القصة مقتبسة ، وتم التغيير في الأسلوب الحواري :gif1:

شكرن ع المرور :SnipeR (16):

[ahmwed]

شكراً للمتعة هنا
ولحروفك التي مثلت
وكلماتك التي عبرت
وعباراتك التي صورت
اللــــــــــــــــــــــــــــــــــــــــه يرزقك بسيارة
دمتي متألقة