بن عجلان
03-17-2009, 11:14 PM
يـــــــــالله لاتقطع لنا منك ميثاق = يا ذو الكرم يامستجيب المنادي
تفرج لمن دهره على هم واقلاق = عمره معا حضه بطرد وجهادي
عامين محدود(ن)على غير مالاق = جوه تضايق والهبايب ركادي
يشرف الشاهق ويوقف على ساق = يخيل الانواء مع كل بادي
لابان له عارض ولالاح براق = ولا هو تفياء في نسيم البرادي
والمزنه الي اسقت يعيدات الافاق = اليوم عنها خذت علم(ن) الوكادي
وقطعت منها الياس من بعد الارهاق = ماراحت الايام به مايعادي
صفحه مضت مالعمر واغلقتها اغلاق = الفوت طرده نقص عقل وبلادي
ابقت له ذكرى في القلب واشواق = ونيران من حسره في اقصى الفوادي
ولا يسلي ضيقة الصدر لاضاق = الا سوالف كل شهم(ن)جوادي
يامن على الاسرار وافي و صداق = واناهوى بالي وغاية مرادي
ليلة ونس تجمع رفيعين الاذواق = بيض الوجوه الطيبين الجيادي
تجري سوالفهم على الروح ترياق = كنوز ينضم من دررها قلادي
وجوههم تندى ندا خضر الاوراق = منهاجهم نهج السلف والاجدادي
وساع الصدور اهل المكارم والاخلاق = الي يجالسهم كسب واستفادي
وش عاد لو كانوا بني عم وارفاق = من وين تاجي والزمن في عنادي
وعوذ بالله من خبيثين الاعماق = الي سولفهم تغث الاكبادي
للهرج نقاله وللعهد بواق = تواعدوا للغي من كل وادي
تجمعواللمهزله والتترياق = يرعون لحم الخلق رعي الجرادي
ليله سرت مابينهم كذب وانفاق = جملة وجوه(ن)مغتطيهاالسوادي
جليسهم في غيهم يغرق اغراق = يبديه من هذاوذاك انتقادي
البعد عنهم خير والله رزاق = الخير اعيش بوحدتي وانفرادي
وصلاةربي عد مالاح براق = على النبي وعداد نشر الجرادي
تفرج لمن دهره على هم واقلاق = عمره معا حضه بطرد وجهادي
عامين محدود(ن)على غير مالاق = جوه تضايق والهبايب ركادي
يشرف الشاهق ويوقف على ساق = يخيل الانواء مع كل بادي
لابان له عارض ولالاح براق = ولا هو تفياء في نسيم البرادي
والمزنه الي اسقت يعيدات الافاق = اليوم عنها خذت علم(ن) الوكادي
وقطعت منها الياس من بعد الارهاق = ماراحت الايام به مايعادي
صفحه مضت مالعمر واغلقتها اغلاق = الفوت طرده نقص عقل وبلادي
ابقت له ذكرى في القلب واشواق = ونيران من حسره في اقصى الفوادي
ولا يسلي ضيقة الصدر لاضاق = الا سوالف كل شهم(ن)جوادي
يامن على الاسرار وافي و صداق = واناهوى بالي وغاية مرادي
ليلة ونس تجمع رفيعين الاذواق = بيض الوجوه الطيبين الجيادي
تجري سوالفهم على الروح ترياق = كنوز ينضم من دررها قلادي
وجوههم تندى ندا خضر الاوراق = منهاجهم نهج السلف والاجدادي
وساع الصدور اهل المكارم والاخلاق = الي يجالسهم كسب واستفادي
وش عاد لو كانوا بني عم وارفاق = من وين تاجي والزمن في عنادي
وعوذ بالله من خبيثين الاعماق = الي سولفهم تغث الاكبادي
للهرج نقاله وللعهد بواق = تواعدوا للغي من كل وادي
تجمعواللمهزله والتترياق = يرعون لحم الخلق رعي الجرادي
ليله سرت مابينهم كذب وانفاق = جملة وجوه(ن)مغتطيهاالسوادي
جليسهم في غيهم يغرق اغراق = يبديه من هذاوذاك انتقادي
البعد عنهم خير والله رزاق = الخير اعيش بوحدتي وانفرادي
وصلاةربي عد مالاح براق = على النبي وعداد نشر الجرادي