shmoo5y1 3zy
05-22-2009, 07:34 PM
السلام عليكم و رحمه الله و بركاته
الموضوع منزله لانه قصه حبيت اتعرف على ارائكم و انطباعتكم حولها لا اكثر
بعطيكم قصه وابيكم تتقمصون شخصية علي
علي شخصيه قرويه
علي عاش طول عمره في القريه وماعمره طالع من ديرته الا مره ولا مرتين ولا طول في يومهم يرجعون درس من اول ابتدائي الين ثلاث ثانوي في قريتهم وعيال القروى غالباً يجيونك فيهم دلاخه ولا يفهون حركات اللكاعه لكنهم رجال ينحط على اليمين تخرج علي من الثانوي بتفوق مشاء الله عليه انبسط ابوه منه و الام الدونيا مش سيعاها ولدها نجح بتفوق بيض وجيه اهلها عند الناس الناس يباركون لابو علي بتفوق و ابنه و تخرج بنسبه مكنته من الحصول على الاول على مستوى منطقته (القصيم) طبعاً علي منبسط و يمشي بين اهله مرفوع الراس بالانجاز الي حققه قهر كل شي مر عليه قهر المدارس الاهليه و قهر الغش الي صاير عندهم و اخذهم لدرجات مايستحقونه طبعاً قرية علي بلغته ان المنطقه بيكون فيه تكريم للمتفوقين (التكريم نسجته من خيالي لاني ماادري هل المتفوق يكرمون عندنا ولا لا )
علي راح يدور اكشخ ثوب عنده حتى يستعد لتكريم دور مالقى الا ثوب مفصله من سنه لا من سنه و نص وملفلفه في باغته عشان ما يتوصخ ولا يغبر خبركم قريه الكهربا يطفى عندهم اكثر ما تشتغل خذ علي الثوب لقاه مغبر و يبيله نفظ نفضه و رجع دخله في الباغه قبل ما يصكه دخل شماغه مع الثوب الين اليوم الموعود
بعد اسبوع يوم السبت راح لمقر الوزاره في القصيم متباهي و الدونيا مش سايعاه
شاف المبنى انبهر
علي يكلم نفسه ( الله هنا بيكرمني الوزير من قدك ياعلي)
دخل علي المبني راز صدره و يمشي بفخر
علي يكلم الاستقبال :
السلام عليكم اخوي محمد ......... قز الاسم من كرت الموضف
محمد يرد عليه : هلا اخوي وش اقدر اخدمك فيه
علي : بسالك لو تكرمت المتفوقين وين بيكرمونهم فيه
محمد : ههههههههههههههه وليش تسال هيئتك ماتدل على انك صحفي تبي تغطي
علي : نزل راسه و ابتسم لا اخوي محمد انا من المكرمين
محمد بدهشه : انت !! يخي هيئتك ما تدل على انك متفوق معليش لا تاخذ بخاطرك شكلك عود ( كبير)
علي : و انت تغتر بالمضاهر ماشفت نفسك يخي توقعتك الوزير ( مزحه و هي رزحه ) وضحك
محمد : الله يطول عمرك تسلم لي شف اخوي علي تروح المصعد وترقى الدور الرابع و تسال هناك يدلونك
علي : ماقصرت
علي يتجه للمصعد يركب شاف رقم اربعه ضغط عليه وهو راقي وقف المصعد في الدور الثاني ركب معه شايب وشكله حبيب
علي استلطفه : كيف حالك ياعم
الشايب : بخير ياولدي و انت
علي : بخير ياعم الا بسالك انت موضف هنا
الشايب : ايه انا من اول ما فتحت الوزاره وانا فيه
علي : قال شكلها موضف كبير ولا واسطته قوي الا مقعدة بذا كل العمر (مايدري انه من الفراشين )
الشايب : ياولدي وش عندك جاي الوزاره عسى منتب معلم يدور نقل ولا مبادله ( حالة المعلمين حاله مايلقى نقل الا بطلعه الروح )
علي : لا ياعم هههههههههههههه وشو معلمه المعلمين ذا الوقت مالهم قيمه
الشايب : تنهد صاز اجل وش عندك ( ملقيف)
علي : ابد لي جائزه بخذها و امشي
الشايب : بالتوفيق ياولدي
طلعوا من المصعد وبنفس الوقت علي سال الشايب ياعم مكتب الوزير وينهو بوه
الشايب : الوزير
علي : ايه وراه مانعين الدخول عليهم ( يسمع انه الوزير موب كل احد يدخل عليه )
الشايب : ههههههههه ياولدي الوزير في الرياض هنا يقاله رئيس او مسؤال
علي : الي هو وينهو بوه ياعم المسؤال
الشايب : تعال وراي
دخل مكتب كبيرررررررررررر ( علي يقول يوه ذا المكتب لحاله يجي كبر بيتنا لا كبر قريتنا )
الشايب سلام على السكرتير ياولدي ذا متفوق و جاين يخذ جائزته
الموضف : يالله صباح خير وش معجلك يالاخو الوزير موب يجي الا تسع
علي : تسع اجل يبيلي انتظره ثلاث ساعات ميخالف بقعد بذا احتريه
الموضف : وشو وراه تقعد بذا اقعد تحت يالاخو ذا مكتب الوزير
علي : بشويش لا يطق فيك عرق بنزل تحت
الشايب يضحك علي كلام علي ( جاز له )
نزل علي تحت قال مالي الا اتمشى في ذا المبنى الزين
ماخلا مكتبن مادخله و سلام علي الي فيه و يعرف بنفسه (قروي)
وفي ذا الوقت علي دخل مكتب صغير مايدري منهو له
لقى شايب رجلن في الدونيا و رجل في القبر (قصته قصه )
علي سلم و قعد عنده يسولف
الشايب رد السلام و قام يخذ و يعطي مع علي
علي : ياعم مهنا غيرك بذا
ابو صالح : ايه ياولدي
علي : وشي شغلتك
ابو صالح : كاتب غصبن علي
علي : وشلون تجي ذي ياعم
ابو صالح : ياولدي تبي تسمع قصتي
علي : ايه ياعم باقي على وزيركم ساعه يجي (مصر انه وزير)
ابو صالح : اجل صب لي كاس مويه لان ريقي بينشف و اسمع ياولدي القصه ...
انا رجال كنت فلوسي ماتنعد وتجارتي ماتحصى لكن عيال الحرام ياولدي تصدق لو قلت لك ان عندي اول 10 ملاين
علي : لا ما اصدق
ابو صالح : ما الومك ياولدي انا فتح الله علي يومني بعت مزرعه ابوي و اشتغلت بفلوسه التجاره الحره و العقار لكن حسبي الله عليهم
علي : ( متعجب ) ياعم وشي قصتك
ابو صالح :( قصتي ) اني ياولدي كنت من اغنى اهل الديره وكان يشار لي بالبنان اه يا ولدي ياولدي انا مثل غيري دخلت بفلوسي في ذيك الله لا يعيدها الي يقاله الاسهم
علي : الاسهم
ابو صالح : ايه الله حسيبن عليهم راحت فلوسي و طلعت بديون ياولدي انعمينا الواحد يدخل 10 الاف يطلع بخمسين الف متى صارت ذي
علي : ايه والله ياعم (يسلك له ولا علي مايعرف الخمسميه )
ابو صالح : ياولدي خسرت كل فلوسي في الاسهم غير اني مديون بحول العشره مليون خذت قرض و ضيعت فلوسي و عيالي حسبي الله عليهم
علي : من هم ذولي
ابو صالح : الهوامير هوامير الاسهم و ...
علي : هزا رويسه وقال عرفتهم مايحتاج تكمل ياعم
ابو صالح : رجعوني لشغلي عشان اسدد ديوني راتبن يروح كله على التسديد لكني شرطت عليهم ما ابي احدن معي في المكتب و جزاهم الله خير وافق لي و حطوني بذا
علي : الله يعينك ياعم استئذنك ياعم ماعاد الا خير و يجي الوزير
ابو صالح : محفوظ ياولدي الا ماقلت لي وش تبي الوزير فيه
علي : متفوق وبخذ جائزتي
ابو صالح : لا تامن الدنيا لكن تسلح بالعلم ترا ما مثله
طلع علي يقول عشره مليون راحت في لحظه صز دنيا مالهاامان
دار على المبنى كامل ماخلى مكان الا جاه وشف وش فيه
علي يناظر ساعة في الجدار ( خبركم قروي موب يستخدم ساعه)
يوه ماعاد بقى شين على تسع خلني الحق على الوزير (مصر على انه وزير)
على المصعد الدور الرابع (من العجله ضغط عل الرابع ) فتح المصعد
طلع عجل وعاض علي شماغه يركض
يدور المكتب موب فيه وين راح له قال مالي الا اسئل اقرب مكتب
السلام عليكم باللهي ياجماعه ابي مكتب الوزير
يخوك مكتب الوزير الدور الرابع و انت في الثالث
ذا الثالث الحين اجل من العجله نزلت ولا شفت الدور
رقى لمكتب الوزير دخل على الموضف السلام عليكم الوزير جاء
الموضف لحظه خلني اقوله في واحدن يبيك برا الا من انت
علي : انا الاول على المنطقه
الموضف : انت
علي : ايه منيب مالين عينك
الموضف : لا ماليه لحظه
في ذا الوقت الشايب دخل المكتب و معه دلة القهوه و القدوع دخل مكتب الوزير بدخلت ذا الا الموضف طالع : تفضل اخوي
دخل علي على الوزير سلم و ماطول خذ الجائزه و مشى عجل وكان محل ترحيب
رجع علي لديرته يومنه خذ الجائزه ولقى اهله مزينين ذيك العزيمه لولدهم و الاستقبال الحافل ولقى معهم ولد خاله حمد الي ماشافه من سنين (قصة حمد بنتعرف عليه في الجزء الثاني بحيله)
صراحتنا يدي عورتني اكمل بعدين بحيله
لكن بسئلكم
تعرفنا على ابو صالح ابي رائيك في الي صاره له و وهل تصدق قصته ولا لا ؟
وش تصورك للفصل الثاني ....... حمسوني :d
على دروب المحبه نلتقي .
الموضوع منزله لانه قصه حبيت اتعرف على ارائكم و انطباعتكم حولها لا اكثر
بعطيكم قصه وابيكم تتقمصون شخصية علي
علي شخصيه قرويه
علي عاش طول عمره في القريه وماعمره طالع من ديرته الا مره ولا مرتين ولا طول في يومهم يرجعون درس من اول ابتدائي الين ثلاث ثانوي في قريتهم وعيال القروى غالباً يجيونك فيهم دلاخه ولا يفهون حركات اللكاعه لكنهم رجال ينحط على اليمين تخرج علي من الثانوي بتفوق مشاء الله عليه انبسط ابوه منه و الام الدونيا مش سيعاها ولدها نجح بتفوق بيض وجيه اهلها عند الناس الناس يباركون لابو علي بتفوق و ابنه و تخرج بنسبه مكنته من الحصول على الاول على مستوى منطقته (القصيم) طبعاً علي منبسط و يمشي بين اهله مرفوع الراس بالانجاز الي حققه قهر كل شي مر عليه قهر المدارس الاهليه و قهر الغش الي صاير عندهم و اخذهم لدرجات مايستحقونه طبعاً قرية علي بلغته ان المنطقه بيكون فيه تكريم للمتفوقين (التكريم نسجته من خيالي لاني ماادري هل المتفوق يكرمون عندنا ولا لا )
علي راح يدور اكشخ ثوب عنده حتى يستعد لتكريم دور مالقى الا ثوب مفصله من سنه لا من سنه و نص وملفلفه في باغته عشان ما يتوصخ ولا يغبر خبركم قريه الكهربا يطفى عندهم اكثر ما تشتغل خذ علي الثوب لقاه مغبر و يبيله نفظ نفضه و رجع دخله في الباغه قبل ما يصكه دخل شماغه مع الثوب الين اليوم الموعود
بعد اسبوع يوم السبت راح لمقر الوزاره في القصيم متباهي و الدونيا مش سايعاه
شاف المبنى انبهر
علي يكلم نفسه ( الله هنا بيكرمني الوزير من قدك ياعلي)
دخل علي المبني راز صدره و يمشي بفخر
علي يكلم الاستقبال :
السلام عليكم اخوي محمد ......... قز الاسم من كرت الموضف
محمد يرد عليه : هلا اخوي وش اقدر اخدمك فيه
علي : بسالك لو تكرمت المتفوقين وين بيكرمونهم فيه
محمد : ههههههههههههههه وليش تسال هيئتك ماتدل على انك صحفي تبي تغطي
علي : نزل راسه و ابتسم لا اخوي محمد انا من المكرمين
محمد بدهشه : انت !! يخي هيئتك ما تدل على انك متفوق معليش لا تاخذ بخاطرك شكلك عود ( كبير)
علي : و انت تغتر بالمضاهر ماشفت نفسك يخي توقعتك الوزير ( مزحه و هي رزحه ) وضحك
محمد : الله يطول عمرك تسلم لي شف اخوي علي تروح المصعد وترقى الدور الرابع و تسال هناك يدلونك
علي : ماقصرت
علي يتجه للمصعد يركب شاف رقم اربعه ضغط عليه وهو راقي وقف المصعد في الدور الثاني ركب معه شايب وشكله حبيب
علي استلطفه : كيف حالك ياعم
الشايب : بخير ياولدي و انت
علي : بخير ياعم الا بسالك انت موضف هنا
الشايب : ايه انا من اول ما فتحت الوزاره وانا فيه
علي : قال شكلها موضف كبير ولا واسطته قوي الا مقعدة بذا كل العمر (مايدري انه من الفراشين )
الشايب : ياولدي وش عندك جاي الوزاره عسى منتب معلم يدور نقل ولا مبادله ( حالة المعلمين حاله مايلقى نقل الا بطلعه الروح )
علي : لا ياعم هههههههههههههه وشو معلمه المعلمين ذا الوقت مالهم قيمه
الشايب : تنهد صاز اجل وش عندك ( ملقيف)
علي : ابد لي جائزه بخذها و امشي
الشايب : بالتوفيق ياولدي
طلعوا من المصعد وبنفس الوقت علي سال الشايب ياعم مكتب الوزير وينهو بوه
الشايب : الوزير
علي : ايه وراه مانعين الدخول عليهم ( يسمع انه الوزير موب كل احد يدخل عليه )
الشايب : ههههههههه ياولدي الوزير في الرياض هنا يقاله رئيس او مسؤال
علي : الي هو وينهو بوه ياعم المسؤال
الشايب : تعال وراي
دخل مكتب كبيرررررررررررر ( علي يقول يوه ذا المكتب لحاله يجي كبر بيتنا لا كبر قريتنا )
الشايب سلام على السكرتير ياولدي ذا متفوق و جاين يخذ جائزته
الموضف : يالله صباح خير وش معجلك يالاخو الوزير موب يجي الا تسع
علي : تسع اجل يبيلي انتظره ثلاث ساعات ميخالف بقعد بذا احتريه
الموضف : وشو وراه تقعد بذا اقعد تحت يالاخو ذا مكتب الوزير
علي : بشويش لا يطق فيك عرق بنزل تحت
الشايب يضحك علي كلام علي ( جاز له )
نزل علي تحت قال مالي الا اتمشى في ذا المبنى الزين
ماخلا مكتبن مادخله و سلام علي الي فيه و يعرف بنفسه (قروي)
وفي ذا الوقت علي دخل مكتب صغير مايدري منهو له
لقى شايب رجلن في الدونيا و رجل في القبر (قصته قصه )
علي سلم و قعد عنده يسولف
الشايب رد السلام و قام يخذ و يعطي مع علي
علي : ياعم مهنا غيرك بذا
ابو صالح : ايه ياولدي
علي : وشي شغلتك
ابو صالح : كاتب غصبن علي
علي : وشلون تجي ذي ياعم
ابو صالح : ياولدي تبي تسمع قصتي
علي : ايه ياعم باقي على وزيركم ساعه يجي (مصر انه وزير)
ابو صالح : اجل صب لي كاس مويه لان ريقي بينشف و اسمع ياولدي القصه ...
انا رجال كنت فلوسي ماتنعد وتجارتي ماتحصى لكن عيال الحرام ياولدي تصدق لو قلت لك ان عندي اول 10 ملاين
علي : لا ما اصدق
ابو صالح : ما الومك ياولدي انا فتح الله علي يومني بعت مزرعه ابوي و اشتغلت بفلوسه التجاره الحره و العقار لكن حسبي الله عليهم
علي : ( متعجب ) ياعم وشي قصتك
ابو صالح :( قصتي ) اني ياولدي كنت من اغنى اهل الديره وكان يشار لي بالبنان اه يا ولدي ياولدي انا مثل غيري دخلت بفلوسي في ذيك الله لا يعيدها الي يقاله الاسهم
علي : الاسهم
ابو صالح : ايه الله حسيبن عليهم راحت فلوسي و طلعت بديون ياولدي انعمينا الواحد يدخل 10 الاف يطلع بخمسين الف متى صارت ذي
علي : ايه والله ياعم (يسلك له ولا علي مايعرف الخمسميه )
ابو صالح : ياولدي خسرت كل فلوسي في الاسهم غير اني مديون بحول العشره مليون خذت قرض و ضيعت فلوسي و عيالي حسبي الله عليهم
علي : من هم ذولي
ابو صالح : الهوامير هوامير الاسهم و ...
علي : هزا رويسه وقال عرفتهم مايحتاج تكمل ياعم
ابو صالح : رجعوني لشغلي عشان اسدد ديوني راتبن يروح كله على التسديد لكني شرطت عليهم ما ابي احدن معي في المكتب و جزاهم الله خير وافق لي و حطوني بذا
علي : الله يعينك ياعم استئذنك ياعم ماعاد الا خير و يجي الوزير
ابو صالح : محفوظ ياولدي الا ماقلت لي وش تبي الوزير فيه
علي : متفوق وبخذ جائزتي
ابو صالح : لا تامن الدنيا لكن تسلح بالعلم ترا ما مثله
طلع علي يقول عشره مليون راحت في لحظه صز دنيا مالهاامان
دار على المبنى كامل ماخلى مكان الا جاه وشف وش فيه
علي يناظر ساعة في الجدار ( خبركم قروي موب يستخدم ساعه)
يوه ماعاد بقى شين على تسع خلني الحق على الوزير (مصر على انه وزير)
على المصعد الدور الرابع (من العجله ضغط عل الرابع ) فتح المصعد
طلع عجل وعاض علي شماغه يركض
يدور المكتب موب فيه وين راح له قال مالي الا اسئل اقرب مكتب
السلام عليكم باللهي ياجماعه ابي مكتب الوزير
يخوك مكتب الوزير الدور الرابع و انت في الثالث
ذا الثالث الحين اجل من العجله نزلت ولا شفت الدور
رقى لمكتب الوزير دخل على الموضف السلام عليكم الوزير جاء
الموضف لحظه خلني اقوله في واحدن يبيك برا الا من انت
علي : انا الاول على المنطقه
الموضف : انت
علي : ايه منيب مالين عينك
الموضف : لا ماليه لحظه
في ذا الوقت الشايب دخل المكتب و معه دلة القهوه و القدوع دخل مكتب الوزير بدخلت ذا الا الموضف طالع : تفضل اخوي
دخل علي على الوزير سلم و ماطول خذ الجائزه و مشى عجل وكان محل ترحيب
رجع علي لديرته يومنه خذ الجائزه ولقى اهله مزينين ذيك العزيمه لولدهم و الاستقبال الحافل ولقى معهم ولد خاله حمد الي ماشافه من سنين (قصة حمد بنتعرف عليه في الجزء الثاني بحيله)
صراحتنا يدي عورتني اكمل بعدين بحيله
لكن بسئلكم
تعرفنا على ابو صالح ابي رائيك في الي صاره له و وهل تصدق قصته ولا لا ؟
وش تصورك للفصل الثاني ....... حمسوني :d
على دروب المحبه نلتقي .