سمه دلع!!سمه غرور!!سمه عوابه!!سمه اللي تسميه!! قصه كويتيه واقعيه

[شوكلاته سايحه]

بسم الله الرحمن الرحيم


احبائي اعضـاء المنتدى .. لم اجـد مكان افضــل من هذا المنتدى الغــالي لأضع بين احضــانه


قصتي اللي كتبتها من واقع حياتي مع اجمل صديقات عمري وكل مادار بيننا من احداث عشناها معاً


وذلك بموافقتهم ,, حيث انهم شجعوني لاكتب هذه القصه التي سأضعها بين ايديكم واتمنى ان تنال


بعض اعجابكم وتصل الى قلوب الكثيرين .. الكاتبه (ظبية الجنوب)


سمه دلع!!سمه غرور!!سمه عوابه!! سمه اللي تسميه!!


القصه هذي ماهي قصه فلم من نسج خيالنا هالقصه تمثل شي كبير بالنسبة لنا تمثل لنا ذكرياتنا


مواقفنا مراحل من حياتنا مراحل بكينا فيها ..و ضحكنا واستهبلنا.. و تألمنا و انكسرنا ..و ردينا وقفنا على


رجولنا هذي قصه بنات جمعتهم صداقه تعدت كل الحدود.. لين صارو مو مجرد صديقات صارو خوات و بنات


خالات و بنات عم و كل شي.. هالبنات صارو أقرب لبعض من أقرب الناس لهم ..هالبنات صاروا علاج لبعض


اللي حتى لو ما قدرو يسوون شي كافي وجودهم يخفف الصدمات على بعض بنات لا ضاقت فيهم الدنيا


..ما يتوجهون الا لبعض لأنهم عارفين انهم يتوجهون لأنفسهم بنات بكل بساطة تنطبق عليهم اغنية راشد:


!!أشكي عليك الحال يا عارف الحال
و لو ما بيدك شي يكفي لك أشكي
و يكفي تروح بكلمتك ضيقة البال
و يكفي تحس بضيقتي دون ما أحكي!!


فنتمنى اللي ما يتقبل واقعنا ان ما يكلف على نفسه و يقرا لأنه راح ينصدم بواقع يعيشونه بعض بنات


جيلنا و يمكن الأجيال اللي سبقونا رااح نتكلم عن مواقفنا و هبالنا و ضحكنا ..و المغامرات اللي سويناها


بحدود الواقع طبعا (( فأهلا بكم على متن رحلتنا الى الذكريات الرجاء ربط الأجزمه سنطير سنطير سنطير


<<<< رحلة عنابة يا قدميhttp://cdn.maktoob.com/m002/alfrasha/imagesNew/smilies/icon_smile.gif





الفصل الأول:


الشخصيات


1_ مها:- سنه19 بنت حبوبه جسمها حلو عيونها كبار بنيه شعرها اسود حنطااويه جميله ملامحها باارزه حياويه وخواافه لكن تجيها حالات تفصل تدرس بتكنولوجيا




2_ منيره:- 20 سنه ضيعفه ناعمه وبيضه طوويله شعرها اسود طويل جريئه فصله وتوقع الغير متوقع منها وبنت خالة مها تدرس بجامعة الكويت علوم اجتماعيه




3_ ريم:-20سنه تشبه مها لحد كبير والاكثر يظنون انهم خوات لكن هم صديقات وتلاقوو بالكليه هم نفس التخصص وريم حيووويه حيل وخواافه وفرقها عن مهاا انها قصيره ضعيفه حيل




4_ دلال:- 19 سنه جسمها حلو حنطاويه دايم تصبغ شعرها جميله تحب البساطه سواء باللبس او الميك اب تدرس بكلية التربيه الاساسيه



طبعا تسألوون شلوون تعرفووووا مها ودلووول كانوا مع بعض بالثانوي ومنور بما انها بنت خالة مها فكانوا


قرووب ولما دشت مها الكليه تعرفت على ريووم واصبحووا توأم لان كل محاضراتهم مع بعض ونفس


اللبس والشبه فوق هذا قلوبهم على بعض










في مجمع شرق كانت مها مع امها بالسوووق تمشي وتتمخطر( طبعا مهاااااا من يشووفها يظن انها مغرووره بسبب نظراتها هي وريم هذا شي مشترك بينهم وهم منقبات وعيوونهم كبار)


مها:- يمه تعالي ابي هاذي الشنطه


أم مها:- ماصارت رايحه تنصبين انتي جنه محد دش كليه الا انتي


مها:- اوووووه يمه شنو بكشخ ماصدقت تخرجت من الثانويه وابي ادش حياه جديده ابي كل شي كشخه


أم مها:- الله يهديييج بس


مها:- اوكي خل نرووح شووي ستار بوكس (طبعا مها تصرف عشان ماتبدى امها المحاضره الدينيه )


أم مها:- يالله وودي بكووفي لاتيه . نريح بس ها عيووونج بالارض مالي خلق للمصاابن ودوررري مكااان صاااد


مها:- اف انزيييييييين


مها بنفسها تقوول الله يسلم البلووتووث ههههه



Stop



للعلم ام مهااا انساانه دينه صج شبابيه وصغيره جنها اخت كبيره لبنتها بس فيها خووف على بناتها وطيبه حيل وتخااف ربها وداايم تنصح




من جهه اخرى


دلال:- اف سااااره مااصدق بااجر ببلش دوااام بدووون مها بفقدهاااااااااااا حيل حيل


سااره:- عااادي في تلفوون بعدين ماكو بعد انتي بالشاميه وهي بالشويخ


دلال:- انتي ماتحسييين بموت بالفراغات بدونها


سااره:- رفيجاتكم اللي بالثانويه هناااك


دلال:- لا بس مها غيرررر


سااره:- عادي تتعودييين


دلال:- يالله برووح اسبح عشان بااجر



طبعا راح نتكلم اولأا عن العائلات




عائلة (مها)


أم مها =عائشه 36 سنه سكرتاريه بمدرسة ابتدائيه ,واجتماعيه حيل هذا اللي مجنن بناتها


الاب= عبدالله40 سنه انساان متحرر دكتور بجامعة الكويت


حسين= 18 سنه اكبر العيال بس مها اكبر وحده بالعائله وهو بدووي بحت ومايحب الدرااسه رااعي بر ودووواين يدرس بالسعووديه ومجنن ومتششدد


راشد= 16 انسان متفتح يحب خوااته ويسوولف معاهم وهو رياضي شااطر بدراسته وكل حلم يكوون لاعب مشهوور


منال:- توام رااشد بس من مشيمه غير مايتشابهون سمره حلووه عيونها عسليه جسمها حلووو اندفاعيه حيل وجريئه دجه تااخذ من منيره بنت خالتها العرق دساس ههههه


جود:- اخر العنقوود 14 سنه السانها متبري منها وطوويله وضعيفه حيل ودجه بعد وتحب تدخل نفسها بشي مالها دخل فيه




عائلة دلال


الام:- نوير ربة منزل 45 سنه طيبه على نياتها


الاب:- 50 سنه عصبي حيل يشتغل بالسلك العسكري


بدور:- الاخت الكبيره متزوجه من ابن خالتها عمرها 25


ساره= 22 سنه ماتحب الدرااسه عبيطه ملياانه شووي من قعدة البيت ماالومها طالعه من الثانويه نعوومه


جراح= 18 سنه مسجل بالاكاديميه هادي حيل ويحب النت وشوي فري




اليوووم الاول للدراسه بالكووووويت وزحمه وكلن نفسه بخشمه طبعا


في بيت دلال


ساره:- ياحماره سكري الليت بناام


دلال:- انطري بلبس


ساره :- الله يعيني


دلال:- انطمي خليني اكمل شغلي


ساره:- تكفييييين كلها كحله وقلوووس ذابحتنا فيهم اخلصي بس


دلال وتكمل تحط مسكره وتلبس عبايتها الناعمه حيل لانها كما ذكرت تحب البساطه وعندها ان الكليه يبيلها لبس سبوور قامت ولبست الفلات البربريز مع شنطته وترششت بعطر لاكوست لانها تحبه حيييل


ونزلت


خاله نوير:- دلال اخلصي تعالي تفطري يمج


دلال:- انشالله وتشرب شااهي وتقطع بالتوست


جرااح تو ناازل صباح الخير


دلال:- صباح النور شعندك قاااعد


جراح :- والله برووح اودي اورااقي للاكاديميه


دلال:- اها يالله قطني بطرييقك


جرااح: اوكي


ام جراح:- الله يوفقك وعقبال ماافتخر فيك ويقولولي ام الضابط جرراح


دلال:- اف حدج قديمه يمه اللي يسمعج مهندس مشكله البدووو


جراح: اقوول شكلي بخلي جعفر يقطج


دلال:- لااا خلاص حقك علي حضرة الضابط جراح


جراح:- ياشين التمصلح اخلصي قوومي


دلال:- يمه ابي فلوووس


ام جراح:- هاج يابنيتي تمد لها دينااار


دلال:- بققت عيوونها شنوووو دينار الله يهدااااج بشتري بقاله رايحه كليه مو ثانويه زيدي فديتج


ام جرااح:- خلاص هاج 5 دنانير الله يرحم ايااام اول


جرااح:- هههههههههههههههههههههههههههههههههههههههههههههه


دلال:- يالله يمه تامرين بشي(مالها خلق محاضره عن ايام اول)


ام جراح:- ها مااوصيج عن التعرف مع بنات الناس ديربالج لايغشوونج


دلال:- يمه خلاص وربي فاهمه ولااطلع مع أي احد للجمعيه دريت دريت حافظه الدرس


جراح:- هههههههههههههههههههههههههههههههههههههههههههههههه


دلال:- في شي يضحك


جراح:- ههههههههههههههههههههههههههههه لا


دلال:- مشينا


وطلعووا وركبوو السياره


جرااح:- دلال انتي اختي وماوصيج على نفسج لاتخونيييين ثقتنا فيج


دلال:- ومنبطه جبدهااا انشالله لاتوصي دلال تقول في نفسها (اف كل وحده تدش كليه جذي اهلها يقولولها درينا خلاص)


وسكت جرااح حس ان اخته اكتفت نصاايح وطووول على الروويشد وكملو طرييقهم






في بيت مهاااااا


منال:- جووود ياحماااره تعالي كسري شعرري عشان لاقطيت حجاابي تعرفين المعجبات


جووود:- اف شفيها نانسي ابتلشناااااااا


منال:- انطمي واشتغلي بذمه وضميررر


جوود: وهي تكسر شعرهاا وتدعي ربها ان امها تدش وتزفها عالتاخيررر


مها:- يااربي أي شدووو احط بحط النحااسي بدمجه ببني وادخل الاسوود عالاطرااف


وتكمل رش لمعات الا جوالها يرن


مها:- يالبيييييييه


دلال:- لبيه انتي


مها:- شخباارج


دلال:- زفت ماتخيل بدش كليه بدوونج


مها:- اف لاتذكريني دلوول


دلال:- جراح قصر شووي


مها:- انتي وين


دلال:- بطريق رايحه الكليه


مها:- ههههههههههههههه ماكو شغل حدج مستعجله


دلال:- ليش انتي وينج


مها:- بالبيت اتمكيج


دلال:- تمكيجيين متى محااضرتج


مها:-8


دلال: وماخلصتي


مها:- اول يووم شنو بيعطووني وتعرفين لازم اكششخ


دلال:- اقوول كليه مو عرس


مها:- اف جتني امي رقم 2


دلال:- أي هذا الصج


مها:- لاتخاافين بحط مكيااج ناعم حلووو مو زرري نفس الهيلق


دلال:- برااحتج


مها:- يالله ضفي وجهج بكمل شغل


دلال:- جبي جااااو


وكملت مها شغلها ولبست عبايتها اللي جابتها من الرياااض


وشوي الا والباب يطق بقووووه


مها انتفضت من الخووووف


مها:- منووووووووووووووووووو


ام حسين:- متى انشاللله بتخلصيييييييين


مها:- يمه زييين خالصه


أم حسين :- ياالله بسرعه


وراحت ام حسيييييييين غرفت البنات وتفتح الباب وتنصدم


مناااااااااااااااال وجع وين رايحه دهن عوود وعطووور


منال:- وهي تلبس دلاقها شنو بعد اليووم بيطييح خدي من كثر السلام لازم اتعطر


ام حسين:- والسايق


جود:- شنو يمه رفيجاتتنا نفسنا كلهم يتعطوروون


ام حسييييين:- جووود تعالي قربي


جود:- بخوف ليش


ام حسين:- قربي


جود: تقرب


وام حسين:- تمسكها وتقربها متكحلللللللللللللللللللللللللللللللله والله ومرض


وتاخذ الفووطه وتمسح وعيوون جووووود(طبعا مايحتااج اووصف شقت عيون جوود من التفرك)


جود:- آآآآآآآآي رمووشي قطعتييها


ام حسين :- احسن وين قاعدين شقولون الابلات والا جاراتي بالهده لاشافووكم


منال:- عادي منيه ليما الهده رااح الكحل


ام حسين:- راحت رووحج تعالي انتي اشووف


منال:- لايمه مااحب احط كحل جمالي رباني هههههههههههه


ام حسين:- بعد ماتاكدت انه ماكو شي مالت اخلصووا تاخرتووو


وهم ينزلوون الدرج منال وجوود


جوود:- اف خربت كشتختي عيووني حمر


منال:- ياحماره احد يحط بالبيت


جود:- هاشتبين


منال:- وطلعت من جنطتها مقلمه صغيره فيها مكياااج وتغمز عييييييييين


جود:- الله يالهبله شنو جايبه ماتخاافين تفتييش بالمدرسه


منال:- شخباري تفتييش قديمه اذا شاافووه اقول موضوع انجليزي برزنتييشن عن المكياااج هههههههههههه (طبعا هاذي الحجه طايحين فيها بنات الثانويه الحين)


وتفتح مها الباب والصاعقه امها بوجهاااااا


ام حسين:- شنو هذااااااااااااااااااااااااااااااااا


مها:- عادي كليه


ام حسين:- لاحول ولاقوة الا بالله


مها:- تاخرت بااي


ام حسين:- الله يهدييكم يابنااتي


وترووح ام حسين تلبس عباايتها عشان ترووح للدوامها بعد ماارتفع الضغط عندها من بنااتها


مها وهي ناازله


شورايكم بنااات


جود&منال:- اووووه روووعه والعبايه شي امي ماقالت شي


مها:- ههههههه بغى يوقف قلبهااااا


طلعووا البنات ومروو بالدوانيه ويلقوون راشد منسدح نااايم


منال:- أنت هيه يالله قووم


راشد:- اف زييييييييين


مها:- لانتااخر ورااي كليه تمشي ومعاها كوب النسكاافيه رايحه للسياره


مها وجود وراها


وبالسيااااااااااااااره كانت حرب طااحنه ومها كل شووي تتأففف




في انحاااء بعيده شووووي


في منطقه تبعد اميال عن منطقه دلال ومها


نزلت ريم وهي منغثه


ولايعه جبدهااااا ماودها تدااوم لانها ماتعرف احد خصوصا عقب ماسحبت اوراقها من كليتها القديمه وقدمت بهالكليه اللي ماتعرف احد فيها


ام فهاااد:- ريم حبيتي تعالي افطري


ريم:- مو مشتهيه لارحت الكليه اكل


ام فهااد:- طيب اشربي لج حاجه ماتشووفين شكلج صايرتن عووود


ريم:- تشرب كوب كووفي تبي تسكت امها


فهااد:- صباح الخير


الكل:- صباح النور


فاطمه:- الله ونااسه برووح المدرسه مشتااقه للمدرسه


فهاد:- مشتااقه ليتج من كثر شوووقج تنجحييين بدال كل سنه دور ثاني


فاطمه وضااع وجهاا:- اصلا انا اتعمد اجيب دور ثاني خايفه من العين


فهاد:- لاوالله اسكتي بس


ام فهاد:- يالله اخلصوووا تاخرتووا


فهاد:- ريم يالله انطرج بالسياره


ريم:- وتصحى من شروودها اوكي جايه


وتمشي تبوس راس امها ادعيلي يمه


ام فهااد:- الله يوفقج يمه تعالي مااخذتي مصرروووفج


ريم وتوها تتذكر انها مااخذت:- يووه زين يمه والا كان صج تورطت


تاخذ مصرووفها وتمشي وهي تدعي بقلبها ان يعدي هاليوم بسرعه




Stooooooooooop


عايلة ريم


أم فهاد:- ميثه 48 سنه ربة منزل من النوع اللي يحااتي اولاده كثير


ابو فهاد :- 52 سنه عنده مكتب عقار ومشغووول داايم طيب حيل


فهاد:- 24 سنه يشتغل باحدى الوزارات بالكويت عصبي بدووي مايحب سوالف التحضر الزاايد والتفتح بس قلبه ابيض متملك على وحده من جماعتهم ولنا وقفه معها


حوريه:- 22 سنه متزوجه ولد عمتها بسعوديه جميله وطيبه ولها دوور وتعرفوون قصتها لاانسى ونكته ومرحه حيل عندها ولد وواحد


مناير:- اكبر بنات ميثه 27 عندها بنتين وولدين موظفه بمنطقة التعليميه


مثال رائع للاخت الكبرى اللي تحس بخوااتها


فاطمه:- 16 سنه طيووبه وحلووه بس شيطاانه وملقوووفه


عبدالله:- 12 سنه مشااغب ويحب يتدخل بكل شي






عالبال كل التفاصيل عالبال واحلى التفاصيل


والحلم والترحال والنار والهيل.....


والقمره اللي نورت ليل ورى ليل..


والبسمه المقهوره ااااااااه


والنظره المكسوره اااااااه


واحلى التفاصيل دايم عالبال


مها وهي سرحاااااانه بكلمات محمد عبدووو تفكر بحالتها وتحس بعبره فجاه طوووووووووووووووووووووووووووووووط وانتفضت من مكانها


مها:- الله يرجك يابابو وجع


بابو:- ماما هذا نفر مايعرف يسووق


مها تلف على جيب لاند كرووز اللي يمها وكان معصب وزف السايق


راعي الجيب:- الله يلعنك ماتعرف تسوق بغيت تخمنا


مها بقرف تنزل الدريشه:- لايكثر ياشيخ انت اللي بغيت تطيرنا


راعي الجيب وهو منهبل من عيونها:- انا اانا لاهو


مها:- بس بس لايكثر برووحك ماعرفت تقط كلمه بابو امش ناس قرف


مشت


وراعي الجيب:- انا قرف اعلمج القرف كيف يصير


مها وترفع موبايلها تدق:-الووو


منيره من غير نفس:- خييييييير قطعتي علي نومتي


مها:- انتي للحين نايمه


منيره: أي حلمت بفارس احلامي تو بيجيني وانتي قطعتي علي


مها:- ههههههههههههههههههههه مولايق قوومي


منيره:- شتبين


مها:- بس استغربت مااتصلتي علي بما انه اول يوم لي بالكليه


منيره:- مشكله المستجدين


مها: عشتوووا تصدقين بطني يعورني


منيره:- ههههههههههههههههههههههههههههههه لايكون حامل


مها:- جب من وين ياحظي توتر


منيره:- عشان اول يووم ههههههههههه ذكرتيني بايام الروضه


مها:- ليت دلوول ويااي


منيره:- ياحليلها


بابووو مها مها


مها:- خير شتبي


بابو:- جيب في يجي ورى يبي سووي دعم


مها:- شنووووووووووو الله يستر


منيره:- هي شسالفه


مها:- هذا واااحد تو زفيته بغى يدعمنا


منيره:- ههههههههههههههههههههههه اول يووم مسرع بدوا يلحقون


مها:- ببعرف كليتي ياويلي


منيره:- هههههههههههههههههه الكليه فيها مليوون وحده صج مستجده


مها:- لا تتطنزين اوريه بضيعه


منيره:- هههههههههههههههه


مها:- صج مو كفو وتسده بوجها


منيره:- هي فاطسه ضحك هههههههههههههههههههههه


شوي الا بابها يدق شوي وينكسر من قووة الضربه


منيره:- وجع زين


ام ضاري:- وجع توجع العدووو


منيره:- يالله صباح خير


ام ضاري:- بطلي الباب متى بتروحين وشسالفه هالضحك اللي رج البيت


منيره:- زين برووح


ام ضاري:- الله يصبرني متى تعرس وافتك الله يسامحك ياابو ناصر كلا مشغول خليتهم برقبتي مثل الهم


اماني:- يمه ابي السايق كومار خلي منور ترووح مع السايق الثاني


ام ضاري:- ليش


اماني:- هذاك مايدل ماطيقه


وتنزل اماني تروح للجامعتها وهي لابسه بدله وتوقفها امها


ام ضاري:- وين العبايه


اماني:- يووه ابي اكشخ


ام ضاري:- البسي عبااتج مانبي مشااكل مع اهلنا


اماني:- اهلنا قوولي خوالي اف ترى طقة جبدي


مايشووفوون بنااتهم


ام ضاري:- كلهم يلبسون عبايه حتى مها تنقبت


اماني:- مها تنقبت مستحيييييييييييييل


ام ضاري:- أي صارلها اسبووع


اماني:- امم ليش شلي غير رايها ابوها عادي فري وامها عادي


ام ضاري:- هي اللي تبي وقالت لامها وربي هداها


اماني:- ربي هداها( بنفسها تقوول مستحيل اكيد في انه بالموضووع اهلها فري وهي ماتحب النقاب)


ام ضاري:- اخلصي البسي


اماني:- البس شنوو ليش مفصخه


ام ضاري:- عن الهذره الزايده عارفه قصدي


اماني:- عن العبايه


أم ضاري : أيه


اماني:- يوووه يمه وتمشي وتكمل طريقها للباب وتعطي امها طااف


ام ضاري وهي معصبه ومفووله تدش على منور


منيره :- يمه خرعتني ليه ماتطقين الباب يمكن كنت البس ماكو خصوصيه


ام ضاري:- جب ولاكلمه البسي عباايه لاتصيرين مثل اماني بدله وتطلعين ماتسمعوون كلامي جني مو امكم ماكو احتراام كلا منج كانت هاديه وصاارت نفس طبعج


منيره:- امانه لبست بدله


ام ضاري:- أي الله ياخذكم وافتك منكم


منيره:- حماره ماقالتلي المفرووض نتفق


ام ضاري:- تتفقوون على شنو


وتاخذ منور التلفون وتدق على اماني وامهم


ياربي وترووح غرفتها وهي كارره حياتها من هالبنات




Stop


عايلة منيره


ام ضاري:- مزنه 40 سنه للحين محتفظه بجمالها وجسمها بس وجها مبين عليه الهم من بناتها ربة منزل وهي اخت ام حسين الكبيره


ابو ضاري:- عبدالرحمن 45سنه سفير باحد الدوول العربيه, ومسلم مهمة التربيه والبنات لامهم وفري حيل بس عنده خطوط حمرا على بعض الشغلات


ضاري:- 24 سنه يدرس برا فيه شبه من لولوه شوي


لولوه:- 22 سنه متزوجه من ولد عمها حاامل جميله جداا ضعيفه وبيضه ملامحها اوربيه تدرس بالجامعه مع منيره اختها بس كليه غير


اماني:- 19سنه تومسجله في الكليه نعوومه وضعيفه حيل وبيضه فيها شبه من منور اختها بس حياويه وماتختلط بسرعه مع الناس واقرب شي لها بنت عمها


نوره:- 7 سنيين باختصاار عووووووووووووووووووبه وكريها ومغروووره


ماتحترم احد




في هاااذي الاثنااء كانت تتواجد بشووارع الكويت حاله استنفاريه وكانك بسبااق سيارات


مها:- بابو رووووح ضيعه طريق ثاني ابسررررعه


راعي الجيب:- هههههههههههههههههههه وربي لاجننها


وتوقفهم اشاره


مها وتنزل الدريشه بعد ماوقف راعي الجيب جنبهم


مها:- خيررررررررررر شتبي؟؟؟


راعي الجيب:- كيفي قرف هههههههههههههههههههه


مها:- ضحكت بلياا ضرروووس حووومت كبدي وبعدين


راعي الجيب:- سلامتك كبدك


مها:- اخلص رقمك ماابيه رووح شوووف طرييقك


راعي الجيب:- طريقي وطريقك وااحد


مها:- ياربي وبعدين


راعي الجيب:- اخذي رقمي


وتبطل الاشاره وتمشي السياره وهو وراها


مها:- اف شهالبلشه ابوي لودق عالسايق وقاله اني للحين ماوصلت بزفني


وشوي ويمروون من عند فرع احد المنطاق


مها:- بابووو رووح فرع


بابو:- ليش مها


مها:- انت شكوو وقف بس


ويوقفوون عند الفرع


راعي الجيب:- هيه واخيرا بحشرها لين تاخذ رقمي يازين عيوونها


ويسفط جنبهم وينزل الدريشه


وتلف مها بقرف وتنزل الدريشه:- خيرر


راعي الجيب :- الخير بوجهج


مها:- شتبي


راعي الجيب ويبي يرفع ضغطها:- لابس بقوولك انه حتى لومتكحله مبين الجكر


مها وارتفع الضغط عندها ووصلت حدها:- شهادتك ماتهمني


راعي الجيب:- صج لاقالوا النقاب امسح واربح وانتي حاول مره اخرى ههههههههههههه


مها:- كركركركر سخيف وربي لواكشف لاتموت قداامي


راعي الجيب ووصل للي يبي:- ماتوقع


مها وطرت ببالها فكره:- مستعده اوريك بس بشرط


راعي الجيب:- شنوووو


مها:- اولا تسمي وثانيا ماتفكر تعطيني رقمك وتحل عن طريقي


راعي الجيب وهو متلهف:- اوكيه


مها وبثقه تنزل النقاب:- شووووف اللي عمرك ماحلمت فيه


راعي الجيب ومنحوول:- عاااديه طلعتي


مها وبشماااته:- هههههههههههههه مبين من عيوونك اللي طلعت برى


امش بابووو


وطبعا بااابو متعوود على هالحركااااااات


مشى


راعي الجيييب دشت مزاااجه


راعي الجيب: بعرف وين راايحه بس شلوون بتشووفني لالحقتها


الا يمر من يمه اجره جواااله ويشووفها وووووقف وووقف


ويسكر سيارته ويركب السياره الاجره الجواله وبنفسه


راعي الجيب:- رووح ورى هاذي كاامري ازرق


سائق الاجره:- اوكييك


راعي الجيب بنفسه لعييون الزين يهووون


ويلحقهم ومها ماتدري عنه


ويووصل بابووو للهيئه العامه للتطبيقي حووطة الكلياات ومها منبهره بمكاان درااستها لانه عباره عن حوووطه كلها كليات وباركنااات وخليطي دعووه مصخره


وتدخل للكليتها والتاكسي وراااااهم


راعي الجيب:- ههههههههههه بنت كليه طلعت حلو حلو عز الطلب


ااقوول صديق رد عند فرع لاتدخل هذا كليه خلاص رد


السائق تاكسي:- زين بابا


ويدخل بابو باركنقق كلية التكنولوجيا


مها:- الله ونااسه اسفط عند بااب بابو


وتنزل




ياحرام يامها ماااتدري عن اللي ينطرهااااااااااااااااااااااااااااااااا لاتاخذج ونااستج بالكليه




انتظر ردووودكم



عشان اكمل القصه .......................

[ترانيم الغرام]

يلا بسرعه كملي


ياشينك يالدبا انسجمت معها



ننتظر التكمله..

[شوكلاته سايحه]

هههههههه
اوكي يالله هذاهي التكمله

[شوكلاته سايحه]

البــــــــــــارت الثـــــــــــــاني:


وتقوم منيره بعد ماسكرت التلفون من أماني اختها وتوقف عن التواليت
منيره:- ياااربي ألبس عبااية أو بدلة اممممم شكلي بالعباايه رزة و أكشخ وحراام أمي أخاف يصير فيها شي هههههههههههه

وتقعد وتحط بودره مااك طبيعي وماسكرا وبلاشر وردي وحمره لون احمر صاارخ>>>> طبعا منيره اهم شي عندها الحمره تكووون صارخه
وعقب ما خلصت نزلت ورااحت لجامعتها

في نواحي اخرى تحديدا على أرض الشامية نقف عند كلية التربية الاساسية دوام دلال

دلال وهي تمشي ماسكه جدولها تدور الكلاس
دلال و هي تحلطم:- أف زهقت رجولي عورتي شنو هذا

وتمر من يمها شلة بناات إلا وحده منهم تناااادي
:- دلووووووووووول
دلال تلتف لها تنزل النظااره الشمسية و تطالع البنت
دلال:- اووووووووه ديما
وترووح وتسلم عليها
ديما:- شلووونج شخباارج شهالقطااعه
دلال وحست بالراحه لقت احد تعرفه:- الحمدلله وانتي
ديما:- تمام وين محاضرتج
دلال:- 2440 تعرفين وين
ديما:- جمب كلاسي تعالي معااي
ومشووووا

في احدى القاعات بكلية التكنلوجيا والدكتور طبعا يعطي ملاحظاته والطلبة مالهم خلق
الدكتور:- طبعا اهم شي الالتزام بوقت المحاضره

وحدة من الطالبات:- الصبح زحمه ماتعطينا عالاقل 10 دقايق

الدكتور:- كلنا نعاني من الزحمه بس اذا دشيت وسكرت الباب اللي يجي وراي ويشوفه مسكر نصيحه لا يدش
الطالبات بأنفسهم :- ماللللت عليك.. شهالدكتووور.. حده نحيييس

شووووي ويتبطل الباب بثقه

وتمشي بخطواات وااثقه وريحة عطرها نينا ريتشي ملت القاعه وتقعد على اقرب كرسي

الدكتور وهو منصدم من الثقه الزايدة:- لوسمحتي انتي عندي بالقاعه
البنت:- أي معاكم
الدكتور:- متى المحاضره بالجدول
البنت بدون نفس:- الثامنه صباحا بتوقيت الكويت بس بتوقيت غرنيتش ما ادري
ضحكوووا الطالبات
الدكتور بحقد:- وألحين جم الساعه عندج بتوقيت الكويت
البنت وهي تطالع ساعتها:- الساعه التاسعه والنصف
الدكتور خلاص وده يطقها:- متاخره ساعه ونص على المحاضره ليش جاايه انشالله جان كملتي نومتج
البنت:- اول يوووم ماراح تعطينا شي حتى اسم المقرر ما نعرفه
الدكتور وصلت معه:- شسمج ويطالع الكشف
البنت:- مها عبدالله ..........>>> من غيرها بهالقوه هههههههه
الدكتور وهو يطالع الكشف:- مها عبدالله ويقرى وينصدم شوي ويرفع نظره ويطالعها
الدكتور:- راح اسجلج اليوم غياب وباجر تعالي مبجر لان اذا دشيت ما ابي احد يدش ورااي
مها:- اوكيييييييي
الدكتور وياخذ نفس :- من الادب الشخص يدق الباب قبل لايدخل ويسلم
مها ولا أهتمت:- ماعرفكم عشان اسلم
الدكتور:- السلام لله.. ويلتف للطالبات اظن اليوم قلت اللي ابي وهو كان تعاارف باجر يبدى الجد وهذا اسم كتاب المقرر اشتروه ابيه باجر معاكم
ويكتبه على الصبوره وقبل لا يطلع
الدكتور:- ممكن مها شوي
مها باستغراب:- اوكيه وطلعت برى الكلاس
وحده من البنات:- شكله بيزفهاااااااا الله يعينها
الدكتور وبنيه انه يحرجها:- انتي ابوج الدكتووووور عبدالله ال......
مها وانحرجت وما بينت:- أي نعم في شي؟؟
الدكتور ووصل للي يبي:- لا بس كنت بتأكد سلميلي عليه
مها :- يوصل وتروح للكلاس
أول ما دشت تشووووف وحده تعرفها
مها:- شووووووشوووووووووووووووو لبى قلبج
بشااير:- تو الناس هههههههههههههههههههههه
مها وترووح تسلم:- شخبارج لج وحشه
بشاير:- وانتي أكثر شخبارج وشخبار دلوول
مها:- تمام والله دلوول بالتربيه الله يعينها
بشاير:- صج عاد اكثر بنات الثانويه هناااك
مها:- ووووع عاد انا خلقه مااحب التدريس الحمدلله اني اهنيه
بشاير:- أي على قولتج الا صج تعالي متى توبين انتي!!
مها:- شنووو؟؟؟ شسويت؟؟؟؟
بشااير وفيها ضحكه:- لا ابد وطوالت اللسان مع الدكتور اقول هذا دكتوور مو أبله وربي لايصكج F ومحد يقوله ليش
مها وتو تستوعب:- تدرين يعرف ابوي
بشاير بصدمه:- شنووووووووو
مها:- قالي سلميلي عليه
بشاير:- الله يفضحج الحين شبيقول عنج اقوول مها امسكي لساانج ابوج دكتور لاتفشلينه
مها :- امممممممممممم احاول
بشاير:- تحاولين الاغصبن علييج
وكملوووووا سوالف

وكان بطرف القاعه بنت قاعده وتشخط على نوتتها وسرحانه شوي بنت تناديها
البنت:- لوسمحتي ممكن جدوولج شوي
ريم :- اوكيه تفضلي
البنت تقراه:- تصدقين انتي معاي ب3 مواد
ريم:- صج
البنت:- ايه و الله صج شسمج
ريم:- ريم وانتي
البنت:- مستوره
ريم :- عاشت الاسامي .....ودشووا مع بعض بسوالف واستانست ريم انها لقت احد تسولف معاه


ومازلنا بأراضي الشويخ لكن بعيد عن التطبيقي ننتقل الى جامعة الكويت وتحديدا بالعلووم الاجتماعية

منيره وهي تكلم تلفوون:- ياسلقه وييينج
ميشو:- الناس تسلم بالاول ههههههههه
منيره:- اخلصي وينج
ميشو:- عند نافورة الحب هههههههههههههه تذكرين
منيره:- اييييييييييييييه شفتكم
وتجيهم ويسلمووون
ميشو:- منووور ماكو محاضره الدكتووور مومداوم
منيره:- حساافه جان كملت نومتي
ميشو:- انتي بس همج نووم
منيره:- شسوي امس سهرانه عالتلفوووون
ميشو:- مع منووووو
منيره:- مع منو يعني احم احم مع ربعي ههههههههههههههههه
وتجيهم روان رفيجتهم
روان:- هاااااااااااااااااااااااي صبايا
منيره& ميشو:- هايات
روان:- فاضييييييييييين
منيره:- أي الدكتور مومداااوم
روان :- صج أجل شراااااااااااااايكم نرووح كيفان نجنن اصدقاءنا الصدوقين خخخخخخخخخ

ميشو وجاازت لها الفكره:- هههههههههههههههههههه يالله ارتاحوا بالعطله الحين نجي نبلشهم من جديد هههههههههههههههههه
منيره:- تذكرووون العام ههههههههههههههههههههه اشهد انهم كرهوووونا
وقااامووووووووووووووا لمواااقف الباصات واخذو باص كيفان
الله يعيييين كيفان الثلاثي المرح جااااااااااااااااااااااااكم ههههههههههههه
Stop
ميشو اللي هي مشاعل:- 20 سنه صديقة منيره من ايام الثانوي وحيل مع بعض
روان:- 20 سنه تعرفووا عليها بالجامعه ودشت معااهم وبنت عسل

طبعا هذا كاااان حاااااال الكليات نتوقف ونلقي نظره على طلاب المداااااااااااااارس

في احد االفصوول وابلة الرياضيات مندمجه تشرح
نوره:- منووول ووجع ابي البرنقلز
منول:- ههههههههه الاحمر لا اختاري غيره>>> طبعا منال جايبه الجمعيه كلها
نوره:- منووول مااحب الا الاحمر الاخضر ريحته مو حلووه
منوول:- لا هههههههههههههه لعانه
نوره:- ياحيوانه نفسي فيه
منوول وتاخذ وحده وتبي تحرها:- اممممممم يااي توها كلته إلا كح كح كح كح غصت باللقمه
نوره:- هههههههههههه والله عيني حاره ههههههههههههه
منوول تقوم توقف و وجها أحمر كح كح كح وتضحك
طبعا الابله وقفت الشررررح تشووف شسالفه
ياسمين:- يويلي عن خويتي هاااااج بيبسي اشربي يابعد حييي

وتقرب الأبله من منال وهي منصدمة تبي تشووف هاذي تستعبط و الا من صجها
منال وماكسة رقبتها وتكح كح كح وههههههههههههه وتضحك
وتجي نوره:- هاااااااااااااج شاني شنو بيبسي شاني يحمر الشفايف هههههههههههههههههههههههههههههه
منال تو بتشرب الشاني الا كح كح على ملابس الابله
الصف كله: هههههههههههههههههههههههههههههههههههههههههههههههههه هههههههههه هههههههههههههههه
الابله:- أي الأئرف ده
ياسمين:- قرف اقوول البنت بغت تمووووووووت وانتي متفرغه
كلها الا بدله من المحاميد طول السنة تلبسينها اجيبلج غيرها
نوره:هههههههههههههههههههههههههههههههههههه
الابله:- بصي بئى انتي وياها
منال وياسمين ونوره:- بص بئى عشااان تبئ عااارف ئلبي نسيييك وارجعلي خلاااااااص ايوووووووووووووووووه والدحية الدحية

الصف:- هههههههههههههههههههههههههههههههههههههههههههه
الابله:- براااااااااااااااااااااااااااااااااااااااااااااااا اااااااااا اااااااااااااااااااااااا
طلعوا منال وياسمين ونوره ميتييييييييييييييييييييييييييييييين ضحك
نوره:- بنات ههههههههههه خل ندووووج
منال:- امشوووا عند جووووووووووووووووود
ويرووحون صفهااااااااااااااااااااا
مرووا إلا نوره
نوره:- يع الله يعينهم تدرسهم ابلة شيخه
منال:- الله يعييين اختي شلوون تفهم بتسقط الله يعينها
ياسمين:- شدعوه اختج تدرررس تكفين اسكتي
منال:- وخروووا شوفو شبسووي
منال:- السلام عليكم اووووووووه ابله شيخه شلوونج
ابله شيخه بقرف:- تمام خير شعندج
منال:- الخير بوجهج اووه ابله كااشخه لايكون تزوجتي
وتنط ياسمين:- لايكون اللي قطج الصبح العن شكله مزيووون
عرفتي تختارين
نوره :- الجيكره داايم تاخذ مزيوون !!!!!!!!!
أبله شيخة وصلت حدهاا:- خيرر بنات عندي حصه
منال :- أي صح ابله ابي اكلم اختي
أبله شخيه :- ومنو اختج؟؟؟؟؟؟؟؟
منال:- حزري فزري؟؟؟؟؟؟ منووو
أبله شيخه:- اخلصي منووو
منال:- جووووووووووووود
جوود من دااخل الصف:- لبييييييييييييه ياللي تناااديني
ابله شيخه:- روحي لاختج
وتقوم جود وتقلد الاطفال بالركض : منال منال
منال:- اختي جوووود وتكمل ركضض
ويلتقوون وضم>>> حشى هنووووود
ابله شيخه:- اقوووووووووووول جنكم مصختوووها
جود تمسك منال:- ماتسبينييييييش وحدي عند أمنا الغوله وتاشر على ابله شيخه
ياسميييييييين ونوره:- امنا الغوله هههههههههههههههههههههههه
ابله شيخه طلعت عيوونها برى:- امج الغووله اوريكم
وتطلع وتنادي ابله نجلااااااااااااااااااااااااااء
منال:- اووه ابله نجلااااء انحاااشووووووووووووووووووا
وركض البنات
وتطلع ابله :- خير شيخه
وتعطيها ابله شيخه الاسماء وتوديها للوكيلة
وطبعا انسحبوا الاربعه للوكيلة

الوكيله عواطف:- بدييييييييينا هذا اول يوم تسووون جذي
ياسمين:- ابله عواصف اقصد عواطف احنا ماغلطنا
الوكيله عوااطف:- ولاكلمه ياللله الساحه كل وحده توقف بعاموووود ولا ابي اشووفكم قاعدين او تسولفون مع بعض
البنات:- انزين
ويلفووون يبوون يطلعوون
وتنتبه الوكيله لمنال
الوكيله عواطف:- اووووه منال انتي معاهم بدينا شهاللبس
منال:- شفتيني شراايج فيني
الوكيله عوااطف:- لاوالله مستانسه شمسووويه بشعرج ولبسج وليش مضيقه المريووول باجر ان جيتي جذي فصل تفهمين
منال:- انزين
ويرووحوووووون يوقفوووون بالشمس
بالساحه
وطبعا كل مامرت ابله قطت كلمه علييهم >>>ابلات اخر زمن هم اللي يتحرشون
طبعا هذا حال المدرسة الحين وماخفي اعظمممممممممم


بالجامعه تحديدا كيفاان
بأحد الكرااسي كانوا الثلاثي المرح مجتمع
منيره:- اوووووه جا الشااعر محمد ....... >>> أحد شعار الجامعة
ميشو:- ههههههههههه يالله الاغنية
وأول ماقرب منهم يمشي لمحاضرته
روان تشغل الاغنيه بجوالها:- والله بحبك مووت ياحماااده والله
منيره &ميشو:- هههههههههههههههههههههههههههههههههههههههههههههههههه هههههههههه هههههههههههههههههه
طبعا محمد التفت وشااافهم وعرفهم وتعووذ من ابليس وكمل وطبعا كان في شباب شوووي قريب كانوا يضحكووووون

شوي الا واحد منهم ينادي محممممممممممممممد
محمد يلف:- هلا مشعل ويرووح يسلم عليه شلونك؟؟
مشعل:- يالله حييه تمام وانت؟؟ وهو يضحك
محمد وهو عارف سبب الضحك:- زفت من هالبنات
مشعل:- هههههههههههههههههههههههه
محمد:- من العام مجننيني موبس انا كل شعار الجامعة لا حتى رئيس المستقلة ماخلووووه
مشعل:- ماتدري أي كليه هم
محمد بقلة حيله:- لا ما اظن بكيفان ماشووفهم بكلاساتنا
مشعل:- الله يهدييهم بس تعال يمكن معجباات؟؟!!
محمد:- هههههههههههه لا هذوول يبي يرفعوون ضغطي
ياوييلهم من حمدان تدري متحلف يبي يجييب أساميهم ومعلومات عنهم عقب حركتهم العااااااااام
مشعل وتذكر:- أي صح بس مهما كان بنات هذول لايحط رااسه براسهم
محمد:- قلتله موراضي يقول دام تطاولو على رياجيل يتحملووون وبالذاات حاط على هااذي ام جنطه بنيه(يقصد ميشو)
مشعل:- اقوول عندكم خوات خلوهم انا اعرف حمدان وحركاته
محمد:- انا كنت مثلك بس شكلي بوقف معاه لانهم يبيلهم حد يربيهم ومشى وهو معصب عقب ماعطاااهم نظرره
ميشو:- لا يطييييييييييييح نصك يالشااااااااااااااااامة>>>> تقصد قصيدته
منيره&روان:- هههههههههههههههههههههههههههههه
محمد يرفع تلفونه ويدق:- الووووو حمدان
حمدان :- يالله حييييييييييييييه
محمد:- شوفلك صرفه بالتافهاات الثلاث
حمدان وعرف من يقصد:-خيرر وش سوو بعد!!!
وقاله محمد السالفة
حمدان:- أبي اعرف شيبوون بالضبط؟؟
محمد:- مدري عنهم بس يبيلهم تأديب ماوراهم رياجيل تأدبهم
حمدان:- والله اني اللي بأدبهم أخليهم لا شافوا بياضة دشداشه تمر بنتفضوووون
محمد:- هههههههههههههههه ماتوقع هذوول حشى ماهو بنات مافيهم خووف
حمداان:- والله ماكون حمدااان ان ما أدبتهم
محمد:- نشوووف يالله برووح للمحاضرة فمان الله
حمداان:- الله معك
وقاام يفكر حمدااان خصووصا عقب مامرت علييييييييييه ذكرياات العام وشلوون غيررووا حيااتهم حس بقهر وبناار داااخله

في أحد وزارات الكويت وبأحد المكاتب ماسك الجريده ويلعب كلماته متقاااطعه من الرووتين الممل
شووووي وتطري بباله فكره ويرفع التلفون
:_ يالله حيييييييييييه
ناصر:- يحييك حمد زين ذكرتنا
حمد:- والله اني ذاكرك
نااصر:- وينك ماتجي الدوانيه
حمد:- يااخووك مشاغل والدوام
ناصر:- إلا شخبار الدوام؟؟
حمد:- يسلم عليك من الملل ألعب كلمات متقاطعه
ناصر:- هههههههههههههههههههههههههههههه
حمد:- اقوول ناصر الا اخوك وين يدرس مو التكنولوجيا
ناصر:- اخوي عبدالله ظني يدرس يالكهربا والماي او الاتصالات
بساله بس ليييييييش؟؟
حمد:- لا حبيت اسأل
ناصر:- ها تمرنا اليووم الدوانيه
حمد:- عالمغرب باذن الله عبدالله بيكوون موجود
نااصر:- ايه كلنا
حمد:- يالله اخليك الوعد المغرب
نااصر:- على خير انشالله

سكره حمد وهو ببااااااااااااااااااله الف شغله وشغله يبي يسوويها

1:_طبعا تتسألوووون شنو دخل حمد بالقصه؟؟؟
2:_ياترى شنو سوو الثلاثي المرح لحمداااان عشان يكرهم ؟؟؟

كل شي بالبارت الجاااااااااي

ابي ردووودكم لاتبخلوووووون الجااي اعظم هاذي مجرد بدااااااااااااااااااااايه

[شوكلاته سايحه]

وهذا لعيووووووووووووونك

ملاحظه هامه:- حبيت اذكركم للمره الثانيه ان احدااث هاذي القصه واقعيه وكل شي فيها صار بأرض الواقع وحبينا ننقله فقط مع تغير الأسماء الابطال أما اماكن الدراسه والوظيفه وكل شي يخهم فهوو صحييييييييييييييح100%
صدقووني.......


البــــــــــــــــــارت 3 :-

بعد اليوم الاول والملل على وجبة الغداء في بيت أبوحسين

أم حسين:- منااااااااااااااااااااال جووووووووووووووووود انزلووا
منال وجوود يركضوون بالدرج :- ناااااااااااااااااااازلين
راشد:- يمه أبوي ما راح يجي؟؟
أم حسين:- لا عنده محاضره متأخرة
راشد:- الله يعييييين
منال:- أقول مامي مهوووي وين؟!!
ام حسين:- تقوول جايه بالطريق
وقعدوووا يتغدوون ولايخلووا الغداء من شجاار منال وجوود

في زحمه شوارع الكويت وبالحر لانه وقت ردة دووامات ومدرااس
مها:- بابو روح شرق
بابو:- الحين زحمه طريق انا خاف بابا شوف
مها:- بابا دوام ما يدري
بابو:- مها انا يبي ياكل غدا
مها:- الغدى مو بطاير روووح
وينصااااع بابو ويروح
عند مصااافط شرق
مها:- وقف مني انا بس يجيب غدى يجي
بابو:- زييييين
وتنزل مها وتدخل مجمع شرق وترووح لقاعات المطاعم وتوقف عند قريت ستيك توها بتطلب والا يرن جوالها بنغمة

ياخذوون اللي يبوونه
كل هالعالم وكوونه
الا قلبك يتركوونه
ماتمسه اييدهم
الا قلبك يتركوووونه ماتمسه ايدهم
مها وانقلب وجها ألوان يمه مبااااااااارك مبااااااااااارك وتمشي بسرعه تبي تطلع من المجمع بكبره اول ماوصلت للباب المجمع
مها بدلع:- الووووووووووو
مبارك بنووم:- الووو وينج؟
مها:- هههه صح النوم ناس تنااام ونااس من صبح تدااوم
مبارك:- وينج ؟
مها:- يووه ويني بالكليه بطلع بروح للسايق >>>>>>>> جذااابه
مبارك:- شلون دوااام
مها:- اف مللل
مبارك:- لابسه نقاب
مها ومنغثة من الطاري:- ايه لابسته
مبارك:- اقول مها مو عشان تنقبتي تقعدين تمكيجييين
مها:- لاحووول يكفي منقبني حاارمني اكشخ
مبارك:- تحبييين أذكرج ليش نقبتج والكشخه مو بمكيياج ماخبرت من النوع هذا
مها وتعكر مزاجها من الطاري:- لا ما يحتاج تذكرني اف
وتركب مها سياره
مها:- بابو روح بيت اف شغل تكييف كريمي سااح
مبارك:- كريميييييييي!!!!
مها توهقت:- أقصد كريم حمايه من الشمس
مبارك:- حاطة مكياج صح اعترفي
مها:- لا بس ماسكرا شنو ترى انا رايحه كليه موعرس شعبالك>>>>>> هههه ووواضح
مبارك:- أي عبالي شسوي اغار
مها:- لا ليش مارحت ميداانيك ؟
مبارك:- امس مسهرتني ونمت
مها:- يابختك دامك سهراان معااي
مبارك:- لايكثر بس انا اخليج برووح اتروش واول ماتوصلين البيت بلغيني بمسج مو تنسين باي
مها:- اوكي بااي
وتسده مها وهي تذكر سهرتهم امس وتبتسم بحب
وقاام مبارك وهو مبتسم لأن أول صوت سمعه صوت مهاااااااا ويدعي أن الكليه تاثر عليها اوتغير طبعهاااااا

Stop
مبارك:-23 سنه ميداني الحين وهو ابيض وطووله حلووو وجسمه حلووو له سكسووكه وهو وسيم حيل وجماله موطبيعي وغيوور
ويحب مها صارهم سنه بس الموااقف اللي بينهم هي اللي قربتهم حيل>>> الجاي اعظم

دلال وهي ميته حرررررر وحاقده على جراح أخوها وترفع التلفون وتدق عليه
جراح:- الوووووووو
دلال:- متى ناوي تجي مت من الحر
جراح:- عادي هههههههههههههههه
دلال:- اخلص علي
جراح:- شووفيني قدامج تو دشيت
وتلف دلال وتشووفه وتسده التلفون وتركب وهي معصبه
جراح:- ماكو سلااااااااااااااام
دلال:- ماتستاهل
جراح:- ههههههههههههههههههههه موبيدي الشوارع زحمه
دلال:- طيب لاتعديها وبسرعه ابي ارد البيت جوعانه
وقعدت دلال تسوولف لاخووها عن معاناة اول يووم بدوون مهاااا

نروووح للثلاثي المرح في الشويخ قاعدين باحد القاعات

مشاعل:- بنات جوعانه
منيره:- شرايكم نتغدى بفراايدز البحرر
روان:- لا زحمه بعدين اخوي من النوع الل يقز
منيره:- اخوج مال الكبابجي ويخب عليه
مشاعل:- أي واللله ههههههههههههههههههههههه
روان:- تصدقون مشتهيه أشاز ابي بريااني
منيره:- الله شهيتيني فيه يالله بنات للمارينا كريسنت نرووح
مشاعل:- مع منوووو؟
روان:- مع منور سيارتكم أكشخ بي ام دبليو مغيمه حلو حلووو
وطبعا الغدى على حسابها
منيره:- ههههههههههههه لا والله علي الروحه الغدى عليكم
روان:- هذا وانتي بنت سفيرررر
منيره وعصبت:- رواااااان جم مره قلتلج محد يدري اني بنت سفيرعن الفضاايح
روان:- سوووري اضحك محد موجود بالقاعه
منيره:- لا ديريبالج بليييييز
مشاعل تصرف الوضع:- منور دقي على كوماررر
ودق منيره على كومااار ورااحوووووا البنات للمارينا يتغدووون بأشااااز>>>>ياليتني معاهم ههههههههههههههه

في بيت ابو حسين وبغرفة مهاا تحديدا

مها والسماعه بأذنها ومتمدده على سريرها وهي رافعه شعرها الاسود ولابسه بيجامه اورنج من لاسنزا
مها:- احبببببببببببك
مبارك:- حبتج العافيه
مها:- مبااااااااااااارك وجع ماكو رومانسيه
مبارك :- ههههههههههههههههههههههههههههه
مها:- قوولي احبج
مبارك:- خلاص احبج
مها:- اف مالها طعم عقب ماطريتها منك
مبارك:- اف شسوي معاااج
مها:- ابيك روومنسي تغثني
مبارك وهو متعمد يحب ير فع ضغطها:- والله انا جذي
مها بخيبة امل:- اف زين
مبارك:- موعاجبج
مها:- امبلا
مبارك:- اثبتيلي
مها:- شلون
مبارك بخبث :- ابي بووسه
مها:- امووووه
مبارك:- بوسي مايا خداامتكم هالبوووسه عطيني غيرها
مها:- ووووووووع حومت كبدي
مبارك:- عطيني غيرهااااااااااااااااا
مها:- اموووووووووووووووووووووووووووووووووووووووووووووووو وه
مبارك:- أي عبالي وين احطها
مها بحيا :- بخدك
مبارك:- عطيني غيرهاااااااااااااااااااااااااا
مها:- اموووووووووووووووووووووووووووووووووووووه
مبارك:- وييييييييييين البووسه
مها:- ........................................<< الله يهداااكم شفرووا ههههههههههههه


في احد دواوين الكويت الشباب مجتمعيين ويدخل حمد
حمد:- السلام عليكم
الكل : وعليكم السلااااااااام الله حييييييييييييييه
ويبدا حمد يسلم عالموجودين ويجلس بجاانب ناصر
ناصر:- اخباارك ؟
حمد:- تمام وانت؟؟
ناصر:- الحمدلله
ويقعدون ياخذون اخبار بعض شوي الا بدخوول عبدالله دوانيه
حمد ولقى مبتغااه:- اهليييييييييين عبدالله ويقوم وسلم
عبدالله:- اهليين بالقااطع
واجلسه حمد بجانبه
حمد:- شخبار الدراسه؟
عبدالله:- تعب انا كورس ثالث مابقى شي
حمد: وين تدرس انت؟
عبدالله :- اتصالات وملاحه تخصص كومبيوتر برمجه
حمد:- زين حده قوووي توقعت تكنولوجيا
عبدالله:- جمبنا الباركنك جنب الباركنك
حمد ومتشقق:- صج؟!!!!!!
عبدالله:- أي ليش؟
حمد :- يمدحوون بنات التكنولوجيا هههههههههههه
عبدالله:- هههههههههههه شدراك شايفهم
حمد:- أي وعذبووني بعيوونهم
عبدالله:- هههههههههههههههههههههههه منقبه
حمد ويتنهد :- اييييييييييييه
عبدالله:- ديربالك من النقاب
حمد:- لا شفت اللي تحت النقاب وجننتني أبي أوصلها
عبدالله :- وراااااااااااااااااااااك سالفه تعال امش نطلع وقولي
وطلعوووووا برى وقال حمد لعبدالله كل شي

هههههههههههههههه عرفتووووووووووووا حمد
اكيد مايبيلها هو رااااااااعي الجييييييييييييب

في بيت ام جراااح

دلال وهي تاافف:- ساااااااره وبعدين قصري على الستريوو
ساره:- اف قووومي ترى الساعه 7 ماصارت
دلال وتمدد :- جذاابه
ساره:- كييفج
وتمد دلال ساعتها وتطالع وتنصدم الساعه 7.30 اف ماصليت لاعصر ولامغرب يااربي اغفرلي
وتفز تقوم توضى وتصحصح وعقب ماصلت وريحت واكلت راااحت تشبك
ساره:- دلال سوولفي معاي شسويتي شفتي نوره(بنت خالهم مع دلول بالكلية)
دلال تصرف:- اف الكلية ملل لاماشفتها
ساره:- كليه ملل ؟؟ ما عندج سالفة إلا احلى شي حرية
دلال تصرف:- أي صح ساره انا مشغووله شووي
ساره:- مالت بس
ودش دلال النت تدور وبقلبها تقوول ياااربي شابك أبي أحد أفضفضله
ودش عليها بالماسنجر

عريبة الساس:- مرحباااااااااا
القبطان:- مرااحب شلوونج
عريبة الساس :- تمام وانت
القبطان:- تمام وينج امس
عريبة الساس:- نمت لان عندي كليه
القبطان:- اهااا.. أشتقتلج
دلال والموضوع عادي عندها و لا أثرت عليها الكلمه
عريبة الساس:- تشتااقلك العافيه!!
القبطان: صكت فيه الدنيا و اكتئب يا ربي متى تحس؟؟

وتموا سوالف حوالي ساعتيين ودلال كل مالها تعلق بهالشخص بس مو داش ببالها سالفة انها تكلمه او تبني معاه علاقه كانت ترتاح as a friend
و هو حاط بباله الا يكلمها و يعبر لها عن انجذابه لها

يا أجمل الناس في قلبي وفي عيني
"يا احلى طيف يمر العين ويشقيها"
انا أشهد إنلك غلا مبطي وهو فيني
"قصة غريبة ولا أدري ويش اسميها"
لو قلت أعزك قليلةماتكفيني
"شعوري أكبر من الدنيا وما فيها"

نروح لبيت أم فهاد

فاطمه:- ريووووووم طافج مصخرت البنات المستجدات ههههههههههههههههههههههه
ريم:- حرام عليج
فاطمه:- عادي نضيع وقت
الا وبدخلت أمهم
أم فهاد:- بنااااااات حوووريه تسلم علييييييييييييكم
ريم&فاطمه:- الله يسلمها
ريم ترد لتسرح بحووريه إختها وحيااتها بسعوودية حييل اشتاقت لها وتمنت إنها موجوده عندهم
ريم تتنهد تقوول الله يجاازي اللي كان السبب بس
ريم:- فاطمه زهقانه
فاطمه:- برووح المكتبه بجيب اغرااض المدرسه تجين
ريم:- لا مالي خلق
فاطمه:- كيفج
وتقووم ريم تروح تشبك تبي تدش للشات تدردش وتونس تحااول تطرد الملل



طبعا مكاتب الكويت فيها حالة استنفار مع الجمعيااااااااااااااااات
بسيارة ام حسين
ام حسين:- ها تبون مركز سلطان ؟؟
منال:- لااااااااا نبي الشاميه
جود بلعانه:- يمه كيفج أي مكان تبين المهم رااحتج
وتقوم منال وتطقها
مها وتدز مسج لمباارك انها رايحه لازم تستأذن والا ذبحها واول ماوصله المسج ويدق
مها ترد:- الوو
مبارك:_ شكوو راايحه؟!!
مها:- أشتري لي نووت وأقلام للكلية
مبارك وواصل حده:- وصي أمج
مها:- خلاص نتفاهم انا بسياره
مبارك:- ماااااااااااااشي مافي مكالمة اليوم خلي طلعة المكتبه تنفعج
مها تشهق:- شكوو انا مو رايحة ألعب
مبارك:- وين انشالله؟؟!!
مها:- لحظه بسأل امي؟؟ يمه ووين بنروح
ام حسين:- رايحين الشامية
مبارك:- الشاميه حلو حلو قزززز هناك
مها بقلة حيله:- شسوي؟!!!!!!!!!!!!!!!
مبارك:- تحملي
ويسكر وهو معصب
ووقفواا عند جمعية الشامية

ونزلوا وكان أنواع الاستهبال من جوود وومنال
منال:- طالعي هذا شعره يونس
جود:- لا يع ماحب جذي
مها تطالع النوت وتحاتي مبارك وشوي إلا بصووت واحد
الشاب:- فديت هالعيووون
مها تخزه بطرف عينها وتكمل مشي
وتجييها جود
جود:- مهاا شرايج بكشاكيلي حلوين ؟
ومنال كاانت بزاويه وتنادي بصوووت عالي عبالها بيت ابوها
منال:_ جووود اخذ الاحمر او الازرق؟؟؟؟؟؟؟؟؟
شاب:- لا الازرق
منال تلف عليه:- صج انت شايف جذي؟؟
الشاب:- أي والله
منال:- خلاص باخذ الاحمر هههههههههههه وتمشي
وتلف ام حسين تدور وبنات وتشووف مها واراها وااحد
وتفقد وترووح بكل عصبيه وتجر مها من ايدينها
مها:- يمه شوي شوي فشلتيني
ام حسين:- جب و لا كلمه ماتشوفين اللي وراج
مها تتافف:- شذنبي
وتمشي مع امها
وخلصووا حاسبوا اغراضهم وهم طالعين
جود:- يمه نبي ستاربوكس
مها:- لا ابي باسكن روبنز
منال:- لا ابي ستاربوكس
ام حسين:- ماصارت ستار بوكس حلاووو
منال:- تكفين مشتهيته
ام حسين:- شهوة حاامل
منال:- اعتبريني حامل ونفااس بس ابي ستاربوكس
ام حسين:- يالله ليته يبين بعينكم
وهم بالسلم المتحرك تنشب عباية مها بالسلم وتصيح
مها:- عبااااااااااااااااتي يمه
وتحاول تجرها تجرها ما طلعت
ام حسين:- تجرها تجرها مانفع
ويتقدم رجال يحااول يساعدها
الرجل:- شووي اختي
مها فيها البجيه الناس تجمهرت:- تفضل
ويسحب الرجل العبايه وتنشق بالنص
ويبين برمودا جينيز اللي لابسته وأنواع التصفير الشباب ومها خلاص فيها البجية
تمشي من غير ماترد على امها وتروح ركض للسياره والشباب وراها
منال وجوود انحااشوا راحووا للستار بووكس
بما ان امهم لهت بمها
منال:- هههههههههههههه مها شكلها تحفه مال بلوووتوووث
جووده:- هههههههههههههه حرام عاد العبايه غالية
منال:- طلع شكل عبايتها قصيره من جدام طويله من ورى ثوب عرس مع النقاب هههههههههههههه شي
جود:- عاااادي اختي تكون سوووت مووضة
شرررووا من ستاار بوكس وردووا للسيارة
جود:- مها
مها واصلة حدها:- خير؟؟؟؟؟؟
جود:- تعيشين وتاكلين غيرهااااااااااااااااااااااا هههههههههههههه
وانفجرت مها بجيييييييي اكيد حوبة مبارك


على انغام محمد عبده يرسم احلامهم ويتخيلها معه ويتذكر تقاااسيم وجها
وقف عن هالمقطع

تمنيتك وقلت بخاطري ليته تمناني
وانا ماكل واحدن شافته عيني وتمنيته

حمد ويتنهد مع المقطع:- صدقت يابونوره وانا ماكل واحدن شافته عيني تمنيته
قريب انشالله بجييبها
ونااااااااااااااام وهو يحلم فيها


طبعا لا جديد من أحداث دوامات عادية ودراسه لكن بعد اسبووووعيين من الدوامات
خصوصا بكلية التكنولوجيا
مها:- شوشو امشي نرووح للكافتريا
بشاير:- اوكييييك
رااحوا للكافتريا لقووا طاوله فيها مستوره وريم مروا من يمهم
بشاير:- مستوره شلوونج شخبارج؟
مستوره:- تمام
ومشت بشاير مع مها
مستوره:- اف هااذي مااحبها وتااشر على مها
ريم تطالع :- من مها؟
مستوره:- أي اللي معانا ب3 مواد أحسها مغرووره حيل وطويلة لسان
ريم:- تدرين انها معااي بكل المواد جدولنا متطاابق
مستووره:- اف الله يعيينج ان ثلاث موواااد مو قاادره أتحملها
ريم:- بالعكس طيبه ماادري ليش ارتاحلها وودي اصير قريبه منها
مستوره:- من صجج يــع ما عندج سالفة
ريم سرحت تطالع بمها تحس شي يشدها لمها ماتعرف شنو ؟؟
بشاير:- مها
مها:- اممم شتبين
بشاير:- تشوفين البنت اللي قاعده مع مستوره
مها وهي تشرب كوفي لاتيه:- أي ريم شفيها
بشاير:- احس فيها شبه منج
مها:- صج
بشاير:- خصوصا بالنقاب نفس العيوون سبحان الله بس انتي اطول منها
مها وتلف تطالع ريم:- تصدقين هالبنت معاي بكل المحاضرات واحس ودي اتعرف عليها بس مستحيه مابي اقط وجهي
بشاير:- هههههههههههههه لا تراها طيوبه
كملوا أكل وراحوا للمحاضره

ننتقل للجامعه تحديدا كيفان عند الثلاثي المرح بأحد القاعات
ميشو:- ههههههههههههههههههههههههههههههههه عاشت روان
منيره:- بنات انا قلبي ناغزني من حمدان
ميشو:- ليش؟؟
روان توقف رقص و منيرة تكمل:- احس نظراته فيها شي يخوف
منيره و بتفكير:- احس انج يامشاعل غلطتي باللي سويتيه العام
مشاعل:- لا عادي هو مااهتم
روان:- ماتدرين يمكن ماخذ الموضوع جد
مشاعل:- لا كان يلعب وانا ادبته وانا كاشفته
روان وتذكرت شي :- بناااااااااااااات نسيييييييييييييت
مشاعل ومنيره:- شنوووووووووو؟؟؟
روان:- بااجر في اصبوحه حمدان ومحمد فيها
مشاعل :- هههههههههههههههههههه ونااااااااسه
منيره وحست انه في مغامره:- شنو راااح نسوي
مشاعل:- اقوول سايقكم اهنيه منور
منيره:- لارد لأمي
روان:- سايقنا موجود
مشاعل:- ناديه بنطلع
منيره:- شنو شالسالفه ؟؟
روان:- أي صح شسالفه؟؟
مشاعل:- هههههههههههه اقولكم بطريق
وقاااااااااااااااااااموووووووووووووووا وطلعوووووووووووووا >>ربنا يستر

وما نزال ببقااع الجامعة لكن عند أحد مكااتب الدكاتررره
وتمشي بعد ما فتحت أزرار القميص من فوق وترش من عطر فيري سكسي الجديد وتضبط شعرها والبف وتكمل ونيتها شينه
توصل لمكتبه وتتنهد وتطرق الباب ويأتيها صووته الشجي
الدكتور:- تفضل
تدخل:- السلام علييييييكم>>> بكل مياعه تقوولها
ويرفع راسه الدكتور وهو مبهور لكن يتعوذ من ابليس
الدكتور:- خير نهال بغيتي شي؟
نهال :- لا بس حبيت اسلم عليك دكتور عبدالله
الدكتور عبدالله:- الله يسلمج>>> عرفتوووه ابوو مها
نهال:- اوكيك شكلك مشغوول بااي
الدكتور عبدالله:- أي مشغول ويسفها وينزل رااسه
نهال بقلة حيله:- اوكيه باي وتطلع بدلع
الدكتور عبدالله عقب ماطلعت بنفسه يقوول شتبي هااذي صج لا قالو ان كيدهن عظييييييييم يالله يارب تصد بلاها عني ورجع كمل باوراااقه
نهال تمشي وهي معصبه والله لاجيبه والللللللله لاخليه يحبني


لاتستغربوون في كثييررر نفس نهاااال بمجتمعنااااا

ننتقل لدلووول صج انا ماعطيتها حقها لازم تعرفوونها عدل

دلال تمشي بسرعه تبي تلحق عشان الدكتور مايطردها وتووصل والحمدلله دشت قبله


المهم بالمحاضره كانت دلال قاعده و كالعاده ما تكلم أحد و كانت المحاضره أول مره تحضرها و كانت قاعده جمبها بنت ما تعرفها اكيد و ما كلمتها و لا شي .. أول ما بلش الدكتور يشرح انصدمت دلال و اللي قاعده جمبها !!!!
من شنو؟؟ الدكتور كان حركاته مو طبيعية يموووت من الضحك كان كل شوي يعدل رقبته و يعدل غترته و كلمته هااا؟؟هااا؟؟هاا؟؟ محد راح يستوعب شقول الا لما تشوفونه المهم يوم كان يسوي جذي
دلال: يماا يروع يا دافع البلا هذا شفيه؟؟
فرح: هههههههههههههههه
دلال: من صجه اذا بيظل جذي أنا بطلع مقدر أتحمل خخخخخخخخخخخ
فرح: يا بنت الحلال اسكتي فضحتينا
دلال: انا لو أدري ما قعدت اول شي يعني من الشطاره الزايدة
فرح: ههههههههه

و على هالمنوال لين خلصت المحاضرة و طلعو دلال و فرح مع بعض و بداية التعرف
دلال: اعرفج على نفسي اسمي دلال ال.... و انتي ؟؟
فرح: و النعم و الله انا فرح ال.....
دلال: ينعم بحالج هلا و الله ببنت ال... و النعم
فرح:ينعم بحالج . عاد تصدقين (بدت الميانه) كنت ميته من ضيقة الخلق ما معاي أحد من رفيجاتي كلنا تفرقنا عقب الثانويه و ما بقت الا وحده هي معاي على اتصال و الا الباقي صج طلعو رفجة ثانويه ):
دلال: آآآه يا فرح عزفتي على الوتر الحساس حتى أنا نفس حالتج ما عندي أحد اهني الا بنت خالي بس ما احب اتطفل عليها هي علطول مع رفيجاتها و انا ما اعرفهم حيل و غلاي بكلية ثانيه بس القهر الناس اللي ما احبهم هم اللي معاي هني بس الحمدلله ما شفت و لا وحده منهم و انشالله ما أشوفهم هذول عاد بنات الثانويه و الهواش كله معاهم ههههه
فرح: هههههههههه الا انتي شكلج مشكلجيه لا يكون كنتي من اللي يتهاوشون و ينفصلون خخخخخخخ
دلال:حرام علي انا كنت مؤدبة و الله حتى مالي صووت بس من تحت لي تحت ههههههههههههه
فرح: اي مبين من لسانج اللي شطوله مسااع ههههههههههه
دلال: اي بس قدامج يا زين وجهي و انا أقول للدكتور دكتور علامك؟ عين خير خخخخخخخخخخخ تخيلي أقوله
فرح: و الله عندي احساس انج تسوينها
دلال: أقوووول جب
فرح: !!!!!!!!!!!!!!!!!
دلال :شفيج منصدمة يبا عادي ترا انا اسلوبي جذي بالكلام يعني توقعي مني اقولج جب أسفل فيج عاادي
فرح: امحق !! ههههههههههههههه
دلال: ليه؟؟
فرح: من صجج انتي ؟ و الله جذي أسلوبج بالكلام انا خبري اللي بيتعرف على ناس يتكلم بذوق و أدب مو جب ههههه
دلال: يبا عااااادي
فرح: اقول دلال امشي خلينا نتريق
دلال: جنج حاسه فيني توني بقولج امشي
فرح: القلوب عند بعض

دلال: الا قوولي البطون عند بعض ههههههههههههههههههههههه
فرح: هههههههههههههههههههههههه
دخلو دلال و فرح الكافتيريا و شرو أكلهم و طبعا" لازم المذبحة عند الدفع هههههههههههه
دلال: يا بنت الحلال الريوق علي
فرح: لا يا قلبي علي أنا
دلال: يا حياتي ما يصير انا بدفع و انتي ادفعي باجر
فرح: أبد أنا أدفع هذا عربون صداقتنا و الله ازعل ترا
دلال: لا يبا خلاص كل شي و لا زعلج يلا ادفعي انا اول مره اشوف وحده تحب الخساير خخخخخخخخخخخخ
فرح: ههههههههههههههههههههه عسل على قلبي
و طلعو عقب ما شرو عيشتهم و قعدو على أحد هالطاولات الموجوده بالكلية و طقوها سوالف و حش لازم بنات ههههههههه
دلال: ها فرح شنو طموحج ؟
فرح: شقولج بس أنا كان طموحي انجليزي بس حظي انقبلت فيه بس سقطت بالمقابله اهيء اهيء
دلال: هبله انتي شلون سقطتي بالمقابلة؟!!
فرح: شلون بعد قابلوني دكتورين صج اسألتهم سخيفة شسمج و شنو هوايتج بالانجلش طبعا" انا انحرجت ما عرفت أتكلم و سقطوني
دلال: ليه عاد دام اسألتهم سخيفة و انتي تعرفين انجلش عدل ليه ما جاوبتي؟!!!
فرح: و الله انا فيني طبع مو حلو اني أنحرج بسرعه و خاصة اذا كانو رياجيل لأني ما تعودت اتعاطى مع دكاتره حنا على الله و على الأبلات ههههههههههههههه
دلال: اي و الله و انتي الصاجة و اذا كلش كلش جابو لنا موجه خخخخخخخخخخخ عاد ينصدم و يطلع خخخخخخخخ
فرح: اي و الله كنا سوالف بالثانويه
دلال: تعالي صج انتي باي منطقة؟؟
فرح: أنا ب...... و انتي ؟؟
دلال: الللللللللللله يا بعدج أنا ب........
فرح: اففففففففففف حدج بعيده
دلال: حسافة لو انا بمناطق قريبة جان سيرنا على بعض بس شكلج مالج حظ
فرح: الا قولي انتي مالج حظ تسيرين علي خخخخخخخخخخخخخ
دلال: اي مبين خخخخخخخخخخخخخخ
فرح: الا شنو هواياتج ؟ شنو تحبين ؟
دلال: أنا امووت بشيء اسمة أفلام هندية و أمريكية
فرح: نفسي !!!
دلال: حتى من حبي للأفلام الأمريكية حبيت اللغة و حبيت الدولة تدرين عاد كنت أتمنى يقبلوني انجلش اهيء اهيء
فرح: سبحان الله حتى انتي كنتي تبين انجلش؟؟
دلال: اي و كانت أول رغبة حاطتها بس حظي شسوي فيه آآآخ بس
فرح: تصدقين دلال حنا فينا قواسم مشتركة كثيرة
دلال: تصدقين اني لاحظت هههههههههههههههه
فرح: تطنزين علي مالت عليج
دلال: خلاص يبا نمزح خلاص
فرح: خخخخخخخخخخخخخخخخخخ أدري خلاص عرفتلج يا الدفشة
دلال: أنا !!!!!!! الله يسامحج
فرح: المهم خلصينا شعندج عقب الفراغ ؟
دلال: عندي محاضرة من 12و نص لي 2 حضارة اسلامية
فرح: عند أي دكتور ؟؟
دلال: دكتور ........
فرح: أمانه ؟ احلفي؟ صج عاااد ؟
دلال: اي اسم الله عليج صج و الله ليه ؟
فرح: يعني لازم نحجز كراسي جمب بعض (و تغمز لدلال و تضحك)
دلال: يعني انا وياج بنفس المحاضره؟؟
فرح: اىىىىىىىىىىىىىىى ونااسة
دلال: امش اي و الله وناسة يعني تقريبا بومنا مع بعض و يبلش من 9 الصبح بس انا قبل تكون عندي محاضره و و بعدين نظل مع بعض لي 2 الظهر
فرح :-ههههههههههه
دلال: حلوووووو
المهم و قعدو البنات عالسوالف و الضحك لي موعد محاضرتهم سبحان الله شلون ارتاحو لبعض بهالسرعه يعني اثنيناتهم كان عندهم نقدر نقول نفس المعتقد اللي هو @لا لصداقات جديدة@ بس شلون تغيرت فكرتهم و صارو صحبة!!




نروووح للمدااااااااااارس
في ثانويه فاطمه اخت ريم
مدرسة الاجتماعيات:- يالله يابنات ابي ترسمون هالخريطه وواجب
واشووفها باجر
فاطمه مع رغد ورى وياكلوون حب شمسي
فاطمه:- اف جم خريطه تبي
رغد:- شدرااني عنها
شوي والا فاطمه تنط:-- أبلــــــــــــه
ابلة الأجتماعيات:- خير
فاطمه:- خير بوجهج ابله شنو 3 خرايط واجد إرحمو من في الارض يرحمكم من فالسماااء
الابله والشرر يتطااير:- خيرررررررررر انتي بالذات ابي 6 خرايط وباجر الصبح على مكتبي
فاطمه:- ليش انشالله 6 خرايط انا بنت البطه السوده وهم بنات البطه البيضه
الصف:- ههههههههههههههههههههههههههههههه
الابله:- اووقفي ورى رزي طولج
فاطمه:- من عيوووني كل ما تامر عليه غير قلبي وش تبي مني وجااك
رغد تصفق :- عااشت عاشت .. ابله حرام غنتلج سامحيها
الابله:- محد طلب منها
رغد:- ابله ايام الجاهليه يحكى ان الشعرااء اذا قصدو بأمير عطااه ولاية يحكمها وفلووس وهي غنتلج اقل شي تسوينه تنجحينها من الماده
الصف:- هههههههههههههههههههههههههههههههه
الابله:- جد والله طلعتي مثقفه؟!!!!!!!!!
رغد:- احم احم خدشتي تواضعي
الابله:- فاطمه حبيتي تعالي قعدي رغد قومي اوقفي و باجر بعد توقفين بحصتي اول ماادخل
الصف كله:- هههههههههههههههههههههههههههههههههههههههههههههه
رغد:- افا ماكان العشم والله
فاطمه تربت على كتف رغد:- يالله قومي أووقفي
رغد:- الشره علي مداافعة عنج يا وجه الفلس
وترررررررررررررررررررررررررررررررررررررررررررررررر ررن طق جرس الهده

في هاذي اللحظة
منال:- ياسمين بسرعه ساعه تلميين دفاترج
ياسمين:- من قالج ألمها
منال:- هاشنو تسويين
ياسمين:- أحط الكتب اللي بااجر علي داخل الدرج مالي خلق اثقل الجنطه
منال:- هههههههههههههههههههههههههههه والواجبات
ياسمين:- وليش أجي مبجر انا؟؟ عشاان انقل من البنات
منال:- مادري شلوون تنجحييين ترى حنا بالحفره
ياسمين:- انا اتبع المثل فالاعاده افادة
منال:- هههههههههههههههههههه
وطلعووا للبوابة
وتجيهم نوره :- منال لايطوفكم كرم رااعي البرد كااشخ
منال:- ههههههههههه امشووا برووحله
كرم:- بررررررررررررد برررررررررررررررررد
منال:- كوكو
كرم ويمش عرقه بكمه:- ايه كوكو دي؟
منال:- دلع حقك
كرم وهو مو مستوعب:- اها متشكر
ياسمين:- اووووه شهالكشخه انت اليوم عريس بجد
كرم:- والنبي؟
ياسمين:- ايووه ناقص العروسه وتطق منال بجتفها
منال وتغطي وجها بيدها يقوولون منحرجه:- هههههههههههههههههههههه بس
ياسمين:- لا والله كاب شي لا و نعال زنوبه زرقا مطلع الاصابع تقوول نقانق مشويه هههههههههههههههههههههههههههههههههههه
نوره:- ههههههههههههههههههههه لوعتي جبدي
منال:- كوكو ابي برد لولو
كرم:- لا انت ماتستهليش الا الذهب ويمدلها برد ذهب
ونوره:- انا فضه
ياسمين:- انا جسووم
منال:- الحساب كوكو
كرم:- أي ياست منال لاعلينا ده المره
منال ومو قادره تلف وتمشي بسرعه:- هههههههههههههههههههههههههههههههههه
وتلحقها ياسمين ونوره:- ههههههههههههههههههههههههههه صدق رووحه
منال:- يالله بنات سايقنا هناك برووح سي يو تمورو
نوره وياسمين:- سي يو 2
وراحت وركبت السياره إلا جود
جود:- تو الناس
منال:- اسكتي جننه ر اعي البرد
جود:- شسويتووووا
وتقوولها منال السالفة
جود:- ههههههههههههههههههههههه
دامه ببلاش ليش ماجبتيلي
منال:- ماقدرت بموت من الضحك على شكله
ووصلوووا للبيت ونزلوووا

عند وزارة التخطييط بالذات مكان ميداني مبارك
صالح:- مبارك يالله نوقع
مبارك:- يالله نمشي
بالممر وهم رايحين
صالح:- اقوول مبارك ما تلاحظ شي بريم وابتسام؟
مبارك:- شفيهم؟!!!!!!
صالح:- يعني ماتدري ريم ميته تبيك
مبارك:- مابيها و لا تظلم البنت
صالح:- اظلمها ما تشوف نظراتها وشلوون تضيق العبايه تبي تغريك لاو شلوون تكلم تبي تغريك يابختك
مبارك:- ليش؟!!!!!
صالح:- انا لو مكانك مااطوفهاااااااا
مبارك:- رووحلها ما بيها
صالح بلقاافه:- ليش عندك من يترس عينك
مبارك بنفسه عندي اللي تسواها:- اقول خل عنك هالسوالف امش نوقع >>يصرفه
عقب ماوقعوا مشى مبارك لسياره وتو يطالع تلفون ويلقى مكالمات من مها ومسجاات زف وقام دق عليها

مها و هي قاعده تنطر محاضرتها و يمها ريم اللي تو تعرفت عليها و كانو طاقينها سوالف و الا يدق جوال مها تشوف و إلا حبيب القلب مبارك
مها ترد ويمها ريم طبعا:- تو الناس انت حقير ووحيوان وتبن وكل شي
مبارك ومتعود على كلامها:- هههههههههههههههههههههه
مها بانفعال :- تضحك بعد وتسده بوجهه
مبارك:- نقع ضحك هههههههههههههههههههههه فديتها
ويرجع يدق
مها من غير نفس :- نعمممممممممم
مبارك:- احبج
مها وهدت اعصابها من الكلمه بس ماتبي تبين:- لا مبين وينك من اليوم
مبارك:- المهندس المسؤول مانعنا نتكلم بالتلفوون
مها:- لا تجذب
مبارك:- وربي مااجذب
مها:- اوكي صدقت
مبارك:- شتسوين
مها:- رايحه للمحااضره
مبارك:- اوكيه اول ماتخلصين بلغيني
مها:- اوكيه
سدووا التلفوون
ريم:- هذا حبيب القلب>> طبعا ريم مهاا صاروو زميلات عقب ذاك اليوم
مها:- يس فديته
ريم:- ام شلون تعرفتوا سولفيلي اذا ماكو احراج
مها:- ولا احراج ولا شي انا اصلا في شي جاذبني لج واحس براحه
ريم:- وربي حتى انا
مها:- القلووب شوواهد
ريم:- فديتج يالله اخلصي قوليلي
مها وتتذكر:- ااااه بس ياريم شنو افلام هنديه شنو وربي اللي بقوله تظنين خيال او قصه قريتيها بس صج وااقعنا مثل القصص صدقيني
ريم بانتباه:- كلي اذان صاغيه
مها بابتساامه:- على شهر12 كنت ادرس لامتحانات الكورس الاول للثانويه العامه انا لايعه جبدي واحس بضيقه وكان فجر والكل نايم وتجيني مسج على تلفوني وابطلها الا رقم غريب مكتوب يالشايب رد وانا ماعندي رصيد وقتها
وبالي مع الرقم بعرف منو فضوول بنات تعرفين وماصدقت ثاني يووم الا اشتري كرت طبعا انا كنت امس ماسحه المسج لاني حفظته مااادري شلي خلاني امسح المسج واول ماعبيت جيت بدق رقم جان اوقف عند اخر رقمين هو 63 او 36 وكان رقمه حلوو دقته تحت بعض وادق 63 ويرن ويطلع صووت وااحد

ببلش انا بقص القصه ههههههههههه

الشاب:- الوو
مها:- الوو دازين مسج بليل؟؟
الشاب باستغراب:- نعم!! لا
مها:- لا تستعبط مالت بس وتسده بوجهه

الشاب=مبارك
مبارك وهو قاعد ياربي منو هاذي وشنو هالرقم71 بيت أو نقال
لا نقال هي قالت دازين مسج يا ربي بدش على السجل وأشوف يمكن أحد داازها

وراحت مها لغرفتها تجيب كتاب الفيزيا المدرس تحت ونست سالفة الرقم والمسج

و مبارك بهالوقت يدور بسجل طبعا ما لقى أي شي عن رقم مها قالي هاذي مدزوزه يمكن وحده من خوياتي دازتها علي تشوفني بقوم أدق ويدق لكن ما ترد مها لأنها عند المدرس طنش وراح عند ربعه بالدوانيه
مشعل:- ها مبارك شخبار اللي الاسبوع اللي طااف اشهد انها خشف
مبارك بدون اهتمام:- رااحت مثل غيرها
مشعل:- شنووووووووو!!؟؟؟
مبارك:- مالي خلقها
مشعل:- ما شفتها ما قعدت معها عالاقل؟؟
مبــارك:- لا انت تدري اني ما أدور هالسوالف وتدرون ما كنت أحب اكلم وعارف شنو السبب اللي خلاني اكلم
وينط واحد اسمه عبدالرحمن:- شنو مبارك قوول محد غريب
مبارك عقب مالاحظ ان مشعل ماعنده مانع انه يقوول:_ هذ يبا قبل كم سنه كنا بمخيم وماتجي الساعه 12 أو 1 بالليل إلا و كل واحد راح بزاوية خيمة يكلم واللي يرووح السياره انا زهقت وطقت جبدي جان افصل بيوم وأقول شباب شهالمصخرة
خلووا المكالمات بعدين شهالمخيم وقت سهر كلن راح يكلم شالوناسه بهالسوالف
وينط وااحد الله يذكره بالخير
الشاب:- كلم شالي قاضبك وصير نفسنا عشان ما تزهق
مبارك:- ما أبي أكلم وأدش بهالسواالف
الشاب:- ما تبي أو ما حصلك
مبارك:- حاصلي وزوود بس أنا ماودي
الشاب مو مصدق مبارك:- خير انشالله
مبارك :- لاتحدااني يا فلان أجيب اللي أزين من اللي عندك لا وفوق هذا هي اللي قاطه نفسها علي
الشاب:- اتحدى
مبارك:- اشهدوا يالربع
وبعدها بيومين رحنا لسيتي سنتر السالمية
وتمر وحده لابسه عبايه مخصرة وجسم صح وفوق هذا مكياااج وحلووه ماتوو عليها اللي معاااي وخصووصا اللي تحدااني
وقعدنا بكووفي بسيتي سنتر وتجي البنت ومعاها بنتين
وتقعد مقابل مبارك و تخزه خز ومبارك و لا يمها ماتووا ربع مبارك
واحد من ربع مبارك:- مباارك شف البنات اللي قبالك
مبارك ويرفع عينه عليها وتبتسمله البنت:- شفيها؟؟
رفيجه:- شووفها تناظرك لاتطوفها تراها كيكه
وينط اللي تحدى مباارك:- أنا أشهد إنها كيكه
لا بعد هي اللي تبي ياويلي لو مكانك ما أنطر طيران عطيتها الرقم
مبارك ووصل للي يبي:- عجبتك يااافلاااااااااااااان
رفيجه:- عجبتني الا مت عليها
ويقوم مبارك ويسجل رقمه على كلينكس ويحطه على طااوله يمه فاضيه
وطبعا البنت ماصدقت قاامت وراحت وخذته
مبارك: فلااااااااان >>> يقصد اللي تحدااه
راعي التحدي:- هلا
مبارك:- شفت اني جبت اللي ازين من االلي عندكم وفوق هذا انتوا تبوونها وهي الللي قاطه نفسها علي
راعي التحدي ومتفشل انه تحدى مباارك:- ههههههههههههههههه وانت للحين على التحدي كنت امزح
مبارك:- تمزح
وينط وااحد من الشباب يصرف الموضوع:- ها لا دقت قولي شكلك بتحبها
مبارك:- تخسي لا للحب وبعدين احب بنت جذي رايحه فيها استغفرالله
طبعا مبارك ما طول مع البنت وطنشها و ما يرد على اتصالاتها
ومن عقبها مايرقم الا وحده تكون جميلة وربعه ميتين عليها وهي تكون مقطعته خزز وصار عند الربع مصدر حديث أن لا راح مكان اقل شي 3 او 4 بنات خشوف واللي قاهرهم انه يطنشهم ولاحتى يفكر يقابلهم ان البنات متشلعات يبونه حب وغرام وهو ولاهمه طاف واذا شاف الوحده من بعيد لبعيد ومعاه واحد من ربعه
مبارك:- دريت ليش صرت اكلم؟
عبدالرحمن:- ايه هههههههههههههههه
مشعل :- انا بتجنني في احد يموتون عليه هالخشوف وتقوله تعال لا وبعد تبي ترضيه وانت طاف انزين تمتع بالجمال
مبارك وهو معصب:-أنا كاسرات خاطري متعلقات وانا مصيري ساحب علييهم
ولاتنسى اني اكلمها واحط سبيكر وكلكم تسمعوون وهي ماتدري عن شي
فما ابي استغلها انا مو من هالنوع ولا افكر بنزووه نفس غيري
مابي منهم هم شي لو هم يلمحووون مابي
مشعل:- حولهم علي
مبارك:- تبيها لا دقت رد وحولها علييك
مشعل:- اصلا من دق تبي تسال عنك مدري شنو مسوي كل البنات بتحبك
مبارك:- هههههههههههههههههههه لا يكثر ما هموني

بهذه الاثناء تطلع مها من المدرس وهي كارهه حياتها وتروح غرفتها وتشوف تلفونها وتطالع وتلقى نفس الرقم داق
و تقوم و تدق
مبارك وهو بالداونيه شوي ويدق تلفونه ويطالع الا رقم مها ويطلع برى ويرد
مبارك:- الوووو
مها:- ها بالغلط بعد شتبي
مبارك:- لاحبيت اقوولج اني دشيت على السجل مالقيت لامسجات ولامكالمات لرقمج
مها:- لاشقصدك داقه اتعرف عليك انت ووجهك
مبارك:- ههههههههه لا بس يمكن احد دازج
مها:- نعم يمكن انت احد دازك علي
مبارك:- ياربي و ربي محد دازني وبعدين اول مره اشوف رقم 71 شنو انتي خطج تبع أي شركه زين او وطنيه؟
مها:- لا تستعبط
مبارك:- لا جد اول مره اشوووفه
مها:- أي ارقام جديده
مبارك:- تبع أي شركه؟؟
مها:- زين
وتو تستوعب مها انها طيحت الميانة
مها:- اقووول جنك طيحت الميانة قوول منو داازك اعترف
مبارك:- ههههههههههه وربي محد دازني
مها:- اوكي ما تبي تقول ماشي انقلع وعن الازعاج
وتسده بوجهه
مبارك وهو يطالع التلفوون وبنفسه يقول هههههههه مبين انها طيبه وعفويه حيل
ودش للدوانيه ونسى اللي صار

وبعد أيااااااام من هالمكالمه طبعا مها ومبارك كلن لها بحياته عقب اخر مكالمه
مها وهي منسدحه تفكر
بحالتها وتفكر بفواز وطارق وشلون تفتك طارق مجننها كلا عند باب الثانوية
وحده متشلع مدري شيبي اما وفواااز هذا الهم فضيحتي بيده
وشوي تجيها مسج وتبطلها
والا مكتوووب فيها ان كنت تريد الاستفسار عن المنحه الاميرية اتصل على هذا الرقم..............
طبعا كانت من مبارك
وطنشت المسج و نامت

طبعا وقتها كان ايام الشيخ جابر الله يرحمه لما عطى منحه 200 دينار لكل مواطن كويتي

وثاني يوم مها قاعده تسطر دفترها جان تتذكر المسج ويطري ببالها تدق
على الرقم اللي مكتوب لللاستفسار
مها تلفون باذنها تنطره يرد
شوي والا رد الرقم:- مرحبا بكم في مستشفى الطب النفسي
مها وخلاص فولت:- هيييييييييييييييين اوريه
وتقوم وتدق على رقم مبارك
مبارك وهو بدووانيه ويدق رقم مها ضحك ورد

مبارك:- هلا
مها:- الله لايهلي فيك
مبارك:- ليش انشالله الناس تسلم بالاول
مها:- من قال اني داقه أسلم أنا داقه اتهاااوش
مبارك:- هههههههههههههههههههههههههههههههههههههههه
مها :- ماااشي انت بديت الحرب وتسده بوجهه
وعقب ماسدته قال بنفسه هالبنت حدها عفوويه ههههههههههههه

وعقبها بدت حرب بينهم بالمسجات الواحد مايلقى مسج كلها زف وهوواش الا يدزه للثاني من غير ما يدقون على بعض لانه بالنسبه لمها هوو عدوو
وعقب شهرين من الحال جاا وقت عطلة الربيع مها نست مبارك وماعاد دزت
مسج طبعا مبارك فقدها حيل ففكر يدق ودق
مها بدون لا تطالع الرقم:- الووو
مبارك:- قوووه
مها بصدمه:- منوووو
مبارك:- افا ما عرفتيني
مها:- اخلص منو
مبارك:- انا راعي المسجات عدوج
مها وتطالع الشاشه تبي تاكد:- شنووووووووووو خير انشالله ليش
دااق
مبارك:- لابس بشوف ليش انقطعتي عبالي متي بس للاسف لا
مها بانفعال:- انشالله انت واهلك كلهم تفهم
مبارك:- ههههههههههههه
تصدقين عااد
مها:- شنوو
مبارك:- مع انج عدوتي واسلوبج زفت بس لج وحشه فقدتج
مها وحست بصدق كلامه:- ........
مبارك:- الوووو ياهووو
مها:- ها ترى مو فاضيه اكلمك بعدين بس حلوه جذبتك هههههههههه
مبارك وتندم :- اوكيك اخليج يالجيكره
مها:- ههههههههههههه ما يهمني رايك وتسده
وجلس مبارك يتساءل انا شلون اقول جذي بنت ما أعرفها يمكن مدزوزه او شي بس عفويتها حلووه
نفس الحال كانت مها ياربي مدري ليه لما قال انه فقدني حسيت بشعور غريب
و تحاول تطرد الافكار صج أنا غبيه يمكن مدزووز من الخمه اللي قبل وتقووم مها ترووح للبنات

بعد هالاحداث بأسبووع
طبعا مبارك مرقم بنت اسمها حنان وكانت حنان ميت فيه وتبي تخليه يحبها

في مجمع الفنار الساعه 10 بليل عند السينما مبارك وربعه واقفين وشوي ويدق رقم غريب على رقم مبارك ويرد
مبارك:- الوو
مها:- قوه
مبارك:- هلا منو؟؟
مها بتفكير باسم:- اناااا نوف
مبارك:- منو نوف؟؟
مها:- انا عدووتك ام المسجات
مبارك بفرح:- هلا والله
مها بحيا:- هلا فيك
مبارك:- منو رقمه هذا
مها:- رقم خالتي لا تدق عليه
مبارك:- اوكيه وتلفونج وينه
مها:- احترقت شريحتي
مبارك:- لا متى تطلعين بدل فاقد
مها:- اول ما ارد من البر
مبارك:- اهاااا
مها:- اكلمك بعدين اسمع صوت احد جااا
مبارك:- اوكي بس لحظه
مها:- هلاا
مبارك:- روحي بس ردي قلب مبارك اللي اخذتييييييه
مها واحاسيسه انشلت خلاص:- بااي وتسده

مشى مبارك لربعه ودش الفيلم وتفكيره بمها يزيد يبي يعرف سر انجذابه لها ويقووم ويدز مسج لها

تعال وسط الشوف.. واجلس فديتك
ما من غريب بديرة القلب وياك



اما على كيفك تجي.. أو خذيتك
غصب علي مصافح وصالك ويمناك


هذا وانا بدنياي ضايع لقيتك
وشلون لو حاسب حسابي ابلقاك !!


ياحرام مها من بعد المسج بدت احاسيسها تتجه لمبارك وتزيد ويتردد ببالها هالبيت
هذاوانابدنيايضايعلقيتكوشلونلوحاسبحسابيابلقاك!!
تحس انه من قلبه

نعوود للكليه وين مها وريم قاعدين الا بصووت يقطع الانسجااام
بشاير:- ياااااااااااااااااااااااااااااهووووووووووووووووووو ووووووو
مها:- هاا شفيج خربتي علي انسجاامي
بشااير:- انسجام بشنو؟؟
مها:- ولاشي كنت اقولها قصة فيلم هندي وتغمز عين لريم
ريم وهي متأثره:- اااااااااخ بس احلى فلم والله
بشااير:- اقوول مها الدكتور بيروح للقاعه اخلصي قوومي انتي وياها
مها&ريم:- الحين جاااين
راحت بشاير للقاعه مها وريم وهم قايمين بيروحون
ريم:- مها تكفين شصار بعدها
مها:- صارت علوم انا ومبارك صكينا على المسلسلات المكسيكيه
ريم:- تكفين كلمتيه بعد اعترافه
مها:- لاااااا
ريم:-اها شلون تكلمينه الحين
مها:- اقولج بعدين يبيلها قعده
ريم:- اف ما فيني صبر الا صج بشااير ماتدري عن شي
مها:-لا محد يدري بس انتي
ريم باستغراب:- ليش انا
مها:- ما أدري ليش ارتحتلج حيل احس جنج رفيجتي من زمااان
ريم:- وانا بعد يا حياتي
مها:- هههههه اقول اخلصي دكتور بيدش
ودشوا للمحاضره


في سيارة روان وين ما الثلاثي المرح هناااااك
منيره:- متى يجي باجر
روان:- هههههههههههههههههه اتخيل شكل حمدان هههههههههههههه
مشاعل:- ههههههههههه بمووووت
منيره:- ما نبي يدري انه حنا اصلا ماراح يعرف
روان:-من صجج بيتوقع ان حنا
مشاعل:- هههههههههههههههههههههههههه ونااسه
منيره:- يالله بنات الوعد بااجر
روان:- اوكيك يالله اخلصوا انزلوا نلحق على المحاضرة
البنات نزلو وتوجهوا للقاعتهم وهم ينطرون باجر









صفط عن باب بيتهم وتو بينزل الا علي اخوه بوجه
علي:- مباارك
مبارك:- هلا
علي:- الحق شووووف ابوي
مبارك ارتبك :- شفييييييييه
علي:- روح شوف بسرعه كلم بوفارس عن موضوعك
مبارك واسودت الدنيا بوجه:- لا تقوووووووووول
ويدش دااخل البيت يدووور ابووووووووووووووه

نروووح عند بيت دلال

ساره:- أف دلوول تعالي سوولفي معاي صارلج ساعه من رديتي و انتي على النت حتى ما قطيتي ملابسج
دلال مندمجه مع الماسنجر:- مشغووله سوير أخلص و أفضالج عدل
ساره بنفااذ صبر:- اف منج
وترووح ساره

طبعا دلال و هي منصدمه من هالطلب الغريب

القبطان: انزين عريبة بس ممكن تخلين رقمي عندج في حال اني طولت بالسفره
عريبة الساس: تروحون و تردون بالسلامة بس ما أظن له داعي اخلي رقمك عندي و بتلقاني بالماسنجر و بينا ايميلات
القبطان: عريبه انتي متى تحسين فيني ؟؟!!!!
عريبة الساس: أحس بشنو !!!!!!!!!!!!!!!!!!!!!!
القبطان: عريبة انا معجب فيـــــــــج بدرجه مو طبيعيه حتى ظنيت اني احبج
عريبة الساس: هههههههههههههههههههه أكيد تمزح القبطان تحبني لووووووووول
القبطان عصب حده: أعتقد ما قلت شي يضحك بس
عريبة الساس: مالها داعي كل هالعصبيه يا عمي روووء شو بك؟؟<<<تمووت على الحكي اللبناني خخخخخخخ
القبطان: عريبة و ربي انتي مو حاسه انا محتاج أحد يواسيني بغربتي بغربة الديره و رغبة روحي من عقب طيحة أبوي
عريبة الساس و مكسور خاطرها لأنها تعرفه متعلق بأبوه حيل فقالت تصرف الموضوع: تيــب مو مشكله بخلي رقمك عندي بس للضرورة
القبطان و مو مصدق: أوووكي للضرورة للضرورة بس أهم شي عندج


" للعلم أبو القبطان مريض بالسرطان و هو بيسافر رحلة علاج لندن عشان جذي بدر اللي هو القبطان ما يبي يقطع الاتصال بينه و بين دلوول اللي هي عريبة الساس بس منو نفهم وحدة تفكيرهااااااااااااااااااااااارد؟؟؟!!!!!! " وللعلم علاقتهم صارلها سنه كامله بس بحدوود النت




1:- تتوقعون الثلاثي المرح شنو بيسون؟؟؟

2:- شنو سووى ابو مبارك؟؟؟

3:- نهال وشنو وراها؟؟؟

4:- القبطان هل بتحس فيه دلوول وتدق عليه؟؟؟

4:- مها لوين بتوصل سالفتها مع مبارك؟؟؟

هذا القليييييييييييل من كثيرررررررررررررر الجااااااااااااي اعظم
لان هاذي الحياااة

نبي ردوودكم عشاان نكمل؟؟؟؟
بعرف منكم شنو اكثر الشخصيات عجبتكم؟؟
وشنو توقعااتكم؟؟؟؟

[عادل العقوبى]

هى دى اول قصه ليكى هى حلوه بس فين البلاغه وفين حلاوه اللغه عشان اللى يقرا لا يمل

[شوكلاته سايحه]

لا طبعا القصه مو لي..
انا ويني ووين الكتابه ..
بعدين الروايه اروع من رائعه وهي بالهجه العاميه وكاتبتها كويتيه ..
والكل اثنى عليها ..


*اختلاف الاراء لايفسد للود قضيه

[نـزف]

سٌِِّلمًتُِِّْ آنْآمًلكَ عًٍ آلطُْرٌٍحٍّ آلرٌٍآئعًٍ
آللهٍَ يَعًٍطُْيَكَ آلعًٍآفْيَهٍَ عًٍ آلآخٌِتُِِّْيَآرٌٍ آلمًمًيَزٍُ
آللهٍَ لآ يَحٍّرٌٍمًنْآ مًنْ جًِْدًٍيَدًٍكَ
لآعًٍدًٍمًنْآكَ

[شوكلاته سايحه]

البااااااارت الرابع
بعد يوم دراسي شاق في بيت ام فهاااد
على سفرة الغداء
فهااد:- ريم امانه شلوون شكل عبير؟؟
ريم:- هههههههههههه تبي مواصفاات زوجة المستقبل
فهااد:- ياشييينج قووولي
ريم:- عندك البطااقه والجواز متلهف
فهاد:- لاماني متلهف الا ابوي اللي حدني
ريم بصدمه:- وليش مارفضت
فهااد:- ماتعرفين ابوج لاحن و يقوول بزعل
ريم:- يالله انشالله تطلع خوووش وحدة
فهااد:- ليش ماتعرفينهااا؟!!!!!!!!!!
ريم:- لا صح تصيرلنا بس انا ما احتكت بنات جماعتنا
فهااد:- شلوون شكلها قووولي نفس البطااقه
ريم:- أي ماكو تغير
فهااد بخيبة امل:- عز الله بأخر العرس سنه
ريم:- هههههههههههههههههههههههههه الله يعين
وتدخل فطوم وتزهب الغدا ويجتمعوون كلهم ويتغدوون الا فهااد اللي فكره رااح لبعييييد شوووي


وفي بيت مباااااااااااااارك وتحديدا" بالدوانية
ابو محمد:- ابشرك ياولدي بوفارس وافق وبااجر قم ود أوراقك له
مبارك:- علشان شنوووو يبا؟؟؟
بو محمد:- على بعثتك برى
مبارك و تحطمت آماله:- يبا أنا قلتلك ودي أتوظف أول بعدين أطلع بعثة
بومحمد بحزم:- لا اخذها الحين بحرارتها توك متخرج وروح كمل على حسااابي أنا مو قااصرني شي ليه تبي تحرمني من إني أفتخر بقووولة المهندس مباارك ولدي
مبارك :- يبا انا اهم ما علي رضااك و أنا بإذن الله بصير مهندس بس مو الحين
بومحمد:- إن ما رحت ورديتني و ربي لا أنت ولدي و لا أعرفك
وينط محمد اخووه الكبير ويدخل بالموضوع
محمد:- صح مبارك حلاته تكملها الحين وهذا ابوي مستعد يتكفل بكل شي
ويطلع بومحمد من الدوانيه وقبل لايطلع :- مبارك ان كان لأبوك قدر لا تردني وكمل
مبارك بيأس:- انشالله
محمد:- ليه مبارك ماتبي تكمل مو كان هذا طمووحك من قبل شغيرك؟؟؟؟؟؟؟؟؟؟
مبارك:- ما غيرني شي بس أنا مابي الحين
ويتدخل فيصل اخووه :- ماتبي والا عشاان ال..... >>>يقصد مها
مبارك:- لاحوول انت شتبي؟!!!!!!!
فيصل:- ندري انها قالبه حااالك وانك من عرفتها تغيرت ...تصدق احسن شي سووته انك ما قمت تطلع نفس قبل لكن توقف بمستقبلك لا
مبارك:- هي مالها دخل و ما تدري
فيصل:- اصحى اصحى ترى كله لعب عيال وبتزوج وبتخليييك
مبارك:- فيصل شسالفتك؟!!!!!!
فيصل :- انبهك
محمد وبتعاطف مع مبارك:- انت تحبها
مبارك:- شسالفتكم؟؟؟؟؟؟؟؟؟؟؟؟؟
فيصل :- إلا يموت فيها متخرفن عدل هههههههههههههه
مبارك بعصبيه:- إحترم نفسك
وطلع مبارك معصب وركب سيارته وراااح يتمشى

في غرفة مهاااااا
منسدحه بفراشها وتلعب بشعرها وتفكر بلحظاتها هي ومبارك والحب
لانها من سووولفت لريم وهي بحالة شوق وحنين للأيام ذيك

وفجأه تدخل عليها منووش
منوش:- شتسوووين؟!!!!!!!
مها:- ماأسوي شي
منوش:- ههههه المشكلة إني عارفه كل شي وانتي مستغبتني
مها باستغراب :- شنو؟؟؟
منوش:- سلام عالحب عبالج مدري
مها بصدمه:- شنووووو؟!!!!!!!!!!!!!!!!!!!!!!!!!!!!!
منوش:- مبارك حبج اللي بجاج ليااالي وشهووور ههههههههههههههههه
مها:- شدرااااج؟!!!!!!!!!!!!!
منوش:- صوتج عالي واسمع وانتي مفضوحه تصرفاتج وااضحة
مها:- شلووون؟؟؟؟؟؟
منوش:- الأدب والأخلاق وصاايره ما تطلعين وتقعدين بالبيت وما تنامين عند بيت خوالي نفس قبل ههههههههههههههه كل هذا من وين جااا؟؟؟؟؟؟
مها:- أمانه منوش في احد يدري؟؟
منوش:- لا بس انا لأني جمعت هالشغلات وزاااد عليها اني سمعتج
مها بارتياح:- اشوووووه
منوش:- حلوووو؟؟؟؟؟؟؟؟؟؟؟
مها:- يهبل يخبل
منوش:- الفال لنا
مها بانفعال:- لا منوش ديري بالج هذا اللي أسويه غلط وصج انه يحبني بس الله يعلم شنو نهااية هالحب بس
منوش:- ههههههههههههه من قالج أفكر لا أنا نت ومصخرة مو مال غراميات
مها:- صدقيني احسلج
منوش تصرف:- ما علينا أخبار الكلية في قززز؟؟ برووح
مها:- هههه شكو قز درااسه
منوش:- انا اسمع البنات بالكليه يطلعوون يتمشووون
مها:- هههههه لا أنا ماعندي أحد دلووول ومنور مو معااي وفوق هذا مبارك ما يرضى
منوش:- مالت بس يتحكم بعد
مها:- فديته خليه استانس لا منعني
منوش:- هبلة
مها:- حتى انا ما أخليه يروح مجمع أو مطعم بس دواانيه و12 يرد عشان يكلمني قوانين
منوش:- ايووه خليكي قدعه
مها:- ههههه اضبطج
منوش:- صج شخبار دلوول
مها:- احتمال تجيني اليوووم
منوش:- صج وناااسه
مها:- اشتقتلهااا حيل

من باااادي الوقت هذا طبع الايامي
عذبات الايام ماتمدي لياليها
حلو الليالي توارى مثل الاحلامي
مجبور عني عجاج الوقت يخفيها......
تسري مع الهاجس اللي مابعد نامي
وصور الماضي لنفسي واسليها
اخالف العمر راجع سالف اعواامي
وانوخ ركااب فكري عن تدااعيهااااا.........


على أنغام محمد عبده وكلماته اللي جت على الوتر الحساس
وببحرمن ذكريات لأحلى أيام وقلب يدمع لحالهم بهالزمن القاسي
وهو يلف بشوارع الكويت كاره من حوله عاجز عن التفكير
شي واحد بباله كيف يتصرف بين نارين ابوه وحبه
ويرفع تلفونه ويلقى 30 مكالمه من مها واخوانه ويرووح يدق على أخووه علي

علي:- زين رديت
مبارك بدون نفس:- خير حارقين تلفوني
علي:- أمك تحاتيك وإحنا وانت ولاهمك
مبارك:- ليش جاهل تحاتوني؟؟؟
علي:- وينك؟؟
مبارك:- أتمشى بالسياره وبروح ديوانية واحد من الربع
علي:- منت جاي البيت؟
مبارك:- بجي لا خلصت
علي:- خلاص رد اذا اتصلنا مو تطنش
مبارك:- انزين
ويسكره من علي ويفكر يدق على مها أو لأ؟!!
بالأخير يقرر إنه ما يتصل ما يبي يجرح شعورها


الله اكبر الله اكبر

وصووت أذان المغرب
والناس رايحة للمسجد بهذه الاثناء تفز من نومها مخترعه على صووت الأذان
ريم:- اعوذ بالله من الشيطاان الرجييييييييم
الله يستر بس خل اقووم اتوضى واصلي
وعقب ما صلت وتعوذت من ابليس قامت تفكر بالحلم
وقررت تدق على مهاااا

مها:- اهليييييييييييين
ريم:- هلا شلوونج؟
مها:- تمام وانتي؟؟
ريم:- الحمدلله
مها:_ شفيه صووتج؟!!!!
ريم:- حلماانه حلم خاايس
مها:- تعوذي من ابليس
ريم:- تدرين انه فيج
مها بصدمه:- خيرر شنو الحلم؟؟!!!!!
ريم:- إنه في أحد يلحقنا وأنا اركض وانتي تركضييييييين و أصيح أقولج مها لا يمسكج اركضي وإنتي قمتي تبطئين بالمشي وأنا أصيح مها اركضي جااج بالأخير طحتي ومسكج وأنا اركض أصيح وفزيييت من الحلم
مها:- اللهم اجعله خير والله يكافينا شر الحلم
ريم:- آميـــــــــــــن
مها تغير الموضووع:- صج دلوول بتجيني شوي
ريم:- والله يااي ودي اشووفها من كثر ماسولفتيلي عنها
مها:- اكيد بتشوفينها عن قريب يالله سويتي ظفي وجهج ببدل
ريم:- أمحق ماكو اسلووب
مها:- ههههههههههه جااو
ريم:- جااااواات

قامت ريم بقلبها تدعي انه ما يصير شي لمها وراحت تنزل لأهلها تحت

طبعا مها خافت شوي بس تعوذت من ابليس وراحت تجهز عشان دلال بتجي

وهي تحت ويجيها تلفون من دلووول
مها:- ووووووووينج طولتي؟؟؟
دلال بقهر:- جراح راح و ما عندي احد يجيبني
مها:- لااااااااااااااااا تقولين
دلال:- شسووووي لكن وعد بااجر العصر انا عندج
مها:- وربي إن ماجيتي لأزعل
دلال:- امممممممممممممممواااه بجي لعيوونج
مها:- ههههههههههههههه لبى قلبج يالله اخليج
وسكرت منها وهي ضايق صدرها من حلم ريم وان دلال ماجت وراحت لغرفتها تبي تدش النت تلهي نفسها

نروح شوي لبيت ميشوووو

ام ميشوو:- مشااااااااااعل يامشااااااااااااعل وينج؟؟
مشاعل بغرفتها:- نعم يمه
أم مشاعل:- تعالي
وتنزل مشاعل
مشاعل:- هلا يمه
ام مشاعل:- عرس ولد عم ابوج اليوم تعالي معااي
مشاعل:- لااا عندي امتحان
ام مشاعل :- ادرسي لارديتي
مشااعل تصرف:- كلمي نوره خل تروح
ام مشاعل:- الله يعيني بس عليج
وتروح أم مشاعل وترجع مشاعل للتلفون
مشاعل:- بااك قلبي
سلطان:- ولكمووو شتبي امج؟؟
مشاعل:- تبي أروح عرس وأنا ما رضيت
سلطان :- لازم تروحين معاها توجبين
مشاعل بنفسها بعد جاي يعلمني الأدب والواجب:- امم ماعلينا أخبارك؟!!!!!
سلطان:- ملان شوي شكلي برووح للربع
مشاعل:- امم روح عندهم ونس نفسك
سلطان:- أقول قلبي ودي أقوولج شي
مشاعل:- شنووو؟؟
سلطان:- باختصار حبيتج
مشاعل:- هههههههههههههههههههههه لا والله
انصدم سلطاان:- تضحكين ترى أتكلم جد ما توقعت اني بحبج
جت بترد مشاعل و إلا يدخل معاها خط ثاني واحد مخزنه اسمه النكته
مشاعل:- أقوول سلطان انتهى الوقت المخصص لك
سلطان بانفعال :- شنوووو؟؟
مشاعل:- ههههههههههههههههه يالله انتهى الوقت وصج أنا ما أحبك دور غيري بااي وتسده وترد على الثاني
مشاعل:- أهلا أهلا
النكته:- أهلين ويتنق؟؟
مشااعل:- ههههههههههه تدري حبايبي واجد
النكته وعاجبته جراءتها:- شي طيب
وتكمل على هالمنوال ولاهمها أحد

وفجأه يدق بابها
مشاعل:- منووووووووو؟؟
الخداامه:- هذا في بنيه يبي إنتي تلفوون بيت
مشاعل:- انزين قولي سوي دقي موبايل
الخداامه:- زين
وتروح مشاعل لتلفونها مال الأهل وتلقى مكالمات من منور وروان
وبسرعه تصرف رفيجها وتدق على منور
منور:- تو الناس؟؟!!
مشاعل:- لاهية بالخط اللعب
منور:- دقيت عليه بس مغلق
مشاعل:- أي واحد
منور:- 97
مشاعل :-ههههههههههه لامسكرته بصرف اللي عليه تو شريت غيره
منور:- عطيني اياه
مشاعل:- بدزلج منه مسج
منور:- أوكيك
مشاعل:- شعندج حاارقه التلفون
منور:- إيه بقولج شرايج بااجر نمر صالون ونتمكيج
مشااعل:- انتي غبيه؟؟!!
منور:- ليش؟؟؟؟؟؟؟؟؟؟؟؟؟؟؟؟؟
مشاعل:- شكوو ماتستاهل السالفه
منور:- انا حسيت تصير أحلى عشان لاخلصنا نفلها ونروح مجمع
مشاعل:- يا معودة إنتي وروان مشالله تعرفون تمكيجون
منور- صح هههههههههههههه متى يجي بااجر
مشااعل:- هههههههههههههههه ونااسه
منور:- تدرين روان خايفه
مشاعل:- هههههههههههههه كالعاده
منور:- خوفتني
مشاعل:- يامعوده عادي ماراح يدرون من حنااااا
منور باقتناع:- صح طاااف
مشاعل:- يالله ظفي وجهج سي يو تمووروو
منور:- اوكيك
وتسكر منور وهي رايحه لغرفتها مرت من غرفت أماني أختها و يجذبها صوت عبدالمجيد

تنتظر كلمة احبك شااايفك مشغوول فيها
كل شي بوقته حلوو ليه مستعجل عليهاا

منور الله الله ودش
منور- خيييييير الإخت عااشقه!!!!!!!!!
اماني:- لا بس اسمع روومانس عندج ماانع
منور:- رومانس أي شي مولايق
اماني:- عندج شي تبين شي؟؟
منور:- لا.. إلا صج شخبار كليتج في قزز؟؟؟؟؟
اماني:- ههههههههه هذا همج
منور:- يس يس
اماني:- لا مااااكو
وشووي وصووت الماسن عند اماني وتلتف له وتنط الله شبك
منور:- منو اللي شبك
اماني بارتباك:- واحد بالمنتدى
منور بشك:- وليه مستانسه انه دش؟؟!!
أماني تصرف:- عشان قال يمكن يحطني مشرفه
منور:- امم اوكيك
وتروح منور
وأماني- اشووووه صدقت ماشكت
وتروح تكلم الوفا طبعي

للعلم أماني إدمان نت تحب واحد معاها بالمنتدى ولاتدري شلوون تصرف تحب كتاباته وتتخيله انسان مهذب وراقي ودايم ترسم ببالها صوره له
ومع الايام بتدروون شنو رااح يصير

وفي منتصف الليل
مها تحاتي مبارك
مها:- أف ليه ما يدق و لا يرد يا ربي استر
وشوي ويدق التلفون
مها:- ألوووووو
مبارك:- هلا
مها:- إنت وينك انشغل بالي عليك انت ما تحس انا خفت عليك وشووي وتقعد تبجي
انقهر مبارك:- ليه تبجيييين!!!!!!
مها:- لاني خفت عليك مابي أفقدك
مبارك بنفسه شلون لوتدري:- لاتحاااتين بس انشغلت وتلفوني نسيته بالبيت
مها:- وانا ما فكرت تقولي
مبارك:- اسف ياقلبي
مها وبصووت بااكي:- مباارك انت حياااااااااااتي تفهم شنو حيااتي انا بدوونك و لا شي
مبارك وخلاص صارت هالكلمات تجرحه:- مها امسحي دموووعج وانشالله ما يصير الا كل خير
وتسكت مها وسمح دموعها وكملو سوالف ومبارك كاره نفسه يبي يصارحها باللي صار بس ما يقدر ما يبيها تنجرح


يوم جديد قد يكون جميل لنااس وقد يكون سيء للبعض ولكن هاذي هي الدنيا يوم لك ويوم عليك


في كليه التربيه وين ما دلال وفرح قااعدين فارشين عيشتهم و قاعدين بالحديقة و الجو يهبل شتاا و هوا يرد الروح


دلول و هي تاكل كتكات: تصدقين فرووح أمس بدر عطاني رقمه
فرح و تشرق بالعصير: كح كح كح بدر ما غيره القبطااااااااااان
دلال: اسم الله عليج شفيج اي ما غيره جم بدر أعرف أنا
فرح: استغربت شالمناسبة؟؟!!
دلال: تدرين انه بيسافر هالأسبوع عشان علاج أبوه قالي ما ابي ينقطع الاتصال بينا و خليه معاج
فرح: انتي شبتسوين بتكلمينه؟؟
دلال و تنرفزت شوي: شفيج فروح انجيتي انا طول عمري صاملة و مخلية هالسوالف اجي آخر عمري أكلم عسا ما شر و تقوم و تخلي فرح منصدمه
بس استوعبت و قامت تلحقها
فرح: دلوووووووول اشفيج و الله مو قصدي بس كنت أسإلج
دلال: ادري فروح بس انا كنت متنرفزه و هبيت بوجهج سوري
فرح: شدعوه تمونين يا ام عزوز
دلال شقت الابتسامه: يا حماره تعرفين تسكتيني ههههههههههههههه
فرح: يسإلج بس لا تطقيني شبتسوين بخصوص بدر؟
دلال: عادي مرح أسوي شي
فرح: يا ربي بتجننيني انتي صارلج 6 شهور معاه ما عندج فضول تسمعين صوته!!!
دلال: بصراحه اقص عليج اذا قلتلج لأ ودي بس ماله داعي لوين بوصل يعني بعور قلبي عالفاضي بعدين الشباب ما يجي من وراهم الا المشاكل و المصايب ما تسمعين سوالف البنات و البلاوي اللي تصير خلينا نت و بس
فرح: انزين عندي فكره خطييييييييره و مرح تسبب مآسي و لا بلاوي
دلال: اتحفينا و تاكل من بفك سفينه و تشرب سانكست سوالف قبل الغزو ههههههه
فرح: بتحفج حلات أكلج أكل جهال انتي متى تكبرين !!!
دلال: جب و قولي فكرتج
فرح: اسمعي شرايج تكلمينه من تلفوني نسمع صوته و نستعبط عليه و نصكه و فيه خير يدق
دلال: أشهد انج بايعتها شلون بالله ما تخافين يدق عليج!!!
فرح: شكو شبيقول بيقول لو سمحتي وين عريبة الساس هو ما يعرف اسمج و لا اصلج و لا أي شي عنج اذا كلش كلش دق اخلي أحد من اخواني يكلمه و لا يقدر يضرني ها شقلتي؟؟
دلال ودها و ما ودها تسبب مشاكل لفرح: ها مدري؟؟
فرح: أقول عطيني رقمه و تمسك جوالها تنطر دلول تنطق
دلال: سجلي 66.....
فرح: يا عيني و حافظته بعد و تغمزلها هههههههههه
دلال: جبي رقمه مميز و ينحفظ
فرح و تدق و تقطه على دلال و تنصدم احد رد عالتلفون
بدر: ألووو
دلال: ............................
بدر: ألوووو و وجع <<<<< ماكو تفاهم هع هع
دلال: احم .. أألووو
بدر: نعم ؟؟!!
دلال بقلبها تقول ألعن خيرك نفسية سديت نفسي
دلال: سلامتك غلطانه و تسده
شوي و الا يدق
فرح: يا خبله هذا هو ردي
دلال و معصبه: مابي لما يتكلم عدل أرد
فرح: هبله انتي هو ما يدري انج انتي لو يدري جان تأدب ردي بليز
دلال جيبي: ألووو خير ؟؟<<<< عصبت
بدر: كنت حاس انج انتي
دلال: !!!!!!!! انصدمت بس كملت عادي مشالله الأخ ساحر
بدر: انتي عريبة و الا منو غيرج بيتكلم بهالأسلوب
و استمرت اول مكالمة بينهم حوالي الساعتين سكرت و بدا الإعجاب يتسرب بداخلها بعد ما سمعت صوته و سمعت سوالفه و آرائه و أسلوب عليه اسلوب بالكلام عجيب يقنع
فرح: ها غيرتي رايج بتكلمينه
دلال و هي تكابر: لا انشالله بس تجربة ممتعة
فرح و تطالعها بنظرات: مبين ممتعة لاطعتني صارلي ساعتين لحالي
دلال: تروحلها و تبوسها على خدها سوري حياتي و الله اني أحبج و بعدين تذكرت بعدين انتي قطيتي على التلفون و قلتيلي كلميه غلطتج و تطلع لها لسانها
فرح: هههههههههههههههههههه اي و الله غلطتي شكله بياخدج مني
دلال: مو دلوول اللي تتغير على رفيجاتها عشان وااحد
فرح: كفووووووووووووو و الله
دلال: أفا عليج أعجبج
و هذي كانت أول مكالمة بينهم و بعدها انجن بدر و هو حاول يقنع دلال تكلمه من تلفونها بس هي ما كانت مرتاحة so جنن فرح المسكينه يدق و هي بغت تموت
و قامت اتفقت ان بس يدزلها مسجات لأنها تخاف احد يرد عليه و صار يدز مسجات لفرح و هي تدزهم لدلال حشى ترانزيت خخخخخخخ بس سبحان الله و لا لان قلبها

لين بليلة راس السنه.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!

نروووووح عند الشويخ عند مها وريم
مها:- أف ما نمت عدل
ريم:- شكلج سهرانه معاه
مها:- ايه فديته
ريم:- ياعيني عالحب صج ماكملتيلي قصتكم
مها:- ههههههههههههههههه للحين تبين تعرفين تكمله
ريم:- أي ميته واعرف
مها:- اليوم بالفراغ اكملج
ريم:- أووكي
ويرحون يمشون للمحاضرة ويمر من عندهم دكتورهم ويخز مهااا خززز
مها وتعطييه نظره وتكمل لين دشت القاعه
ريم:- العن ام الخز
مها:- لاحظتي؟؟
ريم:- العمي يشوف
مها:- شكله حاقد عشان اول يوم لما هزءته شووي
ريم:- لا ما أظن نظراته أحسها اعجاب
مها باستخفاف:- اعجاب وانا اول يوم طولت لساني عليه شيعجب فيه؟؟
ريم:- الله واعلم

وقفه طبعا الدكتور عرفتوه اللي جننته مها اول يوم وطلع يعرف ابووها اسمه سالم العمر 33 أعزب ويدرس ماده تخص الكومبيووتر ومع القصه بتعرفوون شنو يبي؟؟!!

الدكتور سالم:- اقول مها عندج المقر؟
مها بصدمه:- أي
الدكتور سالم:_ عطيني اياه ناسي المقرر بالمكتب
مها بدون نفس تقووم وتعطيه
الدكتور:- شكرا
مها تسوي نفسها ما سمعت وتقعد
ريم بهمس:- ههههههه صدقتي معجب
مها:- جبي انا منغثه ما لقى إلا أنا يبي كتاابي
ريم:- المشكله انا قاعدين ورى الله يستر البنات لايطلعون حجي
مها:- جب ماهموني أنا وااثقه من تصرفااتي

وينتبه الدكتور لهمسهم
الدكتور سالم:- ريم لو سمحتي برى
ريم بصدمه:- ليش؟؟!!
الدكتور:- عشان تكملين سوالف
مها:- يالله ريم امشي
وتو مها بتقوم الا الدكتور
مها:- وين؟؟
مها:- إنت مو قلت إطلعي برى لريم عشانها تسولف انا كنت اسوولف معاها بطلع عشان تكملي شنو صار؟؟
البنات: ههههههههههههههههههههههههههههه
الدكتور :- لا إنتي تعالي جدام اقعدي و ريم برى
مها بصدمه:- شنوو؟؟!!!!
الدكتور:- سمعتي
وتقولها ريم روحي اقعدي و أنا بطلع
وتقوم مها بعصبية و تقعد جدام وتطلع ريم

و يسإل الدكتوور البنات ويجااوبون ويشرح مها سرحانه مالها خلق
الدكتور:- بسإلكم شنو لغة الحااسب الاساسيه واللي يعتمد عليها بالمعالجات
ويلف و يطالع مها
الدكتور:- مها شاركينا وجاوبي
مها بنفاذ صبر:- شدرااااني؟؟
الدكتور:- داشه هالتخصص وشدراج و في انسان بالقرن الواحد وعشرين ما يعرف الحاسب ولغاته؟؟!!
مها:- أي اناااا
الدكتور:- أنصحج غيري التخصص
مها تعطيه نظره:- ماراح اغيره وانت المفرووض تشرح لنا موتعطينا نصائح أي تخصص ندش
الدكتور سالم والاعصااب فل منها:- اممم شي طيب
ويطنشها وكمل شرح وبداخله يتوعد فيها مو ناقص إلا هالعووبه الجااهل
وتخلص المحاضره
وتطلع مها وتروح لريم وتقولها شنو صاار
ريم:- مها عدلي اسلوبج
مها:- بط جبدي
ريم:- الله يستر منه تراه يعرف أبوج
مها:- خل يولي بقول لأبوي عنه
ريم:- كييفج



وما زلنا بالشووويخ بس بمكاان ثاااني
عند مسرح العلووم الاجتمااعيه
وهنااك كاانت أصبووحه الشعريه للشعرااء
وطبعا الصاله فل بناات وشباب
وتم التعريف بالشعراء وكلن بدء بقصيده
ولما جا دور حمدان وبدا التصفيق وتوه بلش بأربع أبيات
إلا بأصوات تصفير وصار ضجة شوي وهمس و الكل التفت وين الباب
إلا بثلاث بنات مبرقعات و ملكي وعباية مفتوحة ولابسيين فساتين قصيره واحد لوونه أحمر مخملي و واحد لوونه فوووشي وواحد لونه أوورنج
والسيقان طالعة كانو ملفتيييييييييييييين طبعا صارت ضجه بالمكان وكلن يطالع
ويجون يقعدون قبال حمدان لأنه في 3 كراسي فاضيه بالأساس محجوزه لهم ويحطوون رجل على رجل
حمدان بلم شوي منفتن ويرد يكمل ونظرهم عليهم
وشووي الا البنات يتلفتون ويغمزون للشباب والشباب انهبلوووا
وتلف وحده منهم أم الفستان الفوشي
أم الفستان الفووشي :- أقووول شباب نكي أم فوشيه يالله الهمه
وتضحك ههههههههههههههههههههههههههههههههههههههه
والشباب بلشووا بحث وانهبال فيهم
وينط وااحد:-- ماكذب محمد ماهقيت ان البراقع يفتنني
ويضحكون البنات و اهنيه انقهروو بعض البنات الموجودات وتقوول وحدة
البنت:- قلة ادب
وتلف أم فستان أورنج:- نعم خير شقلتي؟؟
البنت:- قلة أدب و وقااحة
وتوقف أم أورنج:- إنتي اللي قليلة ادب
وتفز أم فووشي وتبلش هواش معاها
البنت:- انتي لو مو قليلة أدب ما لبستي جذي؟؟
أم فووشي:- وتبطل العباية بإدينها وبين الثوب بالكامل هههههههههههههههههههه محتره لوتموتين مايدخل فيج واحد نفسهم ياالدبه انتي مال 3XXXL
الشباب أنواع الضحك والإنبهار وطبعا صارت حوسة شوي إلا يجي المسؤول عن الأصبوحة و يطلب من البنات يطلعون بره
وطلعو المبرقعات و طبعا كل من في القاعه لحقوهم وخصووصا" الشباب
وكملو الأصبوحة و بعد انتهاءها
محمد:- حمدان شفت القهر؟!!
حمدان بتفكير:- خير
محمد:- ندوه كانت شي بس المبرقعات الله يلعنهن جن وخربن كل شي
حمدان:- صج مزييييييييين بس قلبي قرصني
محمد:- مزين إلا موت صااروخ واللبس حده اغراء
وطلعو ويشوفونهم بالباركنق

محمد:- شف شف الله يلعنهن الشباب عندهم
حمدان:- انا مومطمن لنظراتهم
محمد:- بصرااحه هذووول .........

طبعا" البنات كانو الثلاثي المرح
أم فووشي:- مشااعل
أم أحمر:- روان
أم أورنج:- منيره

شوي إلا مشاعل :- بنات طلع حمدان
منور:- يالله نمشي عندهم
ويروحون يمشون وتحط مشاعل أغنية ودعت جرحك للأبد لخالد عبدالرحمن
اهنييييييييييييه حمدان:- انتووووووووووووووووو!!!!!!!!!
مشاعل:- يس يس
ويقووم حمدان يجي يبي يطقهاا
ومحمد:- هي شنو بتسووووي؟؟؟؟؟؟!!!!!!
البنات فهموو من نظرة حمدان وركض على سيارة روان
وحمدان يمسكه محمد حمدان:- اتركني وربي لأدبها وتعرف الاغنيه بعد والله ما أخليها
محمد:- إسكت الناس تطالع
مشاعل بصرااخ على سايق: روووووووووووووح
سااااايق:- وين ؟؟
مشااعل:- أي مكاااااااااااان اطلع بس
منور و روان ميتات خوف
حمدان لما شاف إن سيارة تحركت وركض على سيارته ولحقهم
روان: وراااااااااااااااااااانا وراااااااااااااااااااااااانا
مشاعل للسايق:- دوووووووووووووووس روح مارينا
السايق بربكه:- زين
حمدااان:- هييييييييين وربي يا اذااااااابح يامذبووووووووووووووح
وبدت المحاده بينهم بس السايق كان سابق حمدان
منور:- الله يستر
مشاعل:- جب ولا كلمه لاتوترووني
روان شوي وتبجي:جبي انتي و الله بنروح فيها
مشاعل:- اسكتي لا أكفخج
و وصلو المارينا
مشاعل:- انزلوو بسرعه
منور:- ياحماره بيدخل و بيلقانا
مشااعل:- انزلي وإنت تكلم السايق رووح حووولي مهلب
سايق مو مستوعب:- زين
نزلووو
حمداان:- عبالكم ما راح أدش المجمع و ألقاكم طيب بسفط وبلقاكم
مشاعل:- ركض للكلاسيكال من الباب الثاني هو بيسفط على ما يدش الا احنا بكلاسيكال
منور وروان:- طيب
وركضوووووووو ركض والناس بالمجمع منصدمييييين اول ماصلووا الدرج عند زارا نزلو ولقو قدامهم كلاسيكال
وركض زين ما اندعمو ودخلو
مشااعل تنفس:- يالله الباب الخلفي
منور:- ليه؟؟
مشااعل:- نروح للقهاوي للي داخل بآخر الشارع
روان:- شكو تعبنا ما يدري إنا اهنيه
مشاعل:- ياحماره هذا قبال المارينا بالضبط
امشي اخر شي وندبرهااا
وراحو لآخر كوفي بالشارع طبعا" واجهو مضايقات من شباب
ولما دشو الكوفي بسرعه للحمام

حمدان يفر بالمجمع:- وين ذلفووووووووووو هذوووووووووول
ويفر ويفر وحده عصب وقرر يدخل السينما يدورهم اكيد دشوو داخل

مشاعل:- أنا بدق على خويي واحد أثق فيه دوامه قريب من مارينا ربع ساعه يجي ياخذنا
منور:- لا و الله فشله
مشااعل:- جب انا ميته خوووف
منور بقلة حيله:- كيفج
روان:- أخاف خويج يسوي فينا شي حنا ولبسنا
منور:- صح
مشاعل:- أنا بغريه شوي أخليه ما ينتبهلكم وبعدها ينزلنا المهلب و أطنشه
منور:- الله يستر بس
ودقت مشاعل وطبعا" ماصدق خويها خبر وجا وبعد ربع سااااااااااااااعه بالضبط

حمدان معصب ما لقاهم و يفكر يطلع ويدور بالسيارة حول المجمع

وتركب مشاعل مع خويها و البنات معاها وكانت سيارته رنج مغيمه من ورا بس
مشاعل:- مرحبا
الولد منبهر:- هلا هلا
مشاعل:- هلا فيك
الولد:- يلف على البنات السلام عليكم
البنات بدون نفس:- وعليكم السلام
ويقرب من مشاعل:- شهالزين؟!!
مشاعل:- هههههه عشانك سويتها مفاجأه
الولد مصدق:- أحلى مفاجأة بس ليش هذوول معانا؟؟
مشاعل:- يبون يشوفونك من كثر ما أسوولف فيك
الولد:- جان خليتيها بعدين
شوي وإلا تنتبه منور على جيب لكزس أسود كان جيب حمدااااان
منور:- الحقيييييييييييي حمداااااااااااااااااااااان يمينج
مشاعل بخوف:- وتسحب النضارة من عين خويها وتلبسها
الولد:- شفيييييج؟!!!!!
مشاعل:- ولد عمي يمينا صرفه
طبعا" منور وروان انزلو تحت الكرسي
مع ان السياره مغيمه
الولد باستغراب:- شسالفه انتو ليه اندسيتوو؟؟!!
روان:- حنا بنات عمها وهذا زوج المستقبل
منور تضحك على ترقيعة رواان:- اقوول قطنا المهلب وحاول تصرفه
الولد وبدى الخووف يسري بدمه:- طيب طيب
وشوي وتوقفهم اشاره واهنييييييييه ماتت مشاعل
وتقعد تمسح حمرتها واتعدل لفتهااااااااااا
ويصفط جنبهم حمداان ويطالع بالرنج
ويطالع عدل ومشااعل ميته وتدعي ربها
حمداان:- ياحليله شكله مواعد
وتبطل الاشااارة ويروحون سيده و ياخذ حمداان فوق تحت ويرد
الولد:- رااح ولد عمج
مشااعل متصلبه من الخوف:- ها رااح تأكد
الولد:- ايه ايه رااح
مشااعل تتنهد بصوت عالي:- بغييييييييييت اموت
وتلف عالبنات وتلقاهم للحين تحت الكشن مندسااااااااااااااات
مشاعل:- ههههههههههههههههههههههه اطلعن
منور:- يمه ما أقدر أول مره أخاف جذي
مشاعل:- ربج ستر
روان:- أنا بسحب أوراقي من الجامعه
مشاعل:- هههههههههههههههههه
وتلف على خويها ودنا المهلب
الولد:- بس هم ينزلون وانتي لا
مشاعل و فهمت القصد:- انت روح وربك يحلها


وعند حمدان عقب ما يأس ودق تلفونه و الا محمد
حمدان:- خييير؟؟
محمد:- انت وينك
حمدان:- راد بيتنا
محمد:- أشووه عبالي لحقت البنات
حمدان:- لحقتهم للمارينا وبعدها اختفو مدري وين راحوو
محمد بصدمه:- شكو لاحقهم شتبي!!!!!!!!!!
حمدان بقهر:- ربك رحمهم
محمد:- الله يلعنهم شيبوون
حمدان:- محمد و ربي مابرتااح لين أدبهم
محمد:- وأنا معاك باللي تسويه زهقت منهم
حمدان:- بجيب كل شي عنهم عبالهم ما أوصلهم
محمد:- اللي يريحك
حمدان:- اخليك انا قربت من البيت
محمد:- طيب

عند البنات وخوي مشاعل وصلو المهلب و نزلوالبنات ظلت مشاعل

جت مشاعل بتنزل إلا يمسكها:- وين وين يا الحلوه؟؟
مشاعل:- بنزل عندهم
الولد:- لا كذا ببساطه
وفهمت مشاعل وجارته شويه وسكته بجم بوسه
وجت بتنزل إلا الود عقب ماخلاص ولع:- لا إمشي نروح مكان ثاني
مشااعل:- إنت من صجك خلها مره ثانيه بروحي
الود:- لا تكفين ماني قادر
مشااعل:- البنات اهنييه شسوي بيذبحوني
الولد:- خلاص بس باجر بنطلع
مشاعل:- لا اللي بعده وابشر بعوضك
الولد:- انشالله
وتنزل وتبووسم و أول ما مشت
مشااعل:- هههههاااااااي إحلم تشوفني
وتدش الحمام و تلقى البنات
منور:- ما بغيتي تجين؟؟
مشاعل:- أف وخري خل أغسل إيديني وجهي كله من قذارته
منور:- ههههههههههههههههه عاد مزيون
مشاعل:- ووووووووع لزقة كرهته
منور:- شلون صرفتيه؟؟
مشاعل:- قلتله بعد بااجر أطلع معاك وصدق
منور:- بتشوفينه
مشاعل:- مجنونة أنا الولد شافني مات أكيد لا جا بعد باجر بيوديني مكاان مغلق واللي يستر شسوي أخاف منه قبل شوي وبغى ياكلني
روان:- انتي ولبسج قال اكيد منتهيه هاذي
منور:- أي شكلج مال اغتصاب هههههههههههههههههههههههههههههه
مشاعل:- جب جب
روان:- السايق برى
مشاعل:- باخذلي غدى ونطلع
منور:- يالله ابي فدركرز
وراحو وطلبو وطلعو للسياره
وركبو
السايق:- وين
منور:- جاامعه
مشااعل- لااااااااا شكو روح بيت انا
منور:- شكو بيتكم بعيييد
روان:- أي والله
مشاعل- نسيتو حمدان شاف السياره
منور:- عادي نروح كليتنا مو كليتهم
مشااعل:- جب نروح بيتنا ونرد بسايقنا شتسوى لو شافنا
و إنتي يا روان خل سايق يقطج بالكلية ولا عاد تجين عند كيفان والاجتماعيه فإذا عندج محاضرات هناك إركبي بباص الكليه
روان:- اووكي
منور:- انا عندي محااضره مهمه
مشاعل:- زين ساايقنا بيقطكم
روان- مشاعل أنا خايفه
مشااعل:- لا ما راح يصير شي بس هو عصب أنا أعرف حمدان مايحب يضر بنت
منور:- شدراااج
مشاعل:- نسيتي شصار السنه اللي طافت جان ضرنا ولاتنسين هي قالتلي كل شي عنه
منور وتتذكر:- شصاار عليها؟؟؟؟؟؟
مشاعل:- ضبطتها مع ولد عم واحد اعرفه وللحين معاه وتحبه
روان:- تدرين ذااك اليوم كسر خاطري حمدااااان حيل حيل
مشاعل:- لايستاهل طلعته على حقيقته كل الشباب جذابين ماكو حب
منور:- لاتجمعين
مشاعل:- لا عندنا ماااكو
منور:- لا مها حاله خاصه مبارك يحبها وهي تحبه
مشاعل:- مها اللي بعرس ولد خالج لابسه أحمر
منور:- يس يس
روان:- الله تهبل
مشاعل:- شكلها ما يعطي انها تحب شكلها مؤدبة مومال أحد يتحكم فيها بس نظراتها جنها مغروره صح
روان:- أي صح حتى انا حسيتها جذي
منور:- هههههههههههههههه حرام عليكم بالعكس نكته وحبوبه وعادي قبل لا تعرفه كانت تطلع معاي على طول وسوالف هبل وخبال بس الحين لا ما يرضى
مشاعل:- هبله اكيد يخونها أو يجذب
منور:- لا لا يحبها حيل انا عبالي جذي بس لاحظته الولد يموت فيها مع انها تدلع حيل وزعوله حيل وعادي متحمل
روان:- الله يهنيييها
مشاعل:- ليه تحب وتتعذب مصيرها لغيره
روان:- شدراج يمكن ياخذها هو قبلي منور
منور:- أي قبلي لا و أهله طلعو يعرفون أهل مها قبل كانو نفس منطقه أهل مها وعيال عمها معاه قبل ومع إخوانه نفس المدرسة
روان:- محلوله بياخذها
منور:- ماأظن أبوها بيطلعها لغير قبيلتنا
مشاعل:- هي مو ولد عمها يبيها؟؟
منور:- يس بس ما تبيه
مشاعل:- بس أنا سمعت وحدة تسإل وحدة من خالاتج ما أدري بنات عم أمج عنها وقالت لا هااذي لولد عمها ينطرها تخرج وتملك
منور:- شنوووووووووووووووووو منو أي وحده
مشاعل:- اللي لابسه وردي
منور:- فيه تور ذهبي ومتينه شوي وشعرها قصير لوونه أحمر برغندي
مشاعل:- أي
منور:- حسبي الله ونعم الوكيل تدرين هااذي ماعندها شغله الا طرد الخطااب مني ومن مها ومن منال بس أكثر شي أنا ومها ماتوب هااذي؟!!!!!!!!!
روان:- الله يااخذها ليه طيب
منور:- مدري عنها
مشاعل:- شنو تصيرلكم
منور:- بنت عم أمي
روان:- يمكن عشان ماتعرسوون قبل بناتها
منور:- قلنا جذي قبل بس لما ملجووا بناتها الثنتين عبالنا بتخف
بس لازاالت
مشااعل:- استغفرالله غيره وامج وخالتج ام مها مايقولون لها شي
منور:- لا يطنشون
روان:- لو أمي جان اذبحتهم
منور:- والله على قولت مها احنا ما ودنا نتزوج الحين واذا نصيبنا بيجينا ما يوقفه شي كل شي من عند الله وربي بحااسبه
مشاعل:- كلا والا قطع الارزاق
روان:- صح
منور:- ههههه تدرون لاشافت أمي وخالتي تقوول لي متى بناتكم ماعرسن؟؟!!!!!!!!
روان:- والله عينها قويه
مشاعل:- ههههههههههههههههه حدها قويه
منور:- ما علينا
روان:- صج شسم حبيبها وشصله ومزيون او لا؟؟
مشاعل:- ههههههههههههههههااي تحقيق
منور:- مبارك ال..... ومزيون شفت صورته
روان:- أي قبيلته معرووفه عيالهم مزين
مشاعل:- بناتهم مو حلوات عكس عيالهم لابعد ترى مو خبيثين نفس ال.... وال.....
روان:- ههههههههههههههههه خبره بعيال القبايل انتي

وصلو لبيت مشاعل ونزلو
روان:- هي روح لماما و لا تقول انتا يجي بيت مشاعل قول انت جامعه
وهم توهم بيدشون إلا بوجهم أخو مشاعل خالد
مشاعل:- بخووف تضم عباتها
خالد:- ينحرج منهم وينادي مشاعل
منور و روان متفشلين من لبسهم ومنبهرين فيه جميل
مشاعل:- هلا خالد
خالد بربكه:- منو هذوول؟!!!!!!
مشاعل:- خويااتي
خالد:- ما كنتي بالجامعه
مشاعل:- هه لا كنت بالصالون اليوم حفلة ملجة أخو رفيجتي اللي تو دشت ورحت معاها الصالون وحلفت عليها تغدى عندي
خالد:- أي أي اقوول لبسكم مومال جامعه
مشاعل:- لا من صجك مستحيل أداوم جذي
خالد:- طيب روحي لخوياتج لا تبطين عليهم
مشاعل- طيب وتروح ركض لداخل
و أول ما دشت
مشاعل:- يمه بغينا نرووح فيهاااا
منور:- ليش شصاار؟؟
مشاعل:- خالد هذا عصبي وانا رقعتها ان اليوم حفلة ملجة اخووو وحده فيكم وإني رحت صالون معاكم وحلفت تغدون معاي
منور:- هههههههههههههههه
روان:- أخوج مزيون
مشاعل:- ههههههههههههههههههههههههههههههه تبين رقمه
روان- شنو لا فشله
منور:- يكلم أخوج
مشاعل:- أكيد ماكو واحد ما يكلم وجم مره اسمع اغاني محمد عبدو وعبدالمجيد و عنده تلفونين وخطين واضحه
روان بخيبة امل:- هذا طبع شباب هالأيام

و في سيارة خالد تو يتذكر إنه نسى أوراق حساب عمه
خالد:- يووووه الله يستر بس الحق أو لااا خل ارد
وعقب ما خلصوو البنات غدى
إلا مشاعل:- بنات سحبو على الدوام خل ننام وعقبها أوصلكم بيتكم وأقعد عند أي وحده فيكم لأني جذبت أنها ملجة اخو وحده فيكم هههههههههههههههههههههه
منور:- تعالي عندي
روان:- لا تعالي عندي
مشاعل:- لا نرووح عند منور وانتي تعالي عندنا عشان نفلهاااااااااااااااااا
روان امم :- أوكي بكلم امي
منور:- اقوول أنا جاني نوم عقب الأكل امشي نروح ننام بغرفتج
مشااعل يالله
وراحو فوق لغرفة مشاعل
ويلبسون من بجامات مشاعل طبعا لبسو كلهم شورتات وبديات علاق لأنهم يحبون ياخذون راحتهم بالنوم
روان:- هذا سرير ما يكفينا ثلاثتنا
وتنط منور عالسرير:- انا بنام وانتو تناقشو
مشاعل:- لاوالله أنا ما أنام الا بسريري
روان:- و أناااااا؟؟؟؟؟!!!!!!!!
مشاعل:- امم نامي على الكنبه أو بغرفة خالد
روان:- لا والله غرفة خالد!!!!!!
مشاعل:- شفيج بيتنا ماكو الا خالد الباقي متزوجين وطالعين وخواتي غرفهم مقفله عندهم و خالد دام طلع الحين معناتها انه دواامه عصر مايطلع الا 10 بليل و نظام شفتات
روان:- امم فشله انام بسرير رجال
مشاعل:- أقول تلقين خدامه منظفه غرفته لحظه وتروح تبطل الكبت وتطلع لها لحاف هاج تلحفي فيه عشان ما تنحرجين
روان:- ههههههه أكيد ما يجي
مشاعل:- والله والله
روان:- طيب
وتطلع وتروح غرفته
وتنبهر كانت حلوه وألوانها هاديه و لفت انتبااه روان أنه في رف كله مجلات شعريه و عنده سيديات شعريه وفيه كتاب
لفت انتباها و تبطله وتلقى فيه مجموعه قصايد أعجبته كانت لشعراء معروفين
روان:- ههههههههه شكله عااشق ياحظهااااااااااااا
وتكمل لف وتطالع بصوره
روان:- ياحلاته وربي هنيالها عشيقتك وزوجتك
وتروح عند سريره وتجي بتنام باللحاف اللي معه بس طرت ببالها ان تنام بلحافه
وتقوم وتنام بلحافه وتشم ريحه حلوه عطره موجود للحين بالفراش
روان:- يالبييييييييييه يا عطره اشهد اني بغط غطه سنعه
وتقلب وكل شوي تاخذ نفس وتنام تبي تشبع من ريحته
وبعد ساعه يصفط خالد عند البيت عقب ما استاذن من دوامه عشاان يخلص الأشغال اللي عنده ورد ياخذ الحساب
وهو داش تذكر خويات مشاعل وقرر يدق تلفون ويدق
امه:- الوو
خالد:- هلا يمه
امه:- اهلين خالد
خالد:- أقول يمه أنا عند الباب بس شوفي مشاعل للحين خوياتها عندها
أم خالد باستغراب :- خويات مشاعل؟؟!!
وعلم خالد امه الموضوع
ام خالد:- لا ما أظن انهم موجودات البيت هدوء تو سألت الخدامه تقوول ان مشاعل نايمه
خالد:- طيب انا داخل
ودش خالد وسلم على امه
وصعد لغرفته ودش اول ما دش و يبطل ليت غرفته وينصدم بصوت روان بنعاس شديد:- أووووووووووو سكرو الليت محد يعرف ينام وتقلب للجهه ثانيه تنام
خالد بصدمه سكر الليت وقرب من السرير وانصدم
خالد:- يمه من هاااذي
ويدقق بوجها عدل ويحاول يتذكر
خالد:- إيه خوية مشاعل عرفتها أنا انتبهت لهم هاذي أم حمره حمره الثانيه كانت برتقالي فاقع أنا اللي لفت انتباهي حمرهم فاقعه
مالومهم عشان الحفله
بس شعندها نايمة وقعد يطالعها ويتأملها شوي إلا روان تقلب ويتحرك منها الغطا وهي تلف على جنبها وتشمم المخده تبتسم
خالد:- هههههههههههههههه الاخت تحلم مشالله حلوه وجسمها ولا عارضه أزيااء
أستغفرالله خل أغطيها وأطلع خوية مشاعل بحسبة اختي
ويروح وياخذ أوراق الحسابات ويطلع بس قبل لا يطلع قرب من سرير واخذ نظره لها ماشاءلله الله يحرسهاا
وطلع وهو راد قابل امه
خالد:- يمه
ام خالد:- لبيه
خالد:- لبيه انتي ولبى الغرفه والسرير والمخده ههههههههههههههههههه
ام خالد:- ههههههههههههههه شكو السرير
خالد:- حبيت سريري
ام خالد:- ياحليلك
خالد:- اه يالله ماشي
ويطلع وهو متشقق ومستانس الله يا زينها زينااااه
شكلي بسال عنها مشاعل واذا مو مخطوبه بخطبها لاخلصت من اشغال عمي والحسابات يالله يا رب ما تطلع مخطوبه او متزوجه انا ماعمري كلمت أو فكرت ببنت متامل اني اتزوج واعطي هالحب لزوجتي لكن أدعي ربي يجمعني فيها وانشالله تجيني بالحلال>>>> حرام ما دريت اختك دمرت شي ما انبنى هههههه

[أطعم خلق الله]

مشكووووووووره

ويعطيك العافيه ..

[عَبَثْ ..!]

مشكوووووووره على الطرح الرائع ..

يعطيك العافيه ياااااااااااارب ..