لـبـيـه
02-28-2009, 09:53 AM
جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. فبيتٍ صغير
قال نبدي : شنهو تعريف المُحال..؟
قلت :خَل الكلمهـ
فـ الشطر الأخيـر ..!
القهر :إن شفت دمعـات الرجال
والوطن : { إنسان } .. مِتغيِّر كثير
والطفل :لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل :اللـي علـى أهلـه يغير
والرجا :لا قلت : للواطـي تعال
والفشل :مدري .. ولكنـه مرير
الشعر :في وقـتنا .. بدر وطلال
وكان أوَّل : حيـل يعجبنـي جرير ..!
والغلا :إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل :يعنـي تأكَّـد فيك خير
والعقل :تِسْفَـه أقاويـل الجهال
والجهل :إن قلت عن نفسك كبير
والخطر :لا صار ما عندك مجال
والبلا : إن صرت معدوم الضمير
والعجب :لا صرت تسأل منهو قال
والتعب :إن كنت تِبْحَثْ عن مصير
الغنى :بالنفس ما هو راس مال
والفقر :من كان .. بأعماله فقير
يكفي يكفي .. أسئله إنهي الجدال
ويالله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير
جات طعنـه مِن جنوبك والشمال
يعني وضعِك بين مِن حُولك خطير
صاحبـي وإن ضاقت بعينك ليال
لك فرشت القلب مفروش الحرير
في [ بلاد الحلم ].. ممنوع العـقال
والمـصيبه الشعـب ما أخـتار الأمـير
وما ألومـك .. كان شدِّيت الرحـال
دام بيتـك جـرح / وفراشك حـصـير
هذا تـعريـفي إلى كلـمة : مُـحَـال
شي ودِّك فيه ولا يمكن يصير ..!
للـمـبـدع أحمد الصانع ..
أعـجـبـتني قـلت أنـقـلها لـكـم أتـنمنى تـعـجـبـكــم ..
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. فبيتٍ صغير
قال نبدي : شنهو تعريف المُحال..؟
قلت :خَل الكلمهـ
فـ الشطر الأخيـر ..!
القهر :إن شفت دمعـات الرجال
والوطن : { إنسان } .. مِتغيِّر كثير
والطفل :لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل :اللـي علـى أهلـه يغير
والرجا :لا قلت : للواطـي تعال
والفشل :مدري .. ولكنـه مرير
الشعر :في وقـتنا .. بدر وطلال
وكان أوَّل : حيـل يعجبنـي جرير ..!
والغلا :إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل :يعنـي تأكَّـد فيك خير
والعقل :تِسْفَـه أقاويـل الجهال
والجهل :إن قلت عن نفسك كبير
والخطر :لا صار ما عندك مجال
والبلا : إن صرت معدوم الضمير
والعجب :لا صرت تسأل منهو قال
والتعب :إن كنت تِبْحَثْ عن مصير
الغنى :بالنفس ما هو راس مال
والفقر :من كان .. بأعماله فقير
يكفي يكفي .. أسئله إنهي الجدال
ويالله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير
جات طعنـه مِن جنوبك والشمال
يعني وضعِك بين مِن حُولك خطير
صاحبـي وإن ضاقت بعينك ليال
لك فرشت القلب مفروش الحرير
في [ بلاد الحلم ].. ممنوع العـقال
والمـصيبه الشعـب ما أخـتار الأمـير
وما ألومـك .. كان شدِّيت الرحـال
دام بيتـك جـرح / وفراشك حـصـير
هذا تـعريـفي إلى كلـمة : مُـحَـال
شي ودِّك فيه ولا يمكن يصير ..!
للـمـبـدع أحمد الصانع ..
أعـجـبـتني قـلت أنـقـلها لـكـم أتـنمنى تـعـجـبـكــم ..